Sveitarstjórn Þingeyjarsveitar

Fyrir sveitarstjórn liggur til staðfestingar fundargerð 40. fundar skipulagsnefndar frá 17. september. Fundargerðin er í 12 liðum. Liðir 4, 5, 6, 7, 8 og 11 þarfnast afgreiðslu sveitarstjórnar og eru sérstakir liðir á dagskrá fundarins.

Fyrir sveitarstjórn liggur til staðfestingar fundargerð 22. fundar atvinnu- og nýsköpunarnefndar frá 15.09. Fundargerðin er í fjórum liðum. Liður nr. 1 þarfnast afgreiðslu sveitarstjórnar og er sér liður á dagskrá fundarins.

Fyrir sveitarstjórn liggur til staðfestingar fundargerð 28. fundar umhverfisnefndar frá 17. september. Fundargerðin er í sjö liðum. Liður 6 þarfnast afgreiðslu sveitarstjórnar og er sér liður á dagskrá fundarins.

Fyrir sveitarstjórn liggur til staðfestingar fundargerð 6. fundar framkvæmda- og veitunefndar frá 17. september. Engir liðir þarfnast afgreiðslu sveitarstjórnar.

Á aukafundi sveitarstjórnar í morgun 25. september var tekin sú ákvörðun að segja Ragnheiði Jónu Ingimarsdóttur upp starfi sveitarstjóra.



Fyrir fundinum liggur tillaga um ráðningu Gerðar Sigtryggsdóttur í starf sveitarstjóra Þingeyjarsveitar.

Fyrir sveitarstjórn liggur beiðni frá Gerði Sigtryggsdóttur um lausn frá störfum oddvita í sveitarstjórn Þingeyjarsveitar en hún mun sitja áfram í sveitarstjórn sem kjörinn fulltrúi.

Í ljósi þess að Gerður Sigtryggsdóttir hefur beðist lausnar sem oddviti Þingeyjarsveitar þarf að fara fram kosning nýs oddvita sveitarfélagsins.

Fyrir sveitarstjórn liggur að taka ákvörðun um forsendur við gerð fjárhagsáætlunar fyrir árið 2026. Eftirfarandi forsendur eru hér með lagðar fyrir sveitarstjórn:



Fullnýting verði á útsvari skv. lögum, sbr. 1. mgr. 23. gr. l.nr. 4/1995 um tekjustofna sveitarfélaga eða 14,97%.



Álagning fasteignaskatts verði óbreytt frá fyrra ári:

Fasteignaskattur A-gjald 0,625% af fasteignamati íbúðarhúsnæðis

Fasteignaskattur B-gjald 1,32% af fasteignamati opinberra stofnana og fasteignaskattur C-gjald 1,65% af atvinnuhúsnæði.

Lagt er til að lóðarleiga af lóðum í þéttbýli verði 1% af fasteignamati, utan þeirra samninga í Reykjahlíð sem bundnir eru verði á m2 og tekur mið af lóðarleigu sem sveitarfélagið greiðir til landeigenda Reykjahlíðarjarða.



Vatns- og fráveitugjöld verði eftirfarandi:

Vatnsgjald 0,190 % af fasteignamati og fráveitugjald 0,184 % af fasteignamati, aukavatnsgjald 0,42% af fasteignamati.



Almennar gjaldskrár hækki um 3,4% og er þar horft til meðaltals af helstu verðbólguspám vegna ársins 2026. Gjaldskrár sem snúa að barnafjölskyldum og viðkvæmum hópum hækki minna eða um 2,5%.

Við áætlun vegna vegna launa verði horft til forsendna í minnisblaði Sambands íslenskra sveitarfélaga og þau hækkuð um 4,25%.

Fyrir sveitarstjórn liggur bréf frá stjórn GG2023 er varðar beiðni um aukningu hlutafjár. Þingeyjarsveit á 12,76% í hlutafélaginu GG2023 ehf. í gegnum Atvinnueflingu Þingeyjarsveitar. Óskað er eftir að eigendur leggi fram allt að 10 m.kr. í aukið hlutafé sem varið verður til frekari uppbyggingar og þróunar þurrkstöðvar. Málinu var frestað á síðasta fundi sveitarstjórnar þar sem stjórn Atvinnueflingar Þingeyjarsveitar átti eftir að taka málið fyrir. Stjórn Atvinnueflingar Þingeyjarsveitar hefur nú samþykkt beiðni um hlutafjáraukningu að upphæð 1.276 þúsund krónur.

Fyrir sveitarstjórn liggur til afgeiðslu viðauki nr. 6 við fjárhagsáætlun 2025. Viðaukinn er í tveimur liðum. Annarsvegar er um að ræða breytingu vegna hlutafjárkaupa Atvinnueflingar Þingeyjarsveitar í GG2023 ehf. að upphæð 1.276.000. Þessi liður viðaukans verður fjármagnaður af handbæru fé.

Hinsvegar er um að ræða tilfærslu á milli liða innan fjárhagsáætlunar 2025. Áætlaðar voru 5 m.kr. á deild 41 - veitustofnanir vegna varmadæluverkefnis. Sú upphæð færist á deild 08 - hreinlætismál vegna útboðs á sorphirðu. Þessi tilfærsla á milli liða hefur ekki áhrif á handbært fé.

Á 63. fundi sveitarstjórnar var lagt fram til kynningar minnisblað sviðsstjóra fjármála- og stjórnsýslusviðs um fyrirkomulag kosningaa fyrr á kjörtímabilinu. Fyrir sveitarstjórn liggur að taka ákvörðun um fyrirkomulag kosninga við sveitarstjórnarkosningar í maí 2026.

Lagt fram erindi dagsett 10. september 2025 frá Þorleifi Kr. Níelssyni verkefnastjóra vegna stofnunar svæðisbundins farsældarráðs Norðurlands eystra í samræmi við 5. gr. laga nr. 86/2021 um samþættingu þjónustu í þágu farsældar barna. Jafnframt eru lögð fram drög að samstarfssamningi, skipuriti og starfsreglum farsældarráðs Norðurlands eystra. Óskað er eftir því að sveitarfélagið tilnefni einn aðalmann og einn varamann í ráðið.

Fyrir sveitarstjórn liggur beiðni frá Úllu Árdal fyrir hönd Mývatnsstofu. Úlla óskar eftir að samningar er varða Vetrarhátíð við Mývatn og snjómokstur vegna jólasveinanna í Dimmuborgum verði teknir inn í vinnu við fjárhagsáætlun næsta árs og samningar endurnýjaðir.

Fyrir sveitarstjórn liggur boð á ársfund Jöfnunarsjóðs sveitarfélaga sem haldinn verður 1. október n.k. á Hilton Reykjavík Nordica

Fyrir sveitarstjórn liggja drög að loftslagsstefnu Þingeyjarsveitar sem frestað var á 62. fundi sveitarstjórnar.

Fyrir sveitarstjórn liggur erindi frá lögreglustjóranum á Norðurlandi eystra til samstarfssveitarfélaga vegna drónaverkefnis. Afgreiðslu erindisins var frestað á síðasta fundi sveitarstjórnar en óskað var frekari kynningar á verkefninu.

Fyrir sveitarstjórn liggur til samþykktar fjárhagsáætlun Heilbrigðiseftirlits Norðurlands eystra ásamt yfirliti yfir áætluð framlög sveitarfélaga fyrir árið 2026.

Fyrir sveitarstjórn liggur boð á landsbyggðarráðstefnu Félags þjóðfræðinga á Íslandi sem haldin verður að Narfastöðum í Reykjadal 26. - 28. september en ráðstefnan verður sett formlega föstudagskvöldið 26. september.

Fyrir sveitarstjórn liggur bréf frá Skógræktarfélagi Íslands með ályktun sem samþykkt var á aðalfundi félagsins nýverið. Ályktunin er svohljóðandi: Aðalfundur Skógræktarfélags Íslands, haldinn að Varmalandi í Borgarfirði dagana 29.-31. ágúst 2025, beinir því til sveitarfélaga að skógrækt verði ekki háð framkvæmdaleyfi umfram það sem gildir um annan landbúnað.

Fyrir sveitarstjórn liggur boð frá innviðaráðuneytinu um þátttöku í samráði er varðar frumvarp til laga um breytingar á sveitarstjórnarlögum. Frestur til að skila inn breytingartillögum er til 13. október. Með frumvarpinu eru lagðar til breytingar á reglum sem gilda um fundi sveitarstjórna, málsmeðferð við töku ákvarðana um hæfi, rétt kjörinna fulltrúa til aðgangs að gögnum og framsal ráðningar- og fullnaðarafgreiðsluvalds til nefnda, ráða og starfsmanna sveitarfélaga. Markmiðið er að skýra og auka gagnsæi gildandi reglna um stjórnskipulag sveitarfélaga og auka traust á stjórnsýslu þeirra.

Á 28. fundi fræðslu- og velferðarnefndar var eftirfarandi bókað og samþykkt vegna endurskoðunar á áætlun um aðgerðir gegn einelti, kynbundnu ofbeldi og kynferðislegri áreitni:

"Fræðslu- og velferðarnefnd sér ekki ástæðu til að gera breytingar á áætluninni eins og hún liggur fyrir og leggur til við sveitarstjórn að áætlunin verði staðfest. Ennfremur hvetur nefndin stjórnendur til þess að fara yfir áætlunina reglulega á starfsmannafundum."

Á 28. fundi fræðslu- og velferðarnefndar voru tekin fyrir drög að breyttri gjaldskrá leikskóla og gjaldskrá skólavistunar grunnskólabarna. Eftirfarandi var bókað og staðfest:

"Fræðslu- og velferðarnefnd samþykkir drög að breytingum á gjaldskránum fyrir sitt leyti og vísar til sveitarstjórnar til samþykktar."

Á 28. fundi fræðslu- og velferðarnefndar var tekið fyrir erindi frá skólaþjónustu Þingeyjarsveitar. Beiðni um að ráða inn þroskaþjálfa til að sinna brýnni þörf í skólum sveitarfélagsins. Eftirfarandi var bókað og samþykkt:

"Sveitarfélög hafa gert samkomulag við ríkið um að sveitarfélögin sjái um þjónustu við börn á fyrsta og öðru stigi farsældar. Liður í þeirri þjónustu er að skólaþjónustur sveitarfélaga hafi á að skipa fagfólki sem getur tekist á við fjölbreyttar þarfir barna og veitt ráðgjöf til kennara og foreldra. Fræðslu- og velferðarnefnd leggur því til við sveitarstjórn að gefa skólaþjónustunni heimild til að ráða til starfa þroskaþjálfa við skólaþjónustu Þingeyjarsveitar."

Á 28. fundi fræðslu- og velferðarnefndar var fjallað um drög að að umsókn í farsældarsjóðinn frá Akureyrarbæ og öðrum sveitarfélögum á Norðurlandi eystra.

Eftirfarandi var bókað og samþykkt:

"Fræðslu- og velferðarnefnd leggur til við sveitarstjórn að staðfest verði þátttaka Þingeyjarsveitar í umsókn Akureyrarbæjar í farsældarsjóð."

Á 22. fundi atvinnu- og nýsköpunarnefndar var tekið fyrir erindi frá fjallskilanefnd Fnjóskdæla - Lokastaðadeild þar sem óskað var eftir 1 mkr styrk til að endurgirða og laga núverandi afgréttargirðingu á Flateyjardal við Vestari-Króka.

Eftirfarandi bókað og samþykkt :

"Nefndin tekur jákvætt í erindið þar sem sveitarfélagið er stór landeigandi á svæðinu og leggur til við sveitarstjórn að verða við erindinu. Nefndin leggur áherslu á að viðhaldi verði sinnt og gerð verði viðhaldsáætlun fyrir girðinguna. Nefndin felur sviðsstjóra umhverfis- og framkvæmdasviðs að eiga samtal við fjallskilanefnd um framgang verkefnisins."

Á 40. fundi skipulagsnefndar var lögð fram fyrirspurn um hvort leyfi fengist fyrir stofnun lóðar undir íbúðarhús og atvinnuhúsnæði í landi Brekku í Mývatnssveit. Svæðið er á landbúnaðarsvæði skv. aðalskipulagi og ekkert deiliskipulag er til af svæðinu. Eftirfarandi bókað og samþykkt.

"Skipulagsnefnd tekur jákvætt í erindið varðandi stofnun íbúðarhúsalóðar. Bent er á að sækja þarf um leyfi til Náttúruverndarstofnunar þar sem framkvæmdir verða innan verndarsvæðis Mývatns og Laxár. Uppbygging samræmist skilmálum gildandi aðalskipulags. Nefndin telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004. Skipulagsnefnd leggur til við sveitarstjórn að skipulagsfulltrúa verði falið að sjá um stofnun lóðarinnar þegar tilskilin gögn hafa borist."

Á 40. fundi skipulagsnefndar var lögð fram fyrirspurn um hvort leyfi fengist fyrir stofnun lóðar undir íbúðarhús í landi Grímsstaða í Mývatnssveit. Svæðið er á landbúnaðarsvæði skv. aðalskipulagi og ekkert deiliskipulag er til af svæðinu.eftirfarandi bókað og samþykkt:

"Skipulagsnefnd tekur jákvætt í erindið varðandi stofnun íbúðarhúsalóðar. Bent er á að sækja þarf um leyfi til Náttúruverndarstofnunar þar sem framkvæmdir verða innan verndarsvæðis Mývatns og Laxár. Uppbygging samræmist skilmálum gildandi aðalskipulags. Nefndin telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004. Skipulagsnefnd leggur til við sveitarstjórn að skipulagsfulltrúa verði falið að sjá um stofnun lóðarinnar þegar tilskilin gögn hafa borist."

Á 40. fundi skipulagsnefndar var lögð fram merkjalýsing fyrir lóð úr landi Lauta. Ný lóð fær staðfangið Lautir hesthús. Eftirfarandi bókað og samþykkt:

"Skipulagsnefnd gerir ekki athugasemd við landskiptagerð, enda samræmist hún skipulagsáætlunum. Nefndin telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004. Málinu vísað til sveitarstjórnar."

Á 40. fundi skipulagsnefndar var lögð er fram merkjalýsing fyrir lóð úr landi Garðshorns í Flatey. Ný lóð fær staðfangið Sæland lóð. Eftirfarandi var bókað og samþykkt:

"Skipulagsnefnd gerir ekki athugasemd við landskiptagerð, enda samræmist hún skipulagsáætlunum. Málinu vísað til sveitarstjórnar."

Á 40. fundi skipulagsnefndar var lögð fram skipulagslýsing fyrir deiliskipulag þéttbýlisins á Laugum.

Viðfangsefni deiliskipulagsins verður m.a. að afmarka nýjar lóðir og byggingarreiti þar sem möguleikar eru

á uppbyggingu. Þá verða skilgreindir byggingarreitir á núverandi lóðum og sett ákvæði hvað varðar viðbyggingar við núverandi hús eða endabyggingar húsa. Eftirfarandi bókað og samþykkt:

"Skipulagsnefnd felur skipulagsfulltrúa að kynna skipulagslýsingu vegna deiliskipulagsgerðar fyrir Laugar í samræmi við 3. mgr. 40. gr. skipulagslaga nr. 123/2010. Málinu vísað til sveitarstjórnar."

Á 40. fundi skipulagsnefndar var tekið fyrir deiliskipulag Laxárstöðvar sem var auglýst í Lögbirtingablaðinu, á skipulagsgátt mál nr.900/2023 og á heimasíðu sveitarfélagsins frá 1. júlí með athugasemdarfresti til 24. ágúst 2025. Vegna árstíma auglýsingarinnar voru send út bréf á hagsmunaaðila með tilkynningu um auglýsingu deiliskipulagstillögunnar. Umsagnir bárust frá Minjastofnun Íslands, Vegagerðinni, Heilbrigðiseftirliti Norðurlands eystra, Fiskistofu, RARIK, Veiðifélagi Laxár og Krákár, Landsneti og Náttúruverndarstofnun. eftirfarandi bókað og samþykkt:

"Skipulagsnefnd samþykkir breytingar frá auglýstum skipulagsgögnum í samræmi við umræður og sem settar eru fram í skjali um yfirferð umsagna. Breytingarnar eru óverulegar og varða ekki efnislegar breytingar á heimildum til framkvæmda. Skipulagsnefnd leggur til við sveitarstjórn að hún samþykki tillögu að deiliskipulagi Laxárstöðva þannig breytt skv. 3. mgr. 41. gr. Skipulagslaga nr. 123/2010. Niðurstaða sveitarstjórnar skal auglýst. Skipulagsnefnd vekur athygli á að mannvirki í Mývatnssveit sem tilheyra starfsemi Laxárstöðva eru ekki innan deiliskipulagsmarka."

Á 28. fundi umhverfisnefndar var tekið fyrir tilboð í moltugerðarvélar og var eftirfarandi bókað og samþykkt:

"Umhverfisnefnd leggur til við sveitarstjórn að keyptar verði 200 vélar í samræmi við tilboð frá Heimilstækjum. Nefndin leggur til að sveitarfélagið kosti vélarnar en innheimti helming af andvirði þeirra frá þátttakendum."

Fyrir sveitarstjórn liggur til kynningar tölvupóstur frá Vífli Karlssyni er varðar rannsókn um orlofshús í þéttbýli sem gerð var við Rannsóknarsetur í byggða- og sveitarstjórnarmálum við Háskólann á Bifröst.

Fyrir sveitarstjórn liggur til kynningar fundargerð 75. fundar stjórnar SSNE frá 4. september s.l.

Fyrir sveitarstjórn liggur til kynningar fundargerð 984. fundar stjórnar Sambands íslenskra sveitarfélaga frá 12. september s.l.

Fyrir sveitarstjórn liggur til kynningar fundargerð 243. fundar stjórnar Heilbrigðiseftirlits Norðurlands eystra frá 17. september sl.