Viðaukar við fjárhagsáætlun 2025

Fyrir sveitarstjórn liggur að taka ákvörðun um viðauka nr. 1 við fjárhagsáætlun 2025.

Fyrir sveitarstjórn liggur til afgreiðslu viðauki nr. 2. Viðaukinn er í þremur liðum:

a: Vegna hækkunar á þjónustusamningi vegna NPA þjónustu sem færist á málaflokk 02-520 Hækkun samnings er samtals 10 m.kr.

b: Styrkur til Bárðarborgar ehf. 2 m.kr. sem færist á málaflokk 05-890.

c: Stofnframlag til Vettvangsakademíunnar á Hofstöðum 557 þús. sem færist á fjárfestingu.

Viðaukinn verður fjármagnaður af handbæru fé.

Fyrir sveitarstjórn liggur til afgreiðslu viðauki nr. 3. Með viðaukanum er verið að færa á milli málaflokka vegna stofnunar nefndar um framkvæmdir og veitur. Heildarupphæð millifærslu er 1,5 m.kr. og færist af málaflokki 21 - sameiginlegur kostnaður á málaflokk 41 - Veitur 1 m.kr. og málaflokk 31 - Eignasjóð 0,5 m.kr.

Fyrir sveitarstjórn liggur til afgreiðslu viðauki nr. 4 við fjárhagsáætlun 2025. Viðaukinn er vegna hækkunar framlags til Félagsþjónustu Norðurþings og færist á málaflokk 02. Hækkun framlags nemur 26,3 m.kr. Viðaukinn er fjármagnaður af handbæru fé.

Fyrir sveitarstjórn liggur til afgreiðslu viðauki 5 við fjárhagsáætlun 2025. Um er að ræða breytingu á viðhaldsáætlun ársins en áætlaðar voru 12 m.kr. vegna endurnýjunar stigagangs íbúðarálmu Þingeyjarskóla sem tilheyrir eignasjóði eða deild 31-106. Sú viðhaldsupphæð færist yfir á viðhald íbúðar í parhúsi við Þingeyjarskóla og færist á Leiguíbúðir Þingeyjarsveitar, deild 57-620. Engin breyting verður á handbæru fé.

Fyrir sveitarstjórn liggur til afgeiðslu viðauki nr. 6 við fjárhagsáætlun 2025. Viðaukinn er í tveimur liðum. Annarsvegar er um að ræða breytingu vegna hlutafjárkaupa Atvinnueflingar Þingeyjarsveitar í GG2023 ehf. að upphæð 1.276.000. Þessi liður viðaukans verður fjármagnaður af handbæru fé.

Hinsvegar er um að ræða tilfærslu á milli liða innan fjárhagsáætlunar 2025. Áætlaðar voru 5 m.kr. á deild 41 - veitustofnanir vegna varmadæluverkefnis. Sú upphæð færist á deild 08 - hreinlætismál vegna útboðs á sorphirðu. Þessi tilfærsla á milli liða hefur ekki áhrif á handbært fé.

Fyrir sveitarstjórn liggur til afgreiðslu viðauki nr. 7 við fjárhagsáætlun 2025. Um er að ræða hækkun áætlunar um 4 m.kr. vegna verkefnisins Reykjahlíð - Jarðkönnun og færist á málaflokk 09-09010 - skipulags- og byggingamál. Viðaukinn verður fjármagnaður af handbæru fé.