Sveitarstjórn Þingeyjarsveitar

Fyrir sveitarstjórn liggur til staðfestingar fundargerð atvinnu- og nýsköpunarnefndar frá 13. október. Fundargerðin er í þremur liðum. Engir liðir þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð skipulagsnefndar frá 15. október. Fundargerðin er í 15 liðum. Liður 15 þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð 29. fundar fræðslu- og velferðarnefndar frá 16. október. Fundargerðin er í 12 liðum. Liður þrjú þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð 42. fundar skipulagsnefndar frá 23. október. Fundargerðin er í einum lið og er hann til afgreiðslu sem liður 15 á dagskrá fundarins.

Fyrir sveitarstjórn liggur til staðfestingar fundargerð framkvæmda- og veitunefndar frá 15. október.

Skýrsla sveitarstjóra flutt munnlega og til kynningar.

fyrir sveitarstjórn liggur að taka ákvörðun um álagningu fasteignaskatts fyrir árið 2026.

Fyrir sveitarstjórn liggur til afgreiðslu viðauki nr. 8 við fjárhagsáætlun 2025. Viðaukinn er í tveimur liðum. Fyrri liður snýr að breytingu á sameiginlegum kostnaði 21-210 Sameining sveitarfélaga að upphæð 24 m.kr. Þessi hluti viðaukans verður fjármagnaður af handbæru fé. Í seinni lið viðauka er um að ræða tilfærslu á milli liða í fjárfestingaráætlun. 6,6 m.kr. eru færðar af fjárfestingu ársins í eignasjóði yfir á fjárfestingu í Leiguíbúðum Þingeyjarsveitar - parhúsi við Þingeyjarskóla. Þessi hluti viðaukans hefur ekki áhrif á handbært fé.

Fyrir sveitarstjórn liggur boð á ráðstefnu Byggðarstofnunar, Byggðarráðstefnan 2025 sem haldin verður 4. nóvember nk. í Skjólbrekku í Mývatnssveit. Skráningarfrestur er til og með 27. október.

Fyrir sveitarstjórn liggur til fyrri umræðu, breyting á samstarfssamningi sveitarfélaga á Norðurlandi eystra um barnavernd. Breytingin snýr að því að tvö sveitarfélög á Norðurlandi sem ekki voru aðilar að samningnum, Dalvíkurbyggð og Fjallabyggð hafa nú sótt um aðild og gildir sú aðild frá desember 2025 og út árið 2026.

Fyrir sveitarstjórn liggur erindi frá stjórn Mývetnings um endurbætta framtíðarsýn á íþróttaheimilinu í Mývatnssveit (Íþróttamiðstöðinni í Reykjahlíð).

Fyrir sveitarstjórn liggur erindi frá stjórn Mývetnings er varðar uppbyggingu skautasvells á sundlaugarreitnum í Reykjahlíð.

Á 29. fundi fræðslu- og velferðarnefndar var tekið fyrir erindi frá Skólaþjónustu Þingeyjarsveitar. Beiðni um að ráða inn náms- og starfsráðgjafa í 50% starf til að sinna lögbundinni þjónustu við nemendur skólanna þriggja. Eftirfarandi var bókað og samþykkt:



"Nefndin tekur jákvætt í erindið og veltir fyrir sér hvort náms- og starfssráðgjafi geti sinnt fleiri verkefnum innan skólaþjónustu. Nefndin vísar erindinu til sveitarstjórnar."

Á 41. fundi skipulagsnefndar var lögð fram tillaga að óverulegri breytingu á deiliskipulagi Rangár í Köldukinn þar sem óskað var eftir að skilmálar um hámarks grunnflöt gistihýsa stækki.

Eftirfarandi var bókað og samþykkt:

"Skipulagsnefnd telur ekki þörf á grenndarkynningu skv. 44. gr skipulagslaga nr. 123/2010 þar sem breytingin varði ekki hagsmuni annarra en sveitarfélagsins og/eða umsækjanda. Nefndin leggur til við sveitarstjórn að samþykkja breytinguna skv. 2. mgr. 43. gr. skipulagslaga."

Á 42. fundi skipulagsnefndar var eftirfarandi bókað varðandi Austurhlíðarvegur 2 - Laugafiskur - umsókn um byggingarleyfi fyrir turni en grenndarkynningu vegna byggingarleyfis við Laugafisk er lokið og bárust fjórar umsagnir/athugasemdir frá íbúum.

Eftirfarandi var bókað og samþykkt:

"Samkvæmt 1. mgr. 44. gr. skipulagslaga nr. 123/2010 skal skipulagsnefnd láta fara fram grenndarkynningu þegar sótt er um byggingarleyfi fyrir framkvæmd sem er í samræmi við landnotkun, byggðamynstur og þéttleika byggðar í þegar byggðu hverfi. Framkvæmd kynningarinnar er í samræmi við það og snýr að byggingarleyfi fyrir miðlunartank og lofthreinsihús við núverandi verksmiðju Laugafisks en fjallar ekki um þá starfsemi sem fer fram á lóðinni. Skipulagsnefnd fjallar því um þann þátt umsagna er beinast að viðbyggingum og vísar áhyggjum íbúa vegna umhverfisáhrifa til sveitarstjórnar. Varðandi ákvörðun nefndarinnar um hverjir fá bréf þá snýr grenndarkynning byggingarleyfis að því að því hvaða nágrannar gætu átt hagsmuna að gæta vegna landnotkunar, útsýnis, skuggavarps eða innsýnar. Fyrirhugaðar viðbyggingar eru minniháttar í samhengi við aðrar byggingar á lóðinni. Þær eru innan við núverandi port og í sambærilegri hæð og núverandi byggingar og því ekki líklegt að þær hafi veruleg áhrif á ásýnd. Varðandi ábendingu um hvort framkvæmdirnar falli undir lög nr. 111/2021 um mat á umhverfisáhrifum framkvæmda og áætlana þá gilda þau skv. stafliðum, 7.08 og 7.09 1. viðauka laganna aðeins um fiskmjöls- og lýsisverksmiðjur þar sem framkvæmd er staðsett í þéttbýli og framleiðslugeta er a.m.k. 500 tonn á sólarhring. Heimildir Laugafisks skv. starfsleyfi eru til vinnslu 9000 tonna á ári sem gera um 30 tonn á sólarhring og fellur verksmiðjan því ekki undir lögin. Framkvæmdin snýr að uppsetningu og frágangi við lykteyðingarbúnað til að uppfylla skilyrði í starfsleyfi HNE. Að teknu tilliti til ofangreinds þá samþykkir skipulagsnefnd að veita heimildir til að byggja upp í samræmi við kynntar teikningar. Málinu vísað til sveitarstjórnar."

Fyrir sveitarstjórn liggur til kynningar erindi frá undirbúningshópi samstöðufundar á Breiðumýri er varðar kröfur kvennaársins 2025 og samstöðu.

Fyrir sveitarstjórn liggur til kynningar umsögn sviðsstjóra fjármála- og stjórnsýslusviðs vegna umsóknar Slægjunefndar um tækifærisleyfi vegna Slægjufundar 18. október sl.

Fyrir sveitarstjórn liggur til kynningar umsögn sviðsstjóra fjármála- og stjórnsýslusviðs varðandi umsókn Brynjars Árnasonar um gistileyfi í Klambraseli.

Fyrir sveitarstjórn liggur til kynningar umsögn sviðsstjóra fjármála- og stjórnsýslusviðs varðandi umsókn Sólkistunnar ehf. um gistileyfi.

Fyrir sveitarstjórn liggur til kynningar töluvpóstur frá Sambandi íslenskra sveitarfélaga þar sem þeim tilmælum er beint til stjórnenda sveitarfélaga að þeir komi til móts við konur og kvár, þar sem því verður við komið og skapi eftir bestu getu aðstæður á starfsstað og í starfssemi til að sem flestir komist á boðaða samstöðufundi. Í þeim tilvikum þar sem það er ekki hægt, starfseminnar vegna, er þeim tilmælum beint til stjórnenda að þeir leiti leiða til að konur og kvár geti með öðrum hætti sýnt samstöðu.

Fyrir sveitarstjórn liggur til kynningar erindi frá Framsýn stéttarfélagi en stjórn Framsýnar samþykkti fyrr á árinu að festa kaup á nokkrum sætisbekkjum sem komið verði fyrir í sjávarbyggðum á félagssvæðinu, Húsavík, Raufarhöfn og Kópaskeri. Einnig var samþykkt að koma upp bekk í Flatey og við Tungulendingu á Tjörnesi, en þaðan var rekin blómleg útgerð og fiskvinnsla á sínum tíma. Bekkirnir eru gefnir í tilefni Kvenréttindadagsins þann 19. júní, af virðingu við konur sem misst hafa ástvini sína í greipar Ægis.