Sveitarstjórn Þingeyjarsveitar

Fyrir sveitarstjórn liggur til staðfestingar fundargerð 19. fundar atvinnu- og nýsköpunarnefndar frá 31. mars sl. Fundargerðin er í fjórum liðum. Engir liðir þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð 37. fundar byggðarráðs sem haldinn var þann 1. apríl sl. Fundargerðin er í sjö liðum. Liðir 1, 2 og 5 þarfnast afgreiðslu sveitarstjórnar og eru sérstakir liðir á dagskrá fundarins.

Fyrir sveitarstjórn liggur til staðfestingar fundargerð 24. fundar íþrótta-, tómstunda- og menningarnefndar frá 8. apríl sl. Fundargerðin er í tveimur liðum og þarfnast báðir liðir afgreiðslu sveitarstjórnar og eru sér liðir á dagskrá.

Fyrir sveitarstjórn liggur til staðfestingar fundargerð 31. fundar umhverfisnefndar frá 10. apríl sl. Fundargerðin er í þremur liðum. Engir liðir þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð 25. fundar fræðslu- og velferðarnefndar sem haldinn var 10. apríl sl. Fundargerðin er í fimm liðum. Liður 1 þarfnast afgreiðslu sveitarstjórnar og er sérliður á dagskrá fundarins.

Fyrir sveitarstjórn liggur til staðfestingar fundargerð 35. fundar skipulagsnefndar frá 9. apríl sl. Fundargerðin er í átta liðum. Liðir 2, 3, 4 og 8 þarfnast afgreiðslu sveitarstjórnar og eru sér fundarliðir á dagskrá fundarins.

Fyrir sveitarstjórn liggur til kynningar svar frá Jöfnunarsjóði varðandi skólaakstur í dreifbýli ásamt umbeðnum gögnum varðandi skólaakstur á landsvísu.

Fyrir sveitarstjórn liggur erindi sem tekið var fyrir á 490. fundi byggðarráðs Norðurþings þann 13. mars sl. þar sem samþykkt var að leita eftir samstarfi við sveitarfélögin á starfssvæði SSNE um stofnun og rekstur náttúruverndarnefndar. Norðurþing lýsir sig reiðubúið til að vera leiðandi sveitarfélag í starfi nefndarinnar. Óskað er eftir viðbrögðum frá sveitarfélögum í vor, td. fyrri partinn í maí.

Fyrir sveitarstjórn liggur erindi frá Bárðarborg ehf. en sveitarfélagið á 24% eignarhlut í félaginu. Bárðarborg ehf. óskar eftir styrk til viðhalds og reksturs húsnæðis að upphæð 2. m.kr. Erindinu fylgir ársreikningur Bárðarborgar ehf.

Fyrir sveitarstjórn liggja verklagsreglur íþrótta-, tómstunda- og menningarnefndar varðandi úthlutun menningarstyrkja.

Fyrir sveitarstjórn liggur fundarboð aðalfundar Sparisjóðs Suður-Þingeyinga sem verður haldinn 28. apríl kl. 18:30 á Fosshóteli Húsavík.

Fyrir sveitarstjórn liggur boð frá Elvu Björgu Einarsdóttur verkefnastjóra Vettvangskakademíu Hofstöðum fyrir hönd undirbúningsnefndar að stofnun slíkrar akademíu á Hofstöðum í Mývatnssveit. Þingeyjarsveit er boðið að koma að stofnun akademíunnar ásamt því að skipa aðila í stjórn hennar. Aðrir stofnaðilar yrðu Háskóli Íslands og Minjastofnun Íslands. Lágmarksstofnfé fyrir sjálfseignarstofnun vegna ársins 2025 er 1.670.000 og er gert ráð fyrir að sú greiðsla skiptist jafnt á milli stofnaðila.

Fyrir sveitarstjórn liggur bréf frá Arnóri Erlingssyni, Þverá á Dalsmynni, sem var móttekið 13. apríl, varðandi umsjón og viðhald gangnamanna hússins Heiðarhús á Flateyjardalsheiði.

Samkvæmt samningi fer Norðurþing með málefni fatlaðs fólk og félagsþjónustu. Fyrir sveitarstjórn liggur minnisblað frá sviðsstjóra fjölskyldusviðs þar sem fram kemur að framlag Þingeyjarsveitar vegna NPA samninga hækki um 10 m.kr. frá því sem gert var ráð fyrir í fjárhagsáætlun vegna ársins 2025. Nauðsynlegt er að mæta þessari hækkun með viðauka við fjárhagsáætlun 2025. Sá viðauki er á dagskrá fundarins undir 18. lið.

Fyrir sveitarstjórn liggur beiðni frá formanni þorrablótsnefndar Aðaldæla um gjaldskrárlækkun á félagsheimili Ýdölum vegna Þorrablóts Aðaldæla 2026.

Fyrir sveitarstjórn liggur aðalfundarboð Leigufélags Hvamms ehf. sem haldinn verður þann 29. apríl kl. 12.30 að Garðarsbraut 5, Húsavík.

Fyrir sveitarstjórn liggur fyrirspurn frá eftirlitsnefnd með fjármálum sveitarfélaga þar sem óskað er eftir upplýsingum um fjárhagsleg áhrif nýgerðra kjarasamninga við kennara.

Fyrir sveitarstjórn liggur til afgreiðslu viðauki nr. 2. Viðaukinn er í þremur liðum:

a: Vegna hækkunar á þjónustusamningi vegna NPA þjónustu sem færist á málaflokk 02-520 Hækkun samnings er samtals 10 m.kr.

b: Styrkur til Bárðarborgar ehf. 2 m.kr. sem færist á málaflokk 05-890.

c: Stofnframlag til Vettvangsakademíunnar á Hofstöðum 557 þús. sem færist á fjárfestingu.

Viðaukinn verður fjármagnaður af handbæru fé.

Fyrir sveitarstjórn liggja drög að áskorun frá sveitarfélögunum á Norðurlandi vestra og eystra þar sem skorað er á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands. Jafnframt að tryggja þessari stjórn eða félagi fjármagn til að sinna hlutverki sínu, ásamt því að tryggja fullnægjandi fjármögnun Flugþróunarsjóðs.

Fyrir sveitarstjórn liggur umsögn um 268. mál - Verndar- og orkunýtingaráætlun - bætt málsmeðferð og aukin skilvirkni, send frá umhverfis- og samgöngunefnd Alþingis. Frestur til að senda inn umsögn er til og með 23. apríl n.k.

Fyrir sveitarstjórn liggur til umsagnar 271. mál umhverfis- og samgöngunefndar Alþingis um stefnur og aðgerðaráætlanir á sviði húsnæðis- og skipulagsmála, samgöngu og byggðamála (stefnumörkun). Frestur til að senda inn umsögn er til og með 25. apríl nk.

Fyrir sveitarstjórn liggur til umsagnar 272. mál umhverfis- og samgöngunefndar Alþingis um sveitarstjórnarlög (mat á fjárhagslegum áhrifum). Frestur til að senda inn umsögn er til og með 28. apríl.

Á 25. fundi fræðslu- og velferðarnefndar var eftirfarandi bókað og samþykkt:

"Fræðslu- og velferðarnefnd leggur til við sveitarstjórn að leikskólum Þingeyjarsveitar verði framvegis lokað í jólafríi og dymbilviku, alls 6-7 dagar. Þar að auki verði á skóladagatölum leikskóla 5-6 dagar þar sem foreldrar þurfa að skrá mætingu barna. Þeir foreldrar sem velja að hafa börn sín heima á skráningardögum fái niðurfelld leikskólagjöld í desember."

Á 35. fundi skipulagsnefndar var eftirfarandi bókað og samþykkt varðandi umsókn landeigenda Vallakots um stofnun lóðar undir íbúðarhús sem verður Vallakot 2 og afmörkun á lóðinni Vallakoti landi (L180101).

"Skipulagsnefnd gerir ekki athugasemd við landskiptagerð, enda samræmist hún skipulagsáætlunum. Nefndin telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004. Málinu vísað til sveitarstjórnar."

Á 35. fundi skipulagsnefndar var eftirfarandi bókað og samþykkt varðandi umsókn Náttúruverndarstofnunar um framkvæmdaleyfi fyrir reiðveg og hestagerði við Goðafoss og efnistöku til framkvæmdanna.

"Skipulagsnefnd samþykkir að veita undanþágu frá gildandi deiliskipulagi Goðafoss og umhverfis samkv. 3. mgr. 43. gr. skipulagslaga nr. 123/2010 þar sem um svo óverulegt frávik er að ræða að hagsmunir annarra skerðist í engu hvað varðar landnotkun, útsýni, skuggavarp eða innsýn. Nefndin leggur til við sveitarstjórn að fela skipulags- og byggingafulltrúa að að gefa út framkvæmdaleyfi í samræmi við reglugerð um framkvæmdaleyfi nr. 772/2012 og 13. - 16. gr. skipulagslaga nr. 123/2010, með fyrirvara um samþykki landeiganda."

Á 35. fundi skipulagsnefndar var eftirfarandi bókað og samþykkt varðandi umsókn Landsvirkjunar um framkvæmdaleyfi fyrir niðurrennslisholu á Þeistareykjum og lagnaskurði að henni frá stöðvarhúsi:

"Skipulagsnefnd leggur til við sveitarstjórn að fela skipulags- og byggingafulltrúa að gefa út framkvæmdaleyfi í samræmi við reglugerð um framkvæmdaleyfi nr. 772/2012 og 13. - 16. gr. skipulagslaga nr. 123/2010 að fenginni jákvæðri umsögn Minjastofnunar Íslands. "

Á 35. fundi skipulagsnefndar var eftirfarandi bókað og samþykkt varðandi umsókn Landsvirkjunar um endurnýjun á efnistöku í Kvíhólanámu:

"Skipulagsnefnd leggur til við sveitarstjórn að fela skipulags- og byggingafulltrúa að gefa út framkvæmdaleyfi í samræmi við reglugerð um framkvæmdaleyfi nr. 772/2012 og 13. - 16. gr. skipulagslaga nr. 123/2010.

Á 24. fundi íþrótta-, tómstunda- og menningarnefndar var eftirfarandi bókað og samþykkt:

"Styrkir til íþrótta- og æskulýðsstarfs voru auglýstir þann 11. mars og rann umsóknarfrestur út þann 1. apríl sl. Þrjár umsóknir bárust. Íþrótta-, tómstunda- og menningarnefnd leggur til við sveitarstjórn að styrkja íþrótta- og æskulýðsstarf svohljóðandi: - Ungmennafélagið Eining: 100.000 kr. - Ungmennafélagið Efling: 650.000 kr. Öðrum umsóknum hafnað."

Á 24. fundi íþrótta-, tómstunda- og menningarnefndar var eftirfarandi bókað og samþykkt:

"Sinfóníuhljómsveit Íslands heldur upp á 75 ára afmæli sitt á árinu 2025. Í tilefni afmælanna vill Sinfóníuhljómsveit Íslands leita eftir samstarfi við sveitarstjórnir um land allt um verkefnið Sinfó í sundi. Hvatt er til þess að sveitarstjórnir á hverjum stað bjóði upp á beina útsendingu í sundlaugum landsins frá tónleikunum Klassíkin okkar sem hefjast kl. 20:00 á RÚV þann 29. ágúst. Íþrótta-, tómstunda- og menningarnefnd Þingeyjarsveitar leggur til við sveitarstjórn að stutt verði við þennan viðburð. Hann fari fram í sundlauginni á Laugum, frítt yrði í sund og opnunartíminn lengdur. Hugsanlega mætti vera í samstarfi við Framhaldsskólann á Laugum m.a. um tækjabúnað."

Á 37. fundi byggðarráðs var eftirfarandi bókað og samþykkt:

"Byggðarráð leggur til við sveitarstjórn að mótuð verði heildstæð stefna þar sem kemur fram heildaryfirlit yfir fasteignir, jarðir og lendur í eigu Þingeyjarsveitar. Lagt verði mat á hvaða eignir nýtast starfsemi sveitarfélagsins til framtíðar og mótuð tillaga að framtíðarsýn um ráðstöfun þeirra."

Á 37. fundi byggðarráðs var eftirfarandi bókað og samþykkt:

"Byggðarráð þakkar Ólafi fyrir upplýsingar um notkun íbúa sveitarfélagsins á aðstöðu í syðra bili í húsnæði Matarskemmunnar. Einnig fór Ólafur yfir framtíðarsýn um notkun húsnæðisins. Eyþór bar þá upp mögulegt vanhæfi þar sem hann er starfsmaður Útibús ehf. sem rekur Dalakofann. Gerður og Jóna Björg telja Eyþór vanhæfan að fjalla um málið. Eyþór telur sig ekki vanhæfan. Eyþór vék af fundi kl. 14:03. Í ljósi þess að húsnæði Matarskemmunnar hefur verið lítið notað af heimavinnsluaðilum felur byggðarráð sveitarstjóra að endurskoða leigusamning syðra bilsins þar sem kveðið er á um aðgengi heimavinnsluaðila að húsnæðinu og skil rekstraraðila á þóknun vegna notkunar til sveitarfélagsins, sem hefur séð um innheimtu. Byggðarráð leggur til að leigutaki taki yfir umsjón og innheimtu þóknunar vegna notkunar heimavinnsluaðila á húsnæðinu. Jafnframt leggur byggðarráð til að leiguverð verði samræmt í húsnæðinu. Samþykkt samhljóða. Eyþór kom aftur til fundar kl. 14:20."

Fyrir sveitarstjórn liggja til kynningar gögn vegna hluthafafundar Norðurorku sem haldinn var í mars sl.

Fyrir sveitarstjórn liggur boð á ársfund Náttúruhamfaratrygginga Íslands sem haldinn verður 22. maí 2025 kl. 11:30 til 13:00 á Grand Hótel. Frestur til að skrá sig á fundinn er til 13. maí nk.

Fyrir sveitarstjórn liggur til kynningar aðalfundarboð Landskerfis bókasafna sem haldinn verður þriðjudaginn 6. maí kl. 14.

Fyrir sveitarstjórn liggur til kynningar fréttabréf Mýsköpunar fyrir fyrsta ársfjórðung 2025.

Fyrir sveitarstjórn liggur til kynningar afgeiðsla sviðsstjóra fjármála- og stjórnsýslusviðs vegna umsóknar Arndísarstaða ehf. um gistileyfi að Búhóli 1, 645 Fosshóli.

Fyrir sveitarstjórn liggur til kynningar afgreiðsla sviðsstjóra fjármála- og stjórnsýslusviðs vegna umsóknar Freydísar Lilju Þormóðsdóttur um tækifærisleyfi vegna skemmtanahalds í Ljósvetningabúð 2. maí nk.

Fyrir sveitarstjórn liggur opið bréf varðandi skaðsemi vindorkuvera á Íslandi

Fyrir sveitarstjórn liggja fundargerðir 108. - 113. fundar svæðisráðs norðursvæðis Vatnajökulsþjóðgarðs til kynningar.

Fyrir sveitarstjórn liggur til kynningar fundargerð 308. fundar stjórnar Norðurorku frá 25. mars sl.

Fyrir sveitarstjórn liggur til kynningar fundargerð eigendafundar Norðurorku frá 27. mars sl.

Fyrir sveitarstjórn liggur til kynningar fundargerð og ársreikningur stjórnar Urðarbrunns menningarfélags frá 3. apríl 2025

Fyrir sveitarstjórn liggur til kynningar fundargerðir 973., 974. 975. og 976. fundar stjórnar Sambands íslenskra sveitarfélaga frá 14., 19., 20. mars og frá 4. apríl sl.

Fyrir sveitarstjórn liggur til kynningar fundargerð 80. fundar stjórnar Samtaka sveitarfélaga á köldum svæðum frá 12. mars 2025. Vakin er athygli á eftirfarandi:

Umsóknarfrestur styrkja vegna átaksins "Jarðhiti jafnar leikinn" rennur út 1. maí nk. Sjá nánar á vef umhverfis-, orku- og loftslagsráðuneytisins.

Einnig er vakin athygli á jákvæðum skrefum á fyrstu mánuðum ársins í starfsemi Samtaka sveitarfélaga á köldum svæðum. Sjá nánar á heimasíðu samtakanna ssks.is

Fyrir sveitarstjórn liggur til kynningar fundargerð 72. fundar stjórnar SSNE frá 31. mars 2025.

Fyrir sveitarstjórn liggur til kynningar fundargerð 66. fundar stjórnar SSNE frá 30. september 2024 en kynning hennar fórst fyrir á haustdögum 2024.

Fyrir sveitarstjórn liggja fundargerðir 81. - 83. funda Samtaka orkusveitarfélaga til kynningar.

Fyrir sveitarstjórn liggur til kynningar fundargerð 241. fundar stjórnar Heilbrigðisnefndar Norðurlands eystra frá 9. apríl 2025.

Fyrir sveitarstjórn liggur til kynningar fundargerð aðalfundar Mývatnsstofu sem haldinn var þann 26. mars sl. Einnig liggur ársreikningur Mývatnsstofu fyrir sveitarstjórn.