Innviðaráðuneytið - frumvarp til laga um breytingar á sveitarstjórnarlögum nr. 138/2011.

Fyrir sveitarstjórn liggur boð frá innviðaráðuneytinu um þátttöku í samráði er varðar frumvarp til laga um breytingar á sveitarstjórnarlögum. Frestur til að skila inn breytingartillögum er til 13. október. Með frumvarpinu eru lagðar til breytingar á reglum sem gilda um fundi sveitarstjórna, málsmeðferð við töku ákvarðana um hæfi, rétt kjörinna fulltrúa til aðgangs að gögnum og framsal ráðningar- og fullnaðarafgreiðsluvalds til nefnda, ráða og starfsmanna sveitarfélaga. Markmiðið er að skýra og auka gagnsæi gildandi reglna um stjórnskipulag sveitarfélaga og auka traust á stjórnsýslu þeirra.