Moltugerðarvélar - verðfyrirspurn

Sviðsstjóri umhverfis og framkvæmdasviðs sendi út verðfyrirspurn til fimm fyrirtækja 19.05 um moltuvélar. Fyritækin höfðu til 05.06 til að svara. Eitt tilboð barst.

Formaður nefndarinnar og sviðsstjóri umhverfis- og framkvæmdasviðs fóru yfir málið.

Á 28. fundi umhverfisnefndar var tekið fyrir tilboð í moltugerðarvélar og var eftirfarandi bókað og samþykkt:

"Umhverfisnefnd leggur til við sveitarstjórn að keyptar verði 200 vélar í samræmi við tilboð frá Heimilstækjum. Nefndin leggur til að sveitarfélagið kosti vélarnar en innheimti helming af andvirði þeirra frá þátttakendum."

Moltugerðarvélar sem fyrirhugað er að koma í notkun í sveitarfélaginu eru komnar til landsins en eftir á að koma þeim til Þingeyjarsveitar. Rögnvaldur lagði fram verðkönnun í flutning norður.

Á 32. fundi umhverfisnefndar sem haldinn var 15. janúar var eftirfarandi bókað og samþykkt varðandi moltugerðarvélar og útdeilingu þeirra til íbúa í sveitarfélaginu:

"Nefndin leggur til við sveitarstjórn að útdeiling vélanna hefjist sem fyrst. Einnig samþykkir nefndin að lægsta tilboði sem barst í flutning véla verði tekið."

Fyrir umhverfisnefnd liggja hugmyndir að útfærslu vegna útdeilingar moltugerðarvéla sem taka í nótkun í sveitarfélaginu og kynningarefni þeim tengdum.