Sveitarstjórn Þingeyjarsveitar

Fyrir sveitarstjórn liggur 1. fundargerð ungmennaráðs Þingeyjarsveitar frá 29. desember 2025 til staðfestingar.

Ungmennaráð skorar á sveitarstjórn að láta yfirfara leiktæki og útisvæði við grunnskóla Þingeyjarsveitar með það að markmiði að lagfæra það sem er úr sér gengið þannig að öryggi nemenda sé ekki ógnað við notkun tækjanna.

Fyrir sveitarstjórn liggur fundargerð 25. fundar atvinnu- og nýsköpunarnefndar frá 12. janúar. Fundargerðin er í þremur liðum. Liður nr. 3 þarfnast afgreiðslu sveitarstjórnar og er sér liður á fundinum.

Fyrir sveitarstjórn liggur fundargerð 45. fundar skipulagsnefndar frá 14. janúar. Fundargerðin er í níu liðum. Engir liðir þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð 32. fundar umhverfisnefndar frá 15. janúar. Fundargerðin er í sex liðum. Liður 5 þarfnast afgreiðslu sveitarstjórnar og er sér liður á dagskrá fundarins.

Fyrir sveitarstjórn liggur fundargerð 28. fundar íþrótta-, tómstunda- og menningarnefndar frá 13. janúar. Fundargerðin er í fjórum liðum. Liðir 3 og 4 þarfnast afgreiðslu sveitarstjórnar og eru því sér liðir á fundinum.

Fyrir sveitarstjórn liggur til staðfestingar fundargerð 32. fundar fræðslu- og velferðarnefndar frá 20. janúar. Fundargerðin er í sex liðum. Engir liðir þarfnast afgreiðslu sveitarstjórnar.

Þann 3. mars 2022 veitti innviðaráðuneytið undanþágu til að fjölga sveitarstjórnarfulltrúum í sameinuðu sveitarfélagi úr sjö í níu. Undanþágan gilti í tvö kjörtímabil. Samkvæmt sveitarstjórnarlögum eru sveitarstjórnarfulltrúar að jafnaði fimm til sjö í sveitarfélögum með færri en 2.000 íbúa.



Óskað var eftir fjölgun fulltrúa í tengslum við sameiningu sveitarfélaga til að tryggja breiðari þátttöku og fá sem flestar raddir úr hinu víðfeðma sveitarfélagi, auk þess að stuðla að samfellu milli sveitarstjórnar og fastanefnda.



Á 43. fundi sveitarstjórnar, 24. apríl 2024, var samþykkt að óska eftir því að fulltrúum yrði fækkað í sjö fyrir næsta kjörtímabil. Rökstuðningurinn var sá að stjórnsýsla og stefna nýs sveitarfélags hefði nú verið mótuð og því væru ekki lengur forsendur fyrir undanþágunni eftir lok yfirstandandi kjörtímabils.



Ráðuneytið hefur samþykkt þessa beiðni og verður sveitarstjórnarfulltrúum því fækkað úr níu í sjö fyrir kjörtímabilið 2026-2030.

Fyrir sveitarstjórn liggur til fyrri umræðu, breyting á samþykkt um stjórn og fundarsköp Þingeyjarsveitar. Breytingin felur í sér að fyrir næsta kjörtímabíl verður sveitarstjórnarfulltrúum fækkað úr níu í sjö með breytingum á 1.gr. og 2.gr. samþykktanna.

Fyrir sveitarstjórn liggja drög að viðverustefnu fyrir sveitarfélagið. Tilgangur og markmið viðverustefnu er annars vegar að standa vörð um heilbrigði starfsfólks með það að leiðarljósi að starfsumhverfi þeirra sé heilsusamlegt og hins vegar að allt starfsfólk hafi skýra og ákveðna verkferla er varðar tilkynningar, skráningar og viðbrögð við fjarvistum.

Fyrir sveitarstjórn liggur listi sveitarfélagsins yfir þau störf sem undanþegin eru verkfallsheimild.

Á fundi stjórnar Atvinnueflingar Þingeyjarsveitar(AÞ) sem haldinn var þann 30.12.2025 samþykkti stjórn að leggja þá tillögu fyrir sveitarstjórn, að stjórnarmönnum AÞ verði fækkað úr sjö í þrjá í þeim tilgangi að draga úr umfangi í takti við umfang starfsemi félagsins.

Fyrir sveitarstjórn liggur tillaga um að veita menningarstyrki til þeirra þorrablóta sem haldin eru í húsum sveitarfélagsins í formi 50% afsláttar af húsaleigu.

Fyrir sveitarstjórn liggur styrkbeiðni frá ME félagi Íslands þar sen verkefnið "Börn með ME" er kynnt og óskað eftir fjárstuðningi til verkefnisins.

Þar sem seinni fundur sveitarstjórnarfundur í mars sem fyrirhugaður er 26. mars, skarast á við ársþing SSNE er lagt til að fundur sveitarstjórnar í mars verði miðvikudaginn 25. mars en ekki fimmtudaginn 26. mars eins og áður var áætlað.

Fyrir sveitarstjórn liggur svar Vegagerðarinnar við erindi Þingeyjarsveitar ásamt fjórum sveitarfélögum, um hálkuvarnir á þjóðvegum. Einnig liggur fyrir svar Innviðaráðuneytis við fyrirspurn Ingvars Þóroddssonar um helmingamokstur og hálkuvarnir.

Fyrir sveitarstjórn liggur til afgreiðslu viðauki nr. 1 við fjárhagsáætlun 2026. Viðaukinn snýr að aukningu hlutafjár Þingeyjarsveitar í Mýsköpun ehf. en sveitarfélagið á forkaupsrétt að 786.844 hlutum í félaginu að nafnverði kr. 11.802.161 skv. samþykkt hluthafafundar 18. desember 2025. Viðaukinn verður fjármagnaður með handbæru fé.

Fyrir sveitarstjórn liggur tillaga um slit á félaginu Iðnbæ ehf. en Þingeyjarsveit á 38,9% hlut í félaginu.

Fyrir sveitarstjórn liggur til kynningar vöktunaráætlun vegna fráveituvatns sem rennur út í Torfdalstjörn. Vöktunaráætlunin var unnin af VSÓ ráðgjöf í tengslum við endurnýjun starfsleyfis Laugafisks. Einnig er til afgreiðslu beiðni Samherja Ísland ehf. um að gerði verði sameiginlegur samningur Þingeyjarsveitar og Samherja við Náttúrustofu Norðausturlands um framkvæmd mælinga samkvæmt vöktunaráætluninni.

Fyrir sveitarstjórn liggur til annarrar umræðu þjónustustefna sveitarfélagsins skv. 130. gr. sveitarstjórnarlaga nr. 138/2011. Þjónustustefnan var í opnu umsagnarferli til 17. janúar sl., engar umsagnir bárust.

Á 25. fundi atvinnu- og nýsköpunarnefndar var eftirfarandi bókað og samþykkt varðandi lokun 2G og 3G farsímaþjónustu:

"Nefndin lýsir yfir áhyggjum af fjarskiptasambandi í sveitarfélaginu. Mikilvægt er að öruggt samband sé fyrir hendi þannig að ávallt verði hægt að ná sambandi við neyðarþjónustu. Nefndin leggur til við sveitarstjórn að boðaður verði fundur með Fjarskiptastofu þar sem farið verður yfir þessar breytingar og með hvaða hætti er hægt að forðast það að rof verði á sambandi í sveitarfélaginu."

Á 28. fundi íþrótta-, tómstunda- og menningarnefndar var eftirfarandi bókað varðandi innleiðingu rafræns frístundastyrks:

"Nefndin leggur til við sveitarstjórn að gengið verði til viðræðna við Abler um innleiðingu rafræns frístundastyrks og hann verði innleiddur sem fyrst á árinu 2026. Rafrænn frístundastyrkur mun auka nýtingu styrksins og einfalda utanumhald fyrir bæði notendur og starfsfólk sveitarfélagsins."

Á 28. fundi íþrótta-, tómstunda- og menningarnefndar var eftirfarandi bókað varðandi drög að samstarfssamningum við íþróttafélög í Þingeyjarsveit:

"Verkefnastjóri lagði fram drög að samsamstarfssamningi. Nefndin leggur til smávægilegar orðalagsbreytingar en samþykkir drögin að öðru leyti og vísar þeim til sveitarstjórnar til afgreiðslu."

Á 32. fundi umhverfisnefndar sem haldinn var 15. janúar var eftirfarandi bókað og samþykkt varðandi moltugerðarvélar og útdeilingu þeirra til íbúa í sveitarfélaginu:

"Nefndin leggur til við sveitarstjórn að útdeiling vélanna hefjist sem fyrst. Einnig samþykkir nefndin að lægsta tilboði sem barst í flutning véla verði tekið."

Fyrir sveitarstjórn liggur til kynningar jákvæð umsögn sviðsstjóra fjármála- og stjórnsýslusviðs vegna umsóknar Kvenfélags Mývatnssveitar um tækifærisleyfi vegna þorrablóts í Skjólbrekku.

Fyrir sveitarstjórn liggur til kynningar jákvæð umsögn sviðsstjóra fjármála- og stjórnsýslusviðs vegna umsóknar Dalakofans Laugum ehf. um veitingaleyfi.

Fyrir sveitarstjórn liggur til kynningar fundargerð aðalfundar Veiðifélags Fnjóskár fyrir árið 2024 sem haldinn var 26. nóvember sl.

Fyrir sveitarstjórn liggja til kynningar fundargerðir 78. og 79. fundar stjórnar SSNE frá 3. desember og 8. janúar sl.