Þingeyjarsveit - samningar við ungmenna-, íþrótta- og æskulýðsfélög

Nefndin leggur til við sveitarstjórn að verkefnastjóra tómstunda-, æskulýðs- og menningarmála verði falið að gera samræmda samstarfssamninga milli sveitarfélagsins og íþróttafélaganna í sveitarfélaginu.

Sveitarstjórn fagnar samræmingu á samstarfssamningum við ungmenna- og íþróttafélög í sveitarfélaginu og felur verkefnastjóra tómstunda-, æskulýðs- og menningarmála að vinna málið áfram og leggja drög að samningum fyrir sveitarstjórn til afgreiðslu.

Samþykkt samhljóða.

Verkefnastjóri lagði fram drög að samsamstarfssamningi. Nefndin leggur til smávægilegar orðalagsbreytingar en samþykkir drögin að öðru leyti og vísar þeim til sveitarstjórnar til afgreiðslu.

Sveitarstjórn felur sveitarstjóra og sviðsstjóra fjármála- og stjórnsýslusviðs að yfirfara drögin og leggja þau fyrir næsta sveitarstjórnarfund.

Samþykkt samhljóða.

Til máls tók: Knútur.
Sveitarstjórn samþykkir framlögð drög að samstarfssamningum við íþrótta- og ungmennafélög í Þingeyjarsveit. Sveitarstjórn felur verkefnastjóra æskulýðs-, tómstunda- og menningarmála að fullgera samninga við hvert og eitt félag og leggja þá fyrir sveitarstjórn til samþykktar.

Samþykkt samhljóða.

Til máls tók: Eyþór Kári.

Sveitarstjórn Þingeyjarsveitar fagnar því að lögð hafa verið fram drög að heildstæðum samningum við æskulýðs- og íþróttafélög í sveitarfélaginu. Í drögunum er lögð áhersla á að bæta aðgengi félaga að fasteignum sveitarfélagsins, jafnframt því sem stuðningur við starfsemi félaganna er aukinn með það að markmiði að efla og styrkja það góða og mikilvæga starf sem fram fer á þeirra vegum.
Sveitarstjórn lýsir ánægju sinni með fyrirliggjandi drög og vísar þeim til umfjöllunar í íþrótta-, tómstunda- og menningarnefnd.

Samþykkt samhljóða.

Nefndin leggur til við sveitarstjórn að gengið verið frá þeim hluta samninganna við íþróttafélögin sem snúa að notkun á mannvirkjum sveitarfélagsins.
Nefndin leggur til við sveitarstjórn að vísa frekari samningagerð til nýrrar nefndar íþróttamála og sveitarstjórnar.

Sveitarstjórn samþykkir þann hluta samninganna sem snýr að notkun mannvirkja sveitarfélagsins og felur verkefnastjóra íþrótta- tómstunda- og æskulýðsmála að útfæra þann hluta. Sveitarstjórn vísar frekari samningagerð til nýrrar nefndar íþróttamála og sveitarstjórnar.

Samþykkt samhljóða.

Verkefnastjóri fór yfir þau samningsdrög sem hafa verið unnin og hugmyndir að útfærslu beinna fjárstyrkja. Nefndarfólk kynnir sér í framhaldinu útfærslu annarra sveitarfélaga og vinnur málið áfram á næsta fundi.

Vegna vanhæfis fjögurra nefndarmanna af fimm vísar nefndin málinu til afgreiðslu hjá sveitarstjórn.

Dóra Rún vakti athygli á mögulegu vanhæfi sínu vegna þessa liðs. Sveitarstjórn samþykkti samhljóða vanhæfi Dóru Rúnar. Hún vék af fundi kl. 15.14.

Sveitarstjórn þakkar þá vinnu sem unnin hefur verið við að taka saman og greina styrkjamál sveitarfélagsins gagnvart ungmennafélögum, íþróttafélögum og æskulýðsfélögum. Ljóst er að málið er umfangsmikið og að baki tillögum liggja ítarlegir útreikningar og greiningar.

Sveitarstjórn telur mikilvægt að gefa sér frekari tíma til að fara yfir fyrirliggjandi gögn og afla sér fullnægjandi yfirsýnar, þannig að unnt sé að taka upplýsta ákvörðun um úthlutun styrkja á sanngjarnan og málefnalegan hátt.

Málinu er frestað til næsta fundar.

Samþykkt samhljóða

Dóra kom aftur inn á fund kl. 15.15.