Sveitarstjórn Þingeyjarsveitar

Fyrir sveitarstjórn liggur til staðfestingar fundargerð 30. fundar fræðslu- og velferðarnefndar - aukafundar frá 30. október. Fundargerðin er í einum lið sem krefst ekki afgreiðslu sveitarstjórnar.

Fyrir sveitarstjórn liggur til staðfestingar fundargerð 29. fundar umhverfisnefndar frá 27. október. Fundargerðin er í fjórum liðum. Engir liðir þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð 27. fundar íþrótta-, tómstunda- og menningarnefndar frá 3. nóvember sl. Fundargerðin er í tólf liðum og þarfnast tíu liðir afgreiðslu sveitarstjórnar og eru sér liðir á dagskrá fundarins.

Fyrir sveitarstjórn liggur til staðfestingar fundargerð 30. fundar umhverfisnefndar sem haldinn var 13. nóvember. Fundargerðin er í þremur liðum. Liðir 1 og 3 þarfnast afgreiðslu sveitarstjórnar.

Skýrsla sveitarstjóra flutt munnlega og til kynningar.

Fyrir sveitarstjórn liggur beiðni frá Garðari Finnssyni um lausn frá störfum í umhverfisnefnd.

Fyrir sveitarstjórn liggur til annarrar umræðu, breyting á samstarfssamningi sveitarfélaga á Norðurlandi eystra um barnavernd. Breytingin snýr að því að tvö sveitarfélög á Norðurlandi sem ekki voru aðilar að samningnum, Dalvíkurbyggð og Fjallabyggð hafa nú sótt um aðild og gildir sú aðild frá desember 2025 og út árið 2026.

Fyrir sveitarstjórn liggur beiðni frá Félagi eldri Mývetninga um rekstrarstyrk á árinu 2026, kr. 450.000.

Fyrir sveitarstjórn liggur erindi frá Markaðsstofu Norðurlands varðandi Flugklasann Air 66N og eftirfylgni áskorunar sveitarfélaga Norðurlands að millilandaflugi um Akureyrarflugvöll

Fyrir sveitarstjórn liggur fundargerð stjórnar Atvinnueflingar Þingeyjarsveitar frá 6. nóvember sl. þar sem samþykkt var að Jóna Björg Hlöðversdóttir færi með umboð félagsins á aðalfund Þurrks ehf sem haldinn verður í Ýdölum 10.11. kl. 12.00.

STEF, félagasamtök tón- og textahöfunda á Íslandi, hefur óskað eftir viðræðum við Samband íslenskra sveitarfélaga um gerð rammasamnings um greiðslur leyfisgjalda fyrir leyfi til flutnings tónlistar hjá sveitarfélögum landsins og stofnunum þeirra. Málið var tekið fyrir á fundi í stjórn Sambandsins þann 12. september sl. Í tengslum við þá umræðu bókaði stjórn eftirfarandi:

"Stjórn samþykkir að leitað verði til sveitarfélaga um afstöðu til þess hvort Sambandið eigi að vinna að heildarsamningi við STEF fyrir hönd þeirra."



Með vísan til framangreinds er óskað eftir afstöðu sveitarfélagsins til þess hvort að það óski eftir að Sambandið vinni að heildarsamningi við STEF fyrir hönd sveitarfélagsins.

Fyrir sveitarstjórn liggur uppsagnarbréf frá Ingimari Ingimarssyni þar sem hann segir upp starfi sínum sem sviðsstjóri umhverfis- og framkvæmdasviðs.

Í útgefnu fundadagatali fyrir árið 2025 sem birt er á vef Þingeyjarsveitar eru næstu fundir sveitarstjórnar áætlaðir 20. nóvember og 4. desember. Sveitarstórn samþykkir að breyta fyrrgreindum fundadögum í 27. nóvember og 11. desember.

Fyrir sveitarstjórn liggur styrkbeiðni frá lögreglustjóranum á Norðurlandi eystra varðandi árlegt framlag til Bjarmahlíðar þolendamiðstöðvar. Óskað er eftir framlagi kr. 600.000.

Fyrir sveitarstjórn liggur boð á aðalfund Veiðifélags Fnjóskár 2024 en hann verður haldinn miðvikudaginn 26. nóvember í Skógum í Fnjóskadal.

Fyrir sveitarstjórn liggur styrkbeiðni frá Búnaðarsambandi S-Þingeyinga vegna útgáfu nýrrar Byggðir og bú bókar.

Fyrir sveitarstjórn liggur boð á aukahluthafafund GG2023 ehf. vegna hlutafjáraukningar sem haldinn verður fimmtudaginn 20. nóvember.

Fyrir sveitarstjórn liggur til umsagnar 136. mál frá nefnda- og greiningarsviði Alþingis, frumvarp til laga um flýtiframkvæmd vatnsaflsvirkjana. Frestur til að senda inn umsögn er til 13. nóvember nk.

Á 27. fundi íþrótta,- tómstunda- og menningarnefndar þann 3. nóvember sl. var tekin fyrir umsókn um rekstrarstyrk frá Umf. Eflingu. Eftirfarandi var bókað:

"Nefndin leggur til við sveitarstjórn að Umf. Efling hljóti styrk til íþróttastarfs að upphæð kr. 655.000,-"

Á 27. fundi íþrótta,- tómstunda- og menningarnefndar þann 3. nóvember sl. var tekin fyrir umsókn um styrk frá Hestamannafélaginu Þjálfa til að halda reiðnámskeið. Eftirfarandi var bókað:

"Nefndin leggur til við sveitarstjórn að Hestamannafélagið Þjálfi hljóti styrk að upphæð kr. 95.000,- vegna reiðnámskeiðs."

Á 27. fundi íþrótta,- tómstunda- og menningarnefndar þann 3. nóvember sl. var tekin fyrir umsókn um styrk fyrir fyrirhugaðri uppsetningu gamanóperu sem hluta af Músík í Mývatnssveit 2026. Eftirfarandi var bókað:

"Nefndin leggur til við sveitarstjórn að gera samstarfssamning við Laufeyju Sigurðardóttur vegna gamanóperu í Mývatnssveit um páska 2026 sem er hluti af Músík í Mývatnssveit. Aðkoma Þingeyjarsveitar fælist í aðkomu að húsaleigu í Skjólbrekku.

Nefndin leggur auk þess til við sveitarstjórn að Músík í Mývatnssveit 2026 hljóti styrk að upphæð kr. 500.000,-"

Á 27. fundi íþrótta,- tómstunda- og menningarnefndar þann 3. nóvember sl. var tekin fyrir umsókn um styrk frá fimm félagasamtökum þ.á.m. Kvenfélagasambandi Suður-Þingeyjarsýslu vegna samstöðufundar á Breiðumýri 24. október n.k. Eftirfarandi var bókað:

"Nefndin leggur til við sveitarstjórn að gera samstarfssamning við fulltrúa félagasamtakanna sem stóðu fyrir samstöðufundi á Breiðumýri í tilefni 50 ára afmælis kvennaverkfalls. Aðkoma Þingeyjarsveitar fælist í aðkomu að húsaleigu."

Á 27. fundi íþrótta,- tómstunda- og menningarnefndar þann 3. nóvember sl. var tekið fyrir erindi frá Umf. Eflingu þar sem óskað er eftir frekara samstarfi við Þingeyjarsveit. Eftirfarandi var bókað: "Nefndin leggur til við sveitarstjórn að verkefnastjóra tómstunda-, æskulýðs- og menningarmála verði falið að gera samstarfssamning við Umf. Eflingu með hliðsjón af öðrum samningum við íþróttafélög í sveitarfélaginu."

Á 27. fundi íþrótta,- tómstunda- og menningarnefndar þann 3. nóvember sl. var tekið fyrir erindi erindi frá Auði Filippusdóttur er varðar styrk til afnota af Félagsheimili Skjólbrekku til heilsueflandi átaks með vikulegum tímum í vetur. Eftirfarandi var bókað:

"Nefndin leggur til við sveitarstjórn að gera samstarfssamning við Auði Filippusdóttur um heilsueflandi átak í vetur. Aðkoma Þingeyjarsveitar fælist í aðkomu að húsaleigu í Skjólbrekku."

Á 27. fundi íþrótta,- tómstunda- og menningarnefndar þann 3. nóvember sl var tekin fyrir umsókn frá Kvenfélagi Mývatnssveitar um styrk til að halda opinn fund um málefni hinsegin fólks. Eftirfarandi var bókað:

"Nefndin leggur til við sveitarstjórn að gera samstarfssamning við Kvenfélag Mývatnssveitar vegna opins fundar um málefni hinsegin fólks í Skjólbrekku eða Reykjahlíðarskóla. Aðkoma Þingeyjarsveitar fælist í aðkomu að húsaleigu."

Á 27. fundi íþrótta,- tómstunda- og menningarnefndar þann 3. nóvember sl. umsókn um styrk frá Söngfélaginu Sálubót vegna ferðar á alþjóðlega tónlistarhátíð í Vín í nóvember 2025. Eftirfarandi var bókað:

"Íþrótta-, tómstunda- og menningarnefnd styrkir alla jafna ekki félagasamtök til utanlandsferða en þar sem fleiri umsóknir bárust ekki, leggur nefndin til við sveitarstjórn að Söngfélaginu Sálubót verði veittur styrkur vegna þátttöku þeirra í alþjóðlegri tónlistarhátíð í Vín 2025 að upphæð kr. 380.000.

Samþykkt með 3 atkvæðum gegn einu, Patrycja Maria Reimus greiddi atkvæði á móti."

Á 27. fundi íþrótta-, tómstunda- og menningarnefndar þann 3. nóvember sl. var undir dagskrárlið nr. 3 fjallað um samræmingu á samstarfssamningum á milli sveitarfélagsins og íþróttafélaganna í sveitarfélaginu. Bókun nefndarinnar er svohljóðandi:

Nefndin leggur til við sveitarstjórn að verkefnastjóra tómstunda-, æskulýðs- og menningarmála verði falið að gera samræmda samstarfssamninga milli sveitarfélagsins og íþróttafélaganna í sveitarfélaginu.

Á 27. fundi íþrótta-, tómstunda- og menningarnefndar var tekin fyrir beiðni frá Danshópnum Sporinu um að felld verði niður húsaleiga í Þinghúsinu Breiðumýri vegna danssýningar sem haldin var 31. ágúst sl.

Nefndin bókaði: "Nefndin leggur til við sveitarstjórn að gera samstarfssamning við Danshópinn Sporið vegna þjóðdanssýningar á Breiðumýri. Aðkoma Þingeyjarsveitar fælist í aðkomu að húsaleigu á Breiðumýri."

Á 27. fundi íþrótta-, tómstunda- og menningarnefndar var tekin fyrir styrkbeiðni frá Félagi sauðfjárbænda í Suður-Þingeyjarsýslu að fjárhæð 100.000 kr til að standa undir kostnaði við hrútasýningu sem haldin var 4. október sl.

Nefndin bókaði: "Nefndin leggur til við sveitarstjórn að styrkja hrútasýningu sauðfjárbænda í S-Þing um kr. 100.000,-"

Á 30. fundi umhverfisnefndar sem haldinn var 13. nóvember var eftirfarandi bókað og samþykkt varðandi athugasemdir frá íbúum og eigendum fasteigna í nágrenni Laugafisks:

"Umhverfisnefnd þakkar bréfriturum fyrir að vekja athygli á málinu. Nefndin tekur undir áhyggjur bréfritara vegna lyktar- og hávaðamengunar frá fiskþurrkunarverksmiðju Samherja á Laugum í Reykjadal. Nefndin lýsir jafnframt ánægju sinni með þær aðgerðir sem fyrirtækið hefur lagst í til að draga úr mengun. Fiskþurrkun hefur verið starfrækt á Laugum síðan á áttunda áratugnum og hefur veitt fjölda fólks atvinnu í gegnum tíðina, en nú vinna um 15 manns í verksmiðjunni. Fyrirtækið starfar eftir starfsleyfi sem Heilbrigðisnefnd Norðurlands eystra gefur út. Við endurnýjun leyfisins 2023 voru gerðar athugasemdir við lyktar- og hávaðamengun frá fyrirtækinu og fyrirtækinu gefinn frestur til að lagfæra frávikin. Fyrirtækið hefur tekið þessar athugasemdir alvarlega og ráðist í framkvæmdir til þess að minnka bæði lykt og hávaða. Umhverfisnefnd hvetur Samherja til að kynna fyrir íbúum þær framkvæmdir sem ráðist hefur verið í og mögulegan ávinning af þeim. Einnig hvetur umhverfisnefnd, Samherja og Heilbrigðisnefnd Norðurlands eystra til þess að tryggja að opið vöktunarferli verði með ávinningi framkvæmdanna.



Umhverfisnefnd bendir bréfritum á að hvorki útgáfa né eftirlit með starfsleyfum eru á borði nefndarinnar eða sveitarfélagsins. Heilbrigðisnefnd Norðurlands eystra gefur út og hefur eftirlit með starfsleyfiskyldum aðilum. Það er því eðlilegt, hafi bréfritarar athugasemd við starfsleyfi fyrirtækisins, að slíkum athugasemdum sé beint til Heilbrigðisnefndar Norðurlands eystra eða fyrirtækisins sjálfs.



Nefndin leggur til við sveitarstjórn að haldinn verði íbúafundur hið fyrsta um málefni fiskþurrkunarverksmiðju Samherja á Laugum. Á þann fund verði boðaðir fulltrúar Samherja og Heilbrigðiseftirlits Norðurlands eystra."



Jafnframt barst sveitarfélaginu bréf frá Magna lögmannsstofu f.h. umbjóðenda með athugasemdum um sama mál.

Á 30. fundi umhverfisnefndar sem haldinn var 13. nóvember var eftirfarandi bókað og samþykkt varðandi uppsögn Birgis Steingrímssonar á samningi um seyrulosun:

"Nefndin þakkar samstarfið og leggur til við sveitarstjórn að samningnum verði sagt upp."

Fyrir sveitarstjórn liggur til kynningar ný leiðaáætlun landsbyggðarvagna en Vegagerðin stóð fyrir kynningarfundi þann 31. október sl.

Fyrir sveitarstjórn liggur til kynningar niðurstöður könnunar sem Vífill Karlsson gerði fyrir hönd Rannsóknarseturs í byggða- og sveitarstjórnarmálum um þjónustu, húsnæði og innviði sveitarfélaga.

Fyrir sveitarstjórn liggur til kynningar erindisbréf hins nýstofnaða Farsældarráðs Norðurlands eystra.

Fyrir sveitarstjórn liggur boð á opna ráðstefnu sem Eimur, Norðurþing, Landsvirkjun og Íslandsstofa efna til á Fosshótel Húsavík, fimmtudaginn 20. nóvember næstkomandi,

þar sem sjónum er beint að framtíð Bakka við Húsavík sem miðstöð sjálfbærrar atvinnuuppbyggingar.

Fyrir sveitarstjórn liggur til kynningar fundargerð aðalfundar 2025.

Fyrir sveitarstjórn liggur til kynningar fundargerð stjórnarfundar Dvalarheimilis aldraðra frá 13. október ásamt fylgiskjölum.

Fyrir sveitarstjórn liggja til kynningar fundargerðir 119. og 120. fundar stjórnar svæðisráðs norðursvæðis Vatnajökulsþjóðgarðs frá 4. september og 13. október sl.

Fyrir sveitarstjórn liggur til kynningar fundargerðir 987. og 988. funda stjórnar Sambands íslenskra sveitarfélaga.

Fyrir sveitarstjórn liggur til kynningar fundargerð 315. fundar stjórnar Norðurorku frá 28. október sl.