Drög að samstarfssamningi, skipuriti og starfsreglum farsældarráðs Norðurlands eystra

Lagt fram erindi dagsett 10. september 2025 frá Þorleifi Kr. Níelssyni verkefnastjóra vegna stofnunar svæðisbundins farsældarráðs Norðurlands eystra í samræmi við 5. gr. laga nr. 86/2021 um samþættingu þjónustu í þágu farsældar barna. Jafnframt eru lögð fram drög að samstarfssamningi, skipuriti og starfsreglum farsældarráðs Norðurlands eystra. Óskað er eftir því að sveitarfélagið tilnefni einn aðalmann og einn varamann í ráðið.

Fyrir fræðslu- og velferðarnefnd liggur tilvísun af sveitarstjórnarfundi frá 25.09.2025, er varðar þátttöku Þingeyjarsveitar í Farsældarráði Norðurlands eystra.

Fyrir sveitarstjórn liggur til kynningar erindisbréf hins nýstofnaða Farsældarráðs Norðurlands eystra.