Fræðslu- og velferðarnefnd Þingeyjarsveit
Dagskrá
1.Janusarverkefni - heilsuefling eldri borgara
Málsnúmer 2510017Vakta málsnúmer
Kynning frá framkvæmdarstjóra Janusar - heilsueflingar um verkefni þeirra í sveitarfélögum víðs vegar um landið til eflingar íkamlegrar og andlegrar heilsu eldri borgara.
Nefndin þakkar Ragnari Erni fyrir fræðsluna. Nefndin felur sviðsstjóra að heyra í umsjónarmönnum starfs eldri borgara í Þingeyjarsveit og óska eftir að þau kanni áhuga á skipulagðri hreyfingu með áherslu á styrktarþjálfun.
2.Aldurstakmark á þorrablót
Málsnúmer 2501058Vakta málsnúmer
Lagt fyrir nefndina svar við tilmælum fræðslunefndar til þorralótsnefnda í Þingeyjarsveit er varða 18 ára aldurstakmark á þorrablót.
Nefndin þakkar erindið og með velferð ungmenna í huga þá beinir nefndin þeim tilmælum til þorrablótsnefnda í sveitarfélaginu að hækka aldurstakmark á þorrablótin í að lágmarki 17 ára (miðað við fæðingarár). Sviðsstjóra falið að koma tilmælunum til skila.
Tillagan samþykkt með 4 atkvæðum, Anna Bragadóttir sat hjá.
Tillagan samþykkt með 4 atkvæðum, Anna Bragadóttir sat hjá.
3.Skólaþjónusta - ráðning náms- og starfsráðgjafa
Málsnúmer 2510030Vakta málsnúmer
Erindi frá skólaþjónustu Þingeyjarsveitar. Beiðni um að ráða inn starfs- og námsráðgjafa í 50% starf.
Nefndin tekur jákvætt í erindið og veltir fyrir sér hvort náms- og starfssráðgjafi geti sinnt fleiri verkefnum innan skólaþjónustu. Nefndin vísar erindinu til sveitarstjórnar.
4.Reykjahlíðarskóli - breyting á skóladagatali
Málsnúmer 2510024Vakta málsnúmer
Lagður fram tölvupóstur þar sem skólastjóri Reykjahlíðarskóla þurfti að færa til starfsdag með stuttum fyrirvara. Tilfærslan hefur ekki áhrif á fjölda skóladaga á skólaárinu.
Nefndin samþykkir breytinguna.
5.Mennta- og barnamálaráðuneytið - umsögn um frumvarp til breytinga á lögum um snjalltæki í grunnskólum
Málsnúmer 2510006Vakta málsnúmer
Fyrir liggur hvatnig frá sveitarstjórn þess efnis að fræðslu- og velferðarnefnd sendi inn umsögn um frumvarpið ef þurfa þykir.
Fræðslu- og velferðarnefnd lítur svo á að það hljóti að vera á forræði einstakra skólastjórnenda og kennara að stýra snjalltækjanotkun í skólastarfi. Að því sögðu styður nefndin heilshugar símahvíld innan skóla og hefur slík hvíld reynst vel t.d. í Þingeyjarskóla. Nefndin felur sviðsstjóra að skila inn umsögn í samráðsgátt.
6.SSNE - þáttaka í Farsældarráði Norðurlands eystra
Málsnúmer 2509043Vakta málsnúmer
Fyrir fræðslu- og velferðarnefnd liggur tilvísun af sveitarstjórnarfundi frá 25.09.2025, er varðar þátttöku Þingeyjarsveitar í Farsældarráði Norðurlands eystra.
Lagt fram til kynningar.
7.Kvennaverkfall 2025
Málsnúmer 2510032Vakta málsnúmer
Munnlegt erindi frá sviðsstjóra um kvennaverkfall, þann 24. október 2025.
Nefndin hvetur til þátttöku í kvennaverkfalli þann 24. október 2025.
8.Heillaspor - styrkveiting
Málsnúmer 2509047Vakta málsnúmer
Fyrir fræðslu- og velferðarnefnd liggur staðfesting á styrkveitingu frá Mennta- og barnamálaráðuneyti til verkefnisins Heillaspor í Þingeyjarsveit í samstarfi við Fjallabyggð
Nefndin fagnar styrkveitingunni. Sviðsstjóra falið að afla frekari upplýsinga frá Helgu Sigurbjörgu.
9.Barnaborg og Krílabær - Ársskýrsla 2024-2025
Málsnúmer 2508040Vakta málsnúmer
Lögð fram til kynningar ársskýrsla Barnaborgar og Krílabæjar 2024-2025.
Nefndin þakkar fyrir greinargóða skýrslu.
10.Leikskólar - starfsáætlun 2025-2026
Málsnúmer 2509008Vakta málsnúmer
Lagðar fram til kynningar starfsáætlanir leikskóla Þingeyjarsveitar 2025-2026.
Nefndin þakkar fyrir starfsáætlanir leikskóla Þingeyjarsveitar 2025-2026.
11.Grunnskólar - starfsáætlun 2025-2026
Málsnúmer 2509009Vakta málsnúmer
Lagðar fram til kynningar, starfsáætlanir grunnskóla Þingeyjarsveitar 2025-2026.
Nefndin þakkar fyrir starfsáætlanir grunnskóla Þingeyjarsveitar.
12.Þingeyjarskóli, Reykjahlíðarskóli, Stórutjarnaskóli - skólastarf 2025-2026
Málsnúmer 2510018Vakta málsnúmer
Jóhann Rúnar, skólastjóri tónlistar- og grunnskóladeildar Þingeyjarskóla og Nanna Marteinsdóttir, skólastjóri leikskóladeilda Þingeyjarskóla, gera grein fyrir skólastarfinu það sem af er vetri.
Nefndin þakkar þeim Jóhanni og Nönnu fyrir góða yfirferð.
Fundi slitið - kl. 17:00.
Skólastjórnendur Þingeyjarskóla, Jóhann Rúnar Pálsson og Nanna Marteinsdóttir
F.h. foreldra grunnskóla, Sunneva Mist Ingvarsdóttir
F.h. foreldra leikskóla, Ásta Lóa Madslund
F.h. starfsfólks grunnskóla, Kristjana Eysteinsdóttir
F.h. starfsfólks leikskóla, Ásta Margrét Rögnvaldsdóttir
Formaður setti fund og óskaði eftir að bæta á dagskrá með afbrigðum lið nr. 7 - Kvennaverkfall 2025 - munnlegt erindi frá sviðsstjóra.
Samþykkt samhljóða.
Aðrir liðir dagskrár hliðrast sem þessu nemur.