Fjárhagsáætlun 2026 - viðaukar

Fyrir sveitarstjórn liggur til afgreiðslu viðauki nr. 1 við fjárhagsáætlun 2026. Viðaukinn snýr að aukningu hlutafjár Þingeyjarsveitar í Mýsköpun ehf. en sveitarfélagið á forkaupsrétt að 786.844 hlutum í félaginu að nafnverði kr. 11.802.161 skv. samþykkt hluthafafundar 18. desember 2025. Viðaukinn verður fjármagnaður með handbæru fé.

Fyrir sveitarstjórn liggur til afgreiðslu viðauki nr. 2 við fjárhagsáætlun 2026. Viðaukinn er í þremur liðum.

Í fyrsta lið er um að ræða breytingu á fjárfestingaráætlun ársins en verið er að hækka framlag til Eignasjóðs að upphæð 6,6 m.kr. vegna Þingeyjar.

Í öðrum lið er verið að hækka framlag vegna Eignasjóðs - viðhald fasteigna vegna þaks að Ýdölum að upphæð 4 m.kr. og færist á deild 31 - Eignasjóður.

Í þriðja lið er verið að hækka framlag að upphæð 6,4 m.kr. vegna barnaverndar og færist sá liður á málaflokk 02 - Barnavernd.

Allir liðir viðaukans eru fjármagnaðir af handbæru fé.

Fyrir sveitarstjórn liggur til afgreiðslu viðauki nr. 3.

Viðaukinn er í fimm liðum og er upphæð hans 12,9 m.kr.

Liður 1 - færist á málaflokk 21 Sameining sveitarfélaga og er vegna skjalafrágangs gömlu hreppanna 1,5 m.kr.

Liður 2 - færist á málaflokk 21 - hreppsskrifstofa. Skýring: Verktakavinna vegna sumarræstingar í Þingey 0,9 m.kr.

Liður 3 - færist á málaflokk 08 - hreinlætismál. Skýring: Ný leið í lífrænu - Innkaup á vélum 6 m.kr.

Liður 4 - Færist á fjárfestingar. Skýring: Húsgagnakaup nýr leikskóli Tjarnaskjóli 3 m.kr.

Liður 5 - færist á fjárfestingar. Skýring: Kaup á landspildu við Smáragrund 1,5 m.kr.

Viðaukinn er fjármagnaður af handbæru fé.

Fyrir sveitarstjórn liggur til afgreiðslu viðauki nr. 4 við fjárhagsáætlun 2026. Upphæð viðauka er 3 m.kr. og er hann í einum lið og snýr að aukningu hlutafjár Atvinnueflingar Þingeyjarsveitar í Tröllasteini ehf. Viðaukinn er fjármagnaður af handbæru fé.

Fyrir sveitarstjórn liggur til afgreiðslu viðauki nr. 5 við fjárhagsáætlun 2026. Upphæð viðauka er 650 þúsund og er hann í einum lið og snýr að málaflokki 07 Almannavörnum og er vegna uppsetningar eftirlitsdróna Lögregluembættisins á Norðurlandi eystra. Viðaukinn er fjármagnaður af handbæru fé.