Hálkuvarnir á þjóðvegum
Málsnúmer 2512020
Vakta málsnúmerSveitarstjórn Þingeyjarsveitar - 70. fundur - 11.12.2025
Fyrir sveitarstjórn liggur afrit af erindi sem Ólafur Rúnar Ólafsson sendi til Vegagerðarinnar fyrir hönd fimm sveitarfélaga, Eyjafjarðarsveitar, Grýtubakkahrepps, Hörgársveitar, Svalbarðsstrandarhepps og Þingeyjarsveitar þar sem vakin er athygli á ábyrgð Vegagerðarinnar varðandi hálkuvarnir á vegum sem stofnuninni er falin ábyrgð á skv. lögum.
Sveitarstjórn Þingeyjarsveitar - 72. fundur - 22.01.2026
Fyrir sveitarstjórn liggur svar Vegagerðarinnar við erindi Þingeyjarsveitar ásamt fjórum sveitarfélögum, um hálkuvarnir á þjóðvegum. Einnig liggur fyrir svar Innviðaráðuneytis við fyrirspurn Ingvars Þóroddssonar um helmingamokstur og hálkuvarnir.
Til máls tóku: Árni Pétur, Jóna Björg og Knútur.
Vetrarþjónusta, þ.e. snjómokstur og hálkuvarnir hafa verið í samstarfi Vegagerðar og sveitarfélaga, s.k. helmingamokstur þar sem sveitarfélögin greiða 50% af kostnaði. Nú hefur Vegagerðin hafnað því að hálkuvarnir séu hluti vetrarþjónustu Vegagerðarinnar og séu því alfarið á ábyrgð sveitarfélaganna. Þessu mótmæla sveitarfélögin fimm.
Sveitarstjórn felur sveitarstjóra að fylgja málinu eftir.
Samþykkt samhljóða.