9. fundur

1.

Borgað þegar hent er - 2304037

Hafrún Huld Hlinadóttir mætti til fundar og gerði grein fyrir störfum sínum sl. tvö mánuði. Í sumar hefur Hafrún Huld farið um sveitarfélagið og kortlagt og hnitsett staðsetningu á sorptunnum í sveitarfélaginu. Er þessi vinna hluti af verkefninu Borgað þegar hent er sem sveitarfélagið er aðili að.

Til máls tók: Anna Bragadóttir, Ragnheiður Jóna Ingimarsdóttir og Guðrún Tryggvadóttir.
Umhverfisnefnd þakkar Hafrúnu Huld fyrir greinargóða yfirferð.

Samþykkt

2.

Samþykkt um hunda- og kattahald í Þingeyjarsveit - 2304022

Lögð fram drög að samþykktum annarsvegar um kattahald í Þingeyjarsveit og hinsvegar um hundahald í Þingeyjarsveit, sem sveitarstjórn vísaði til umhverfisnefndar á 26. fundi sínum.

Umhverfisnefnd samþykkir fyrirliggjandi drög, með áorðnum breytingum, fyrir sitt leyti og vísar þeim til staðfestingar sveitarstjórnar.

Samþykkt

3.

Tilnefning til umhverfisverðlauna 2023 - 2309045

Á ári hverju veitir Þingeyjarsveit umhverfisviðurkenningu fyrir eftirtektarvert framtak á sviði náttúruverndar, umhverfismála og sjálfbærar þróunar. Handhafi verðlaunanna getur verið einstaklingur, fyrirtæki eða lögbýli.

Umhverfisnefnd felur sviðsstjóra umhverfis- og framkvæmdasviðs að auglýsa eftir tillögum til umhverfisviðurkenningar Þingeyjarsveitar 2023 með fresti til og með 8. október.

4.

Endurheimt votlendis á Norðurlandi eystra - 2306035

Lögð er fram til kynningar skýrsla SSNE um endurheimt votlendis á Norðurlandi eystra.

Skýrslan er lögð fram til kynningar og umræðu, umhverfisnefnd telur ekki ástæðu til að senda inn umsögn að þessu sinni.

Lagt fram