242. fundur

Fundargerð

Sveitarstjórn

04.10.2018

242. fundur

haldinn í Kjarna fimmtudaginn 04. október kl. 13:00

Fundarmenn

Arnór Benónýsson, oddviti

Margrét Bjarnadóttir, varaoddviti

Ásvaldur Ævar Þormóðsson, aðalmaður

Árni Pétur Hilmarsson, aðalmaður

Jóna Björg Hlöðversdóttir, aðalmaður

Sigurður Hlynur Snæbjörnsson, aðalmaður

Hanna Jóna Stefánsdóttir, aðalmaður

Fundargerð ritaði: Dagbjört Jónsdóttir

Oddviti setti fund. Hann óskaði eftir breytingu á dagskrá, að taka 2. lið; Breytt nefndarskipan, út af dagsránni og aðrir liðir þar á eftir færast upp í dagskrá sem því nemur.

Samþykkt samhljóða.

 

Dagskrá:

 

1.      Fjallskil -1810002

Fjallskil tekin til umræðu ásamt erindisbréfi fjallskilastjóra í Þingeyjarsveit.

Sveitarstjórn felur Atvinnumálanefnd að endurskoða erindisbréf fjallskilastjóra með hliðsjón að fjallskilasamþykkt nr. 618/2010.

 

2.      Félagsheimilið Ýdalir: Þakviðgerðir -1809017

Tekið fyrir að nýju umræða um þak Ýdala sem þarfnast viðgerða vegna leka. Sveitarstjóri gerði grein fyrir tveimur tilboðum í verkið.

Sveitarstjórn samþykkir að vísa kostnaði við framkvæmdina til gerðrar fjárhagsáætlunar 2019.

 

3.      Rekstraryfirlit sveitarfélagsins: Fyrstu átta mánuði ársins -1804046

Lagt fram rekstraryfirlit sveitarfélagsins fyrstu átta mánuði ársins, sveitarstjóri gerði grein fyrir stöðunni og helstu frávikum. Tekjur eru aðeins undir áætlun og einnig heildarútgjöld. Rekstrarniðurstaða er jákvæð og málaflokkar eru almennt nálægt áætlun. Vinna við fjárhagsáætlun 2019 er hafin.

 

4.      Hjálparsveit skáta Aðaldal: Afmælisgjöf -1810008

Hjálparsveit skáta í Aðaldal mun halda uppá 40 ára afmæli sveitarinnar þann 6. október n.k.

Sveitarstjórn samþykkir að gefa Hjálparsveit skáta í Aðaldal 100 þúsund kr. í tilefni afmælisins. Útgjöld rúmast innan gildandi fjárhagsáætlunar 2018.  

 

5.      Fræðslunefnd: Fundargerðir frá 17.09.2018 og 01.10.2018 -1804052

Lagðar fram fundargerðir 71. og 72. fundar Fræðslunefndar. Margrét gerði grein fyrir fundargerðunum, annars vegar fundargerð frá 17. september sem er í sjö liðum og hins vegar fundargerð frá 1. október sem er í fjórum liðum.

Sveitarstjórn staðfestir fundargerðirnar.

 

6.      Skipulags- og umhverfisnefnd: Fundargerð frá 20.09.2018 -1804018 

Lögð fram fundargerð 105. fundar Skipulags- og umhverfisnefndar frá 20. september s.l. Ásvaldur gerði grein fyrir fundargerðinni sem er í sex liðum.

2. liður fundargerðar; Hólsvirkjun, aðal- og deiliskipulag.

Sveitarstjórn samþykkir tillögu að breytingu á aðalskipulagi og tillög að deiliskipulagi þar sem komið hefur verið til móts við málefnalegar athugasemdir á auglýsingartíma tillagnanna. Skipulags- og byggingarfulltrúa falið að senda þeim, sem athugasemdir gerðu, svör sveitarstjórnar  við þeim og annast gildistöku skipulagstillagnanna eins og skipulagslög nr. 123/2010 mæla fyrir um.

3. liður fundargerðar; Skógar í Fnjóskadal, breyting á deiliskipulagi.

Sveitarstjórn samþykkir tillögu að breytingu á deiliskipulagi þar sem komið hefur verið til móts við innkomnar athugasemdir. Skipulags- og byggingarfulltrúa falið að annast gildistöku breytingartillögunnar eins og skipulagslög nr. 123/2010 mæla fyrir um.

6. liður fundargerðar; Þéttbýliskjarni í Aðaldal, tillaga að deiliskipulagi.

Sveitarstjórn samþykkir að uppfærð deiliskipulagstillaga verði auglýst eins og 1. mgr. 41. gr. skipulagslaga nr. 123/2010 mælir fyrir um. Skipulags- og byggingarfulltrúa falin málsmeðferð vegna auglýsingarinnar.

Sveitarstjórn staðfestir fundargerðina að öðru leyti.

 

7.      Markaðsstofa Norðurlands: Samningur- 1810003

Fyrir fundinum liggur erindi frá Markaðsstofu Norðurlands (MN), dags. 20.09.2018 þar sem þess er farið á leit að samstarfssamningur MN og Þingeyjarsveitar verði endurnýjaður til næstu þriggja ára eða til ársins 2021.

Sveitarstjórn samþykkir að endurnýja samstarfssamninginn við MN til næstu þriggja ára og sveitarstjóra falið að undirrita samninginn.   

 

8.      Innkaupareglur Þingeyjarsveitar: Endurskoðun -1810005

Innkaupareglur Þingeyjarsveitar teknar til umræðu. Innkaupareglurnar voru samþykktar í sveitarstjórn 22.03.2012.

Sveitarstjórn samþykkir að endurskoða innkaupareglurnar og felur sveitarstjóra og oddvita þá vinnu.

 

9.      Persónuverndarstefna Þingeyjarsveitar -1804020

Sveitarstjóri lagði fram tillögu að persónuverndarstefnu Þingeyjarsveitar sem byggð er á lögum um persónuvernd og vinnslu persónuupplýsinga nr. 90/2018. Með persónuverndarstefnunni leggur sveitarfélagið áherslu á mikilvægi þess að gætt sé að því að öll vinnsla persónuupplýsinga innan sveitarfélagsins fari fram í samræmi við ákvæði persónuverndarlaga.

Sveitarstjórn samþykkir samhljóða framlagða persónuverndarstefnu sveitarfélagsins.

 

10.  Jöfnunarsjóður sveitarfélaga: Aðalfundur 2018 - 1809035

Aðalfundur Jöfnunarsjóðs sveitarfélaga 2018 – lagt fram til kynningar.

 

11.  Samtök orkusveitarfélaga: Aðalfundur 2018 - 1810006

Aðalfundur Samtaka orkusveitarfélaga 2018 – lagt fram til kynningar.

 

12.  Eyþing: Fundargerð frá 12.09.2018 - 1804005

Fundargerð 308. fundar stjórnar Eyþings frá 12.09.2018 lögð fram til kynningar.

 

13.  Vatnajökulsþjóðgarður: Fundargerð svæðisráðs norðursvæðis -1810004

Fundargerð svæðisráðs norðursvæðis Vatnajökulsþjóðgarðs lögð fram til kynningar.

 

14.  Samtök sveitarfélaga á köldum svæðum: Ársfundur 2018 -1809028

Ársfundur Samtaka sveitarfélaga á köldum svæðum 2018 – lagt fram til kynningar.

 

15.  Félagsráðgjafafélag Íslands: Bréf - 1809028

Bréf frá Félagsráðgjafafélagi Íslands lagt fram til kynningar.

 

Fleira ekki gert og fundi slitið kl. 15:45