219. fundur

Oddviti setti fund. Hann óskaði eftir að bæta á dagskrá undir 5. lið; Breyting á gildandi deiliskipulagi Reykjadals, land Hóla og Lauta og undir 6. lið; Erindi frá Einbúavirkjun ehf.

 Dagskrá:

1. Rekstrarleyfi – Fermata North
2. Rekstrarleyfi – Guesthouse Hvítafell
3. Rekstrarleyfi – Láfsgerði
4. Fundargerð Skipulags- og umhverfisnefndar
5. Breyting á gildandi deiliskipulagi Reykjadals, land Hóla og Lauta.
6. Erindi frá Einbúavirkjun ehf.

1.      Rekstrarleyfi – Fermata North

Lögð fram umsagnarbeiðni frá sýslumanninum á Norðurlandi eystra, dags. 14. júní s.l. þar sem Helga Arngrímsdóttir sækir um rekstrarleyfi, flokkur II – gististaður án veitinga, á Hólaveg 3 Laugum. Umsækjandi er með gilt leyfi fyrir heimagistingu í flokki I en er að stækka við sig.

Sveitarstjórn gerir ekki athugasemd við veitt rekstrarleyfi með fyrirvara um að jákvæðar umsagnir berist frá skipulags- og byggingarfulltrúa og heilbrigðis- og eldvarnareftirlitinu sbr. b-lið 7. gr. laga nr. 67/2016, um breytingu á lögum nr. 85/2007.

 2.      Rekstrarleyfi – Guesthouse Hvítafell

Lögð fram umsagnarbeiðni frá sýslumanninum á Norðurlandi eystra, dags. 10. maí  s.l. þar sem Kristjana Kristjánsdóttir sækir um rekstrarleyfi, flokkur II – gististaður án veitinga, í Hvítafelli Laugum. Bætir við neðri hæð í íbúðarhúsi á leyfið.

Sveitarstjórn gerir ekki athugasemd við veitt rekstrarleyfi með fyrirvara um að jákvæðar umsagnir berist frá skipulags- og byggingarfulltrúa og heilbrigðis- og eldvarnareftirlitinu sbr. b-lið 7. gr. laga nr. 67/2016, um breytingu á lögum nr. 85/2007.

 3.      Rekstrarleyfi – Láfsgerði

Lögð fram umsagnarbeiðni frá sýslumanninum á Norðurlandi eystra, dags. 16. maí s.l. þar sem Hólmfríður Sólveig Haraldsdóttir  sækir um rekstrarleyfi, flokkur II – gististaður án veitinga, í Láfsgerði.  Bætir við húsi inn á lóð þar sem hún er með rekstrarleyfi.

Sveitarstjórn gerir ekki athugasemd við veitt rekstrarleyfi með fyrirvara um að jákvæðar umsagnir berist frá skipulags- og byggingarfulltrúa og heilbrigðis- og eldvarnareftirlitinu sbr. b-lið 7. gr. laga nr. 67/2016, um breytingu á lögum nr. 85/2007

4.      Fundargerð Skipulags- og umhverfisnefndar frá 22.06.2017

Lögð fram fundargerð Skipulags- og umhverfisnefndar frá 22. júní sl. Sigurður Hlynur gerði grein fyrir fundargerðinni sem er í sex liðum.

2. liður fundargerðar; Mýri í Bárðardal.  Umsókn um stofnun lóðar.

Sveitarstjórn gerir ekki athugasemdir við stofnun lóðarinnar og felur skipulags- og byggingarfulltrúa að stofna  lóðina í Fasteignaskrá eins og lög og reglugerðir mæla fyrir um.

Sveitarstjórn staðfestir fundargerðina að öðru leyti.

5.      Breyting á gildandi deiliskipulagi Reykjadals, land Hóla og Lauta.

Skipulags- og byggingarfulltrúi óskar eftir heimild til að láta  vinna tillögu að breytingu á deiliskipulagi í landi Hóla og Lauta.

Sveitarstjórn samþykkir að fela skipulags- og byggingarfulltrúa að láta  vinna tillögu að breytingu á gildandi deiliskipulagi í landi Hóla og Lauta.

6.      Erindi frá Einbúavirkjun ehf.

Erindi frá Einbúavirkjun ehf. þar sem óskað er eftir því við sveitarstjórn Þingeyjarsveitar að gerðar verði nauðsynlegar breytingar á Aðalskipulagi Þingeyjarsveitar 2010-2022 vegna byggingar virkjunarinnar. Ragnar Bjarnason vék af fundi undir þessum lið  vegna vanhæfis.

Sveitarstjórn samþykkir að vísa erindinu til skipulags- og umhverfisnefndar.

Fleira ekki gert og fundi slitið kl. 14:15