Sveitarstjórn Þingeyjarsveitar

Árni Pétur kynnti fundargerðina.

Fundargerðin er staðfest.

Knútur kynnti fundargerðina.

Fundargerðin er staðfest.

Gerður kynnti fundargerðina.

Fundargerðin er staðfest.

Sveitarstjóri gerði grein fyrir helstu störfum sínum frá síðasta reglulega sveitarstjórnarfundi. Skýrslan flutt munnlega og til kynningar.

Til máls tók: Árni Pétur.

Árni Pétur leggur fram tillögu um Gerði Sigtryggsdóttur sem oddvita og Knút Emil Jónason sem varaoddvita.


Samþykkt með sex atkvæðum Árna Péturs, Arnórs, Jónu Bjargar, Úllu, Knúts og Gerðar. Haraldur, Halldór og Eyþór sitja hjá.

Til máls tóku: Árni Pétur, Knútur og Gerður.

Rekstrarniðurstaða sveitarfélagsins í A og B hluta var jákvæð um sem nam 188,5 m.kr og rekstrarniðurstaða A hluta var jákvæð sem nam 159,6 m.kr. Samkvæmt fjárhagsáætlun 2024 með viðaukum var gert ráð fyrir 3,9 m.kr neikvæðri rekstrarniðurstöðu í A og B hluta. Niðurstaðan er því 192,4 m.kr hagstæðari en áætlað var og hagstæðari um 66,3 m.kr heldur en niðurstaða ársins 2023 sem var jákvæð um 122,2 m.kr.

Samanlagðar rekstrartekjur í A og B hluta á árinu námu 2.722,2 m.kr., en þar af námu rekstrartekjur A hluta 2.571 m.kr. Samkvæmt fjárhagsáætlun fyrir 2024 með viðaukum var gert ráð fyrir rekstrartekjum sem næmu 2.541,4 m.kr í A og B hluta. Rekstrartekjur eru því 180,8 m.kr hærri en áætlun gerði ráð fyrir eða sem nemur 7,11%.

Rekstrargjöld A og B hluta, þ.e. laun og launatengd gjöld og annar rekstrarkostnaður, námu samtals 2.334,7 m.kr á árinu. Þar af eru laun og launatengd gjöld 1.434,2 m.kr og annar rekstrarkostnaður er 900,5 m.kr.
Fjárhagsáætlun með viðaukum gerði ráð fyrir rekstrargjöldum sem næmu 2.307,4 m.kr. Þar af laun og launatengd gjöld 1.417,4 m.kr og önnur rekstrargjöld áætluð 890 m.kr.
Laun og launatengd gjöld ársins eru því 16,8 m.kr yfir því sem áætlun gerði ráð fyrir og annar rekstrarkostnaður 10,5 m.kr hærri en áætlun gerði ráð fyrir. Fjöldi ársverka voru 110 og fækkaði þeim um fimm frá fyrra ári. Fækkun ársverka stafar að mestu leyti vegna minni umsvifa hjá DA. Meðalhækkun launa á árinu var um 7% á meðan launavísitala opinberra starfsmanna og starfsmanna sveitarfélaga hækkaði um 6,7% á árinu 2024.

Afborganir langtímalána námu 152,8 m.kr. á árinu en áfallnar verðbætur 55,0 m.kr. Engin ný lán voru tekin á árinu og er því heildarlækkun langtímalána 98 m.kr. að teknu tilliti til áfallinna verðbóta.
Samkvæmt sjóðsstreymisyfirliti samstæðu á árinu 2024 nam veltufé frá rekstri 361,6 m.kr á móti 307,2 m.kr árið 2023. Fjárfestingar í varanlegum rekstrarfjármunum námu 282,8 m.kr á árinu.
Eigið fé í árslok nam 1.321,4 m.kr fyrir A og B hluta samanborið við 1.115,2 m.kr árið áður.
Eiginfjárhlutfall A og B hluta, nemur 42,1% í árslok. Sama hlutfall í lok árs 2023 var 36,8%. Veltufjárhlutfall lækkar lítillega á milli ára og er nú 0,78% en var 0,93%.
Skuldaviðmið A og B hluta, skv. reglugerð um fjármál sveitarfélaga er 50,6% í árslok en var 54,1% í árslok 2023.
Skuldahlutfall sveitarfélagsins, A og B hluta er 66,7% í árslok 2024 en var 74,7% í árslok 2023.

Í ljósi niðurstöðu ársreiknings ársins 2024 er full ástæða til bjartsýni til framtíðar. Sveitarstjórn færir stjórnendum og starfsmönnum bestu þakkir fyrir þeirra framlag til ábyrgs reksturs og góðrar þjónustu. Sveitarstjórn þakkar einnig endurskoðendum fyrir gott samstarf við gerð ársreiknings.

Samþykkt samhljóða.

Til máls tók: Gerður.

Sveitarstjórn samþykkir framlögð drög að tímalínu fyrir gerð fjárhagsáætlunar fyrir árið 2026 og felur sviðsstjóra fjármála- og stjórnsýslusviðs og sveitarstjóra að leiða vinnu við fjárhagsáætlunargerð eftir framlagðri áætlun.

Samþykkt samhljóða.

Til máls tók: Árni Pétur.

Sveitarstjórn þakkar sóknarnefnd erindið og felur sveitarstjóra að ræða við landeigendur og Þjóðkirkjuna, að öðru leyti vísar sveitarstjórn erindinu til fjárhagsáætlunar 2026.

Samþykkt samhljóða.

Til máls tóku: Knútur, Gerður, Eyþór, Jóna Björg og Knútur.

Sveitarstjórn gerir svör skipulagsnefndar að sínum.

Samþykkt samhljóða.


Að auki bókar meirihluti sveitarstjórnar varðandi orkuframleiðslu:
Vísað er til skipulagsvinnu sem hófst árið 2020 vegna Einbúavirkjunar. Þann 29.5.2022 sameinuðust sveitarfélögin Þingeyjarsveit eldri og Skútustaðahreppur undir nafni nýrrar Þingeyjarsveitar. Ný sveitarstjórn hins nýja sveitarfélags tók við gerð vinnslutillögu aðalskipulags hins sameinaða sveitarfélags.

Vinna við aðalskipulag fyrir Þingeyjarsveit grundvallast á markmiðum skipulagslaga. Markmið skipulagslaga eru m.a. að stuðla að skynsamlegri og hagkvæmri nýtingu lands og landgæða, tryggja vernd landslags, náttúru og menningarverðmæta og koma í veg fyrir umhverfisspjöll og ofnýtingu, með sjálfbæra þróun að leiðarljósi, sbr. b. liður 1. gr. skipulagslaga. Ljóst er að hugmyndir um mismunandi landnotkun geta falið í sér að markmiðin birtast sem gagnstæð sjónarmið. Við afgreiðslu aðalskipulags er það verkefni sveitarstjórnar að taka ákvörðun um vægi sjónarmiða og setja fram stefnu sveitarstjórnar um landnotkun, byggðaþróun, byggðamynstur, samgöngu- og þjónustukerfi og umhverfismál í sveitarfélaginu.

Meirihluti sveitarstjórnar Þingeyjarsveitar vísar til niðurstöðukafla álits Skipulagsstofnunar frá 31.07.2020 um mat á umhverfisáhrifum Einbúavirkjunar í Skjálfandafljóti. Þar segir m.a.:
Í áliti Skipulagsstofnunar á matsskyldu vegna Einbúavirkjunar dags. 31. júlí 2020 segir að "Skipulagsstofnun telji að matsskýrslan uppfylli að mestu skilyrði laga og reglugerðar um mat á umhverfisáhrifum og að umhverfisáhrifum hafi verið lýst á fullnægjandi hátt. Skipulagsstofnun telur að helstu neikvæðu áhrif framkvæmdarinnar felist í breyttu yfirbragði nærsvæðis virkjunarinnar með tilkomu ýmissa mannvirkja sem koma til með að breyta ásýnd hefðbundins landbúnaðarhéraðs í svæði sem ber einkenni iðnaðarsvæðis með umfangsmiklum skurðum fyrir aðveitu og fráveitu, stöðvarhús, vegum og brúm sem og stíflum og inntaksvirkjun. Fyrir liggur að fyrirhugaðar framkvæmdir munu raska eldhrauni sem nýtur sérstakrar verndar skv. lögum um náttúruvernd og forðast ber að raska nema vegna brýnna hagsmuna sem í greinargerð með núgildandi náttúruverndarlögum hafa verið túlkaðir sem brýnir almannahagsmunir. Skipulagsstofnun telur að ekki hafi verið sýnt fram á brýna nauðsyn fyrir röskun hraunsins og telur stofnunin að setja verði það sem skilyrði við leyfisveitingar að ítarlegri rökstuðningur liggi fyrir."

Meirihluti sveitarstjórnar Þingeyjarsveitar telur ekki að brýnir almannahagsmunir standi til þess að setja Einbúavirkjun inn á aðalskipulag enda eru möguleikar til aukinnar orkuvinnslu í Þingeyjarsveit umtalsverðir. Uppsett afl í virkjunum Landsvirkjunar í sveitarfélaginu er 182 MW og með stækkun Þeistareykjavirkjunar verður uppsett afl sömu virkjana um 250 MW. Um er að ræða landsvæði sem nú þegar hefur verið fórnað til raforkuframleiðslu og umhverfisáhrif þar af leiðandi hverfandi umfram það sem nú er. Að framansögðu þjóni það ekki almannahagsmunum að fórna óröskuðu vatnasviði Skjálfandafljóts fyrir 9,8 Mw raforkuframleiðslu.

Gerðar Sigtryggsdóttir
Knútur Emil Jónasson
Arnór Benónýsson
Árni Pétur Hilmarsson
Úlla Árdal
Jóna Björg Hlöðversdóttir

Eyþór leggur fram eftirfarandi bókun fyrir hönd minnihluta:

Við undirritaðir, tökum undir athugasemdir Skipulagsstofnunar um Einbúavirkjun. Með því að setja hana ekki inná vinnslutillögu aðalskipulags var komið í veg fyrir að íbúar og aðrir hagsmunaaðilar fengju tækifæri til að hafa aðkomu að ákvörðuninni í gegnum lýðræðislegt samráðsferli við endurskoðun aðalskipulagsins.
Eyþór Kári Ingólfsson
Halldór Þorlákur Sigurðsson
Haraldur Bóasson

Til máls tók: Árni Pétur, Eyþór og Jóna Björg.

Sveitarstjórn Þingeyjarsveitar skorar á atvinnuvegaráðherra að beita sér fyrir því að burðarþolsmat á Eyjafirði og Öxarfirði fari ekki fram. Báða þessa firði ætti að friða fyrir opnu sjókvíaeldi enda er þar fjöldi lax og silungsveiði áa. Í fjörðunum og í nágrenni þeirra fer nú þegar fram öflug atvinnustarfsemi sem illa rekst með sjókvíaeldi og nýtingu á hlunnindum sem hafa verið stunduð frá landnámi. Þessi áform ganga þvert á samning sem Ísland er aðili að við Sameinuðu þjóðirnar um líffræðilegan fjölbreytileika sem nú er til endurskoðunar.
Sveitarstjórn skorar á sveitarfélög á starfssvæði SSNE að taka málið upp og taka afstöðu og beinir málinu einnig til stjórnar SSNE.

Samþykkt samhljóða.

Sveitarstjórn felur sviðsstjóra fjármála- og stjórnsýslusviðs að flytja heimilisföng sveitarfélagsins og félaga í eigu sveitarfélagsins í Þingey.

Samþykkt samhljóða.

Til máls tók: Jóna Björg, Gerður,

Sveitarstjórn felur sveitarstjóra að sækja um stofnframlag til fjögurra íbúða í samstarfi við Brák íbúðafélag hses, annars vegar fyrir tveimur íbúðum í Aðaldal og hins vegar fyrir tveimur íbúðum annars staðar í sveitarfélaginu.

Samþykkt samhljóða.

Sveitarstjórn samþykkir að næsti formlegi fundur sveitarstjórnar verði 14.ágúst nk.

Samþykkt samhljóða.

Til máls tók: Knútur og Jóna Björg.

Sveitarstjórn telur að efnistakan muni hafa óveruleg áhrif á umhverfið og falli ekki undir lög um umhverfismat framkvæmda og áætlana 111/2021.
Sveitarstjórn samþykkir erindið og felur skipulagsráðgjafa að gefa út framkvæmdaleyfið samkvæmt reglugerð um framkvæmdaleyfi nr. 772/2021 og 13 til 16 gr. skipulagslaga nr. 123/2010.
Sveitarstjórn tekur þó undir fyrri afgreiðslu nefndar frá 5.maí 2022 um að áframhaldandi efnistaka kalli á mat á umhverfisáhrifum. Því er kallað eftir áformum framkvæmdaaðila til lengri tíma. Eins vill sveitarstjórn leggja áherslu á að gengið verði frá þeim hluta efnistökusvæðisins sem ekki er lengur í notkun í samræmi við leiðbeiningar á namur.is

Samþykkt samhljóða.

Til máls tók: Knútur.

Sveitarstjórn samþykkir tillögu atvinnu- og nýsköpunarnefndar og felur sviðsstjóra umhverfis- og framkvæmdasviðs að framlengja samninga við ábúendur um snjómokstur um eitt ár.

Samþykkt samhljóða.

Til máls tók: Knútur.

Sveitarstjórn tekur jákvætt í umbeðið tækifærisleyfi til áfengisveitinga vegna tónlistarhátíðarinnar "Vor í Vaglaskógi" að uppfylltum eftirfarandi skilyrðum:
a)Að fyrir liggi skriflegt samþykki landeigenda þar sem hátíðin fer fram sem og landeigenda þar sem gert er ráð fyrir bílastæðum, þ.e. Mörk, Lundur og Hróarsstaðir.
b)Formlegt samstarf verði haft við Land og skóg.
c)Að umsækjandi tryggi að sala á áfengi uppfylli lögbundin skilyrði.

Samþykkt samhljóða.

Til máls tóku: Árni Pétur, Knútur, Eyþór, Árni Pétur, Knútur, Gerður, Eyþór, Gerður og Árni Pétur.

Oddviti leggur til að afgreiðslu loftslagsstefnu verði frestað til næsta fundar.

Samþykkt samhljóða.

Til máls tóku: Árni Pétur, Jóna Björg og Gerður.

Sveitarstjórn samþykkir framlagða verklýsingu útboðs á sorphirðu í Þingeyjarsveit og felur sviðsstjóra umhverfis- og framkvæmdasviðs að vinna málið áfram.

Samþykkt samhljóða.

Sveitarstjórn samþykkir fyrirliggjandi breytingu á deiliskipulagi að fengnum jákvæðum umsögnum skv. 2. mgr. 43. gr. skipulagslaga.

Samþykkt samhljóða.

Sveitarstjórn staðfestir afgreiðslu skipulagsnefndar.

Samþykkt samhljóða.

Sveitarstjórn staðfestir afgreiðslu skipulagsnefndar.

Samþykkt samhljóða.

Sveitarstjórn staðfestir afgreiðslu skipulagsnefndar.

Samþykkt samhljóða.

Til máls tók: Knútur.

Sveitarstjórn barst ósk um frestun málsins, taldi sveitarstjórn ekki rök til að fresta afgreiðslu deiliskipulagsins til auglýsingar. Í auglýsingaferlinu gefst tækifæri á að koma athugasemdum á framfæri.

Sveitarstjórn samþykkir að tillaga að deiliskipulagi fyrir Laxárstöðvar sem nær til virkjanasvæðis Laxár í Aðaldal verði auglýst í samræmi við 41. gr. skipulagslaga nr. 123/2010. Sveitarstjórn felur skipulagsráðgjafa að vinna málið áfram.

Samþykkt samhljóða.

Sveitarstjórn samþykkir stofnun lóðarinnar Brún 3.

Samþykkt samhljóða.

Til máls tók: Knútur.

Lagt fram til kynningar.

Sveitarstjórn felur Arnóri Benónýssyni að fara með umboð sveitarfélagsins á fundinum.

Fyrir hönd sveitastjórnar Þingeyjarsveitar sátu Knútur Emil Jónasson og Jóna Björg Hlöðversdóttir fundinn sem fulltrúar Þingeyjarsveitar í stjórn DA og fór Jóna Björg Hlöðversdóttir með umboð sveitarfélagsins á fundinum.

Sveitarstjórn Þingeyjarsveitar tekur undir bókun stjórnar SSNE og gerir að sinni: Sveitarstjórn hvetur Alþingi og ríkisstjórn Íslands til að bregðast skjótt við þeim aðstæðum sem nú eru uppi varðandi starfsemi PCC BakkiSilicon á Bakka við Húsavík. Sveitarstjórn leggur jafnframt áherslu á að aukinn kraftur verði settur í uppbyggingu græns iðngarðs við Bakka, að hálfu ríkisins, til að nýta sem best þær fjárfestingar sem ríkið hefur þegar farið í þar vegna uppbyggingarinnar, s.s. orkuöflun, línulagnir, hafnarmannvirki og gangnagerð. Enn fremur að Alþingi beiti sér fyrir því að í framkvæmdaáætlun Landsnets og kerfisáætlun 2025-2034 verði tvítenging Bakka forgangsatriði en ekki fyrirséð þörf til lengri tíma. Mikilvægt er fyrir frekari atvinnuuppbyggingu í landshlutanum að tvítengingin verði á framkvæmdaáætlun með skýra tímasetningu og fjármögnun.

Samþykkt samhljóða.

Til máls tók: Knútur.

Sveitarstjórn samþykkir að fresta endurnýjun heimæða á Skútustöðum og fjármunirnir verði nýttir til endurnýjunar lagna frá Hlíðarvegi suður fyrir Austurlandsveg vegna slæms ástands lagna.

Samþykkt samhljóða.