Fara í efni

Sveitarstjórn Þingeyjarsveitar

89. fundur 12. nóvember 2026 kl. 14:00 í Þingey
Nefndarmenn
  • Knútur Emil Jónasson
  • Nanna Marteinsdóttir
  • Anna Bragadóttir
  • Dóra Rún Kristjánsdóttir
  • Hallgrímur Páll Leifsson
  • Eyþór Kári Ingólfsson
  • Freydís Anna Ingvarsdóttir
Starfsmenn
  • Margrét Hólm Valsdóttir
  • Katrín Sigurjónsdóttir
Fundargerð ritaði: Margrét Hólm Valsdóttir
Dagskrá
Oddviti setti fund og kannaði lögmæti fundar. Engar athugasemdir voru gerðar við fundarboð.

1.Fræðslu- og velferðarnefnd Þingeyjarsveit - 39

Málsnúmer 2611001FVakta málsnúmer

Fyrir sveitarstjórn liggur til staðfestingar fundargerð 39. fundar fræðslu- og velferðarnefndar sem haldinn var 9. nóvember. Fundargerðin er í sjö liðum, liðir 4 og 6 þarfnast afgreiðslu sveitarstjórnar og eru sér liðir á fundinum.
Freydís Anna kynnti fundargerðina.

Fundargerðin er staðfest.

2.Fjárhagsáætlun 2026 - viðaukar

Málsnúmer 2601031Vakta málsnúmer

Fyrir sveitarstjórn liggur til afgreiðslu viðauki nr. 9 við fjárhagsáætlun 2026. Upphæð viðauka er 2,7 m.kr. og er hann vegna fjárfestingar í búnaði í mötuneyti Þingeyjarskóla. Viðaukinn er fjármagnaður af handbæru fé.
Til máls tók: Knútur.

Sveitarstjórn samþykkir viðauka nr. 9 við fjárhagsáætlun 2026 að fjárhæð 2,7 m.kr. vegna kaupa á búnaði fyrir mötuneyti Þingeyjarskóla. Viðaukinn er fjármagnaður af handbæru fé og færist á fjárfestingar ársins.

Samþykkt samhljóða.

3.Þingeyjarsveit - samningar við ungmenna-, íþrótta- og æskulýðsfélög

Málsnúmer 2209058Vakta málsnúmer

Fyrir sveitarstjórn liggur að staðfesta fullbúna samninga við íþrótta- og ungmennafélög í Þingeyjarsveit.
Hallgrímur Páll vakti athygli á mögulegu vanhæfi, Dóra Rún vakti einnig athygli á mögulegu vanhæfi sínu.

Samþykkt samhljóða.

Hallgrímur og Dóra véku af fundi kl. 14.11.

Til máls tóku: Nanna, Knútur, Eyþór Kári og Knútur.

Knútur lagði til eftirfarandi bókun:
Sveitarstjórn samþykkir fyrirliggjandi samstarfssamninga við íþrótta-, ungmenna- og æskulýðsfélög í sveitarfélaginu fyrir samningstímabilið 2027-2028 að viðbættri þeirri breytingu að ákvæði um afnotarétt af skólastofum verði fellt úr öllum samningum og felur sveitarstjóra að undirrita samningana fyrir hönd sveitarfélagsins.

Sveitarstjórn þakkar félögunum mikilvægt framlag þeirra til íþrótta-, tómstunda- og æskulýðsstarfs í sveitarfélaginu.

Samþykkt samhljóða.

Dóra Rún og Hallgrímur Páll komu aftur inn á fund kl. 14.17.

4.Veitur Þingeyjarsveitar - markmiðaskjal sveitarstjórnar

Málsnúmer 2611018Vakta málsnúmer

Fyrir sveitarstjórn liggur til kynningar og umræðu, drög að markmiðaskjali sveitarstjórnar um veitur Þingeyjarsveitar.
Til máls tóku: Hallgrímur Páll, Nanna, Eyþór Kári og Knútur.

Sveitarstjórn ræddi fyrirliggjandi drög að markmiðaskjali fyrir veitur sveitarfélagsins. Sveitarstjórn felur sveitarstjóra að vinna áfram að málinu í samræmi við framkomnar ábendingar og leggja endanleg drög fyrir sveitarstjórn til umræðu og afgreiðslu.

Samþykkt samhljóða.

5.Sveitarstjórn Þingeyjarsveitar - breyting á dagsetningu fundar í desember

Málsnúmer 2611021Vakta málsnúmer

Fyrir sveitarstjórn liggur tillaga að breytingu á fundaáætlun sveitarstjórnar í desember 2026. Lagt er til að fundur sem fyrirhugaður er 3. desember verði færður til 10. desember með hliðsjón af tímasetningu fyrri og síðari umræðu um fjárhagsáætlun ársins 2027 sem þarf að vera lokið eigi síðar en 15. desember. Jafnframt er lagt til að fyrirhugaður fundur 17. desember verði felldur niður.
Til máls tók: Knútur, Nanna og Katrín

Sveitarstjórn samþykkir að breyta áður samþykktri fundaáætlun þannig að sveitarstjórnarfundur, sem fyrirhugaður var 3. desember 2026, verði haldinn 10. desember 2026. Breytingin er gerð þar sem fyrri umræða um fjárhagsáætlun ársins 2027 fer fram 26. nóvember og nauðsynlegt er að tilskilinn tími líði fram að síðari umræðu. Jafnframt samþykkir sveitarstjórn að fella niður fund sem fyrirhugaður var 17. desember 2026.

Samþykkt samhljóða.

6.Gjaldtaka í Vaðlaheiðargöngum

Málsnúmer 2611022Vakta málsnúmer

Fyrir sveitarstjórn er til umræðu gjaldtaka í Vaðlaheiðargöngum.
Til máls tóku: Eyþór Kári, Hallgrímur Páll, Anna, Dóra Rún, Knútur, Hallgrímur Páll, Eyþór Kári og Knútur.


Sveitarstjórn hvetur stjórnvöld til að endurskoða fyrirkomulag gjaldtöku í Vaðlaheiðargöngum með það að markmiði að betur verði komið til móts við reglulega notendur gangnanna. Vaðlaheiðargöng hafa verulega þýðingu fyrir íbúa Þingeyjarsveitar, sérstaklega þá sem sækja daglega vinnu og aðra þjónustu um göngin, sem og þá aðila sem stunda vinnu í Þingeyjarsveit.
Sveitarstjóra falið að koma sjónarmiðum sveitarstjórnar á framfæri við stjórnvöld.

Samþykkt samhljóða.

7.Greiðslufyrirkomulag Loftbrúar

Málsnúmer 2611023Vakta málsnúmer

Fyrir sveitarstjórn liggja til umræðu áform innviðaráðuneytis nýtt fyrirkomulag afsláttarkóða Loftbrúar þar sem afsláttur á að verða föst krónutala í stað prósentu.
Til máls tóku: Hallgrímur Páll, Anna og Dóra Rún.

Sveitarstjórn Þingeyjarsveitar mótmælir harðlega fyrirhuguðum breytingum á fyrirkomulagi Loftbrúar.

Loftbrú gegnir mikilvægu hlutverki við að jafna aðgengi íbúa landsbyggðarinnar að nauðsynlegri þjónustu sem ekki er í boði í heimabyggð. Sveitarstjórn telur að fyrirhuguð föst krónutala geti skert stuðning við þá sem þurfa að ferðast með skömmum fyrirvara og þannig dregið úr jöfnunarhlutverki Loftbrúar.

Sveitarstjórn skorar á ráðherra að falla frá áformunum eða, áður en ákvörðun um breytingar er tekin, hafa víðtækt samráð við sveitarfélög og aðra hagsmunaaðila á landsbyggðinni.

Samþykkt samhljóða.

8.Landeigendur Reykjahlíðar - tillögur verkefnisstjórnar rammaáætlunar

Málsnúmer 2610056Vakta málsnúmer

Fyrir sveitarstjórn liggur athugasemd frá Landeigendum Reykjahlíðar ehf. vegna tillögu verkefnisstjórnar rammaáætlunar um virkjanahugmyndir í verndarflokk.



Óskað er eftir því að sveitarstjórn leggist gegn fyrirhugaðri friðlýsingu og virði þar með ákvörðunarvald landeigenda Reykjahlíðar og rétt þeirra til að ráða  yfir sínu eigin landi og að hugmyndir annarra um nýtingu eða ráðstöfun jarðarinnar Reykjahlíðar verði ekki gerð í andstöðu við vilja landeigenda. Málið varðar tillögu verkefnisstjórnar rammaáætlunar um virkjanahugmyndir í verndarflokk og átta verndarsvæði, mál nr. S-162/2026 í samráðsgátt stjórnvalda. Friðlýsing Vatnasviðs Jökulsár á Fjöllum og verndarsvæðis Gjástykkis var afturkölluð í kjölfar niðurstöðu dóms Hæstaréttar í máli 36/2023. Í kjölfar dómsins var umræddum virkjanakostum vísað aftur til verkefnisstjórnar rammaáætlunar sem leggur síðan fram þessa tillögu.
Til máls tóku: Eyþór Kári, Hallgrímur Páll, Freydís Anna, Knútur, Eyþór Kári, Dóra Rún, Hallgrímur Páll og Nanna.

Eyþór Kári leggur til eftirfarandi bókun:

Sveitarstjórn samþykkir að send verði umsögn sem tekur undir sjónarmið í fyrirliggjandi bréfi frá Landeigendum Reykjahlíðar ehf.

Samþykkt með atkvæðum Hallgríms Páls, Eyþórs Kára og Freydísar Önnu. Atkvæði á móti greiddu Knútur, Nanna, Anna og Dóra Rún.

Sveitarstjórn tekur undir mikilvægi þess að sjónarmið landeigenda komi skýrt fram við frekari umfjöllun um málið og leggur áherslu á vandað samráð við alla hagsmunaaðila. Málið er í samráðsgátt stjórnvalda með athugasemdafrest til 4.desember n.k.

Sveitarstjórn leggst ekki gegn tillögu verkefnisstjórnar rammaáætlunar fyrir sitt leyti.

Samþykkt með atkvæðum Knúts, Nönnu, Önnu og Dóru Rúnar. Atkvæði á móti greiddu Hallgrímur Páll, Eyþór Kári og Freydís Anna.



9.Golfklúbbur Mývatnssveitar - fyrirspurn varðandi lagningu heitavatnslagnar að golfskála klúbbsins

Málsnúmer 2609012Vakta málsnúmer

Fyrir sveitarstjórn liggur erindi frá Elvari Goða Yngvason, f.h. Golfklúbbs Mývatnssveitar, þar sem óskað er eftir því að sveitarfélagið komi að lagningu heitavatnslagnar að golfskála klúbbsins.
Til máls tóku: Hallgrímur Páll, Dóra Rún og Knútur.

Sveitarstjórn þakkar Golfklúbbi Mývatnssveitar fyrir erindið. Sveitarstjórn mun ekki standa undir kostnaði við framkvæmd heitavatnslagnar að svo stöddu.

Samþykkt með sex atkvæðum, Hallgrímur Páll situr hjá.

10.Kvenfélag Reykdæla - Vika einmanaleikans - umsókn um niðurfellingu húsaleigu

Málsnúmer 2611010Vakta málsnúmer

Fyrir íþrótta-, tómstundar- og menningarnefnd liggur erindi frá Kvenfélagi Reykdæla þar sem óskað er eftir niðurfellingu húsaleigu á Breiðumýri vegna viðburðar í tengslum við viku einmanaleikans.
Til máls tók: Knútur, Hallgrímur Páll og Knútur.

Sveitarstjórn tekur jákvætt í erindið. Þar sem ekki eru forsendur til niðurfellingar húsaleigu fasteignarinnar samþykkir sveitarstjórn að veita Kvenfélagi Reykdæla styrk sem nemur fjárhæð húsaleigunnar vegna viðburðar í tengslum við Viku einmanaleikans.

Samþykkt samhljóða.



11.Veiðifélag Reykjadals og Eyvindarlækjar - bókun aðalfundar varðandi mengun frá þéttbýli Lauga og áhrif á vatnsgæði Reykjadalsár

Málsnúmer 2611011Vakta málsnúmer

Fyrir sveitarstjórn liggur bókun aðalfundar Veiðifélags Reykjadalsár og Eyvindarlækjar varðandi mengun frá þéttbýli Lauga og áhrif þess á Reykjadalsá.
Til máls tóku: Anna, Eyþór Kári, Hallgrímur Páll og Knútur.

Sveitarstjórn þakkar erindið og tekur undir mikilvægi þess að tryggja vatnsgæði í Reykjadalsá.
Sveitarstjórn vill beina því til Náttúruverndarstofnunar að Reykjadalsá er hluti af vatnakerfi Laxár í Aðaldal og því sé rétt að horfa til hennar við endurskoðun verndaráætlunar fyrir Mývatn og Laxá, og hún verði innifalin í ítarlegri vöktun vatnshlotsins.

Samþykkt samhljóða.

12.SUNN - bréf til sveitarstjórnar vegna Norðurvegs í Kinn

Málsnúmer 2611017Vakta málsnúmer

Fyrir sveitarstjórn liggur erindi frá SUNN, Samtök um náttúruvernd á Norðurlandi, vegna Norðurvegs í Kinn
Til máls tóku: Hallgrímur Páll, Nanna, Eyþór Kári, Katrín, Anna, Freydís Anna, Nanna og Knútur.

Freydís Anna lýsti yfir mögulegu vanhæfi sínu. Sveitarstjórn hafnar vanhæfi Freydísar Önnu.

Samþjöppun heilbrigðisþjónustu og löggæslu á Akureyri er meðal þess sem kallar á greiðar og öruggar vegasamgöngur fyrir almenning. Sveitarstjórn álítur að það séu brýnir almannahagsmunir landshlutans að íbúar komist greitt og örugglega undir læknishendur og að viðbragðstími löggæslu, sjúkrabíla, slökkviliðs og hjálparsveita sé sem stystur.

Samþykkt samhljóða.

13.Samtök Landbúnaðarsveitarfélaga - stofnfundur

Málsnúmer 2609087Vakta málsnúmer

Stofnfundur Samtaka landbúnaðarsveitarfélaga var haldinn 7.október sl. þar sem samþykkt var að stofna samtökin ásamt því að kjörin var stjórn og ályktun samþykkt í lok fundar.



Lagt fram til kynningar fundargerð stofnfundar ásamt samþykktum samtakanna.
Lagt fram til kynningar.

14.Innviðaráðuneytið - mál S 191 2026 Viðmið um sjálfbæra þróun sveitarfélaga

Málsnúmer 2610037Vakta málsnúmer

Innviðaráðuneytið hefur birt tillögur um viðmið um sjálfbæra þróun sveitarfélaga í samráðsgátt stjórnvalda til umsagnar.



Settar eru fram tillögur að 30 mælikvörðum og skilgreindum viðmiðum sem gefa til kynna hvort sveitarfélög hafi nauðsynlegar forsendur til að þróast með sjálfbærum hætti til lengri tíma.



Umsagnarfrestur er til 13. nóvember 2026, málinu var frestað á síðasta fundi sveitarstjórnar 22. október.

Til máls tóku: Anna, Katrín, Hallgrímur Páll, Knútur, Nanna, Knútur og Dóra Rún.

Sveitarstjórn samþykkir að fela sveitarstjóra að forma bókun í samræmi við umræður á fundi og senda inn í samráðsgátt.

Samþykkt samhljóða.

15.Norðurorka - hluthafafundur 2026

Málsnúmer 2611001Vakta málsnúmer

Fyrir sveitarstjórn liggur fundarboð á hluthafafund Norðurorku þann 30. nóvember n.k. kl. 13:00. Fundurinn verður haldinn í fundarsal Norðurorku á 2. hæð í Orkugarði.
Til máls tók: Knútur.

Sveitarstjórn samþykkir að sveitarstjóri fari með umboð sveitarfélagsins á hluthafafundi Norðurorku þann 30. nóvember nk.

Samþykkt samhljóða.

16.Leikskólar Þingeyjarsveitar - starfsmannavelta og mannekla

Málsnúmer 2610023Vakta málsnúmer

Á 39. fundi sveitarstjórnar var eftirfarandi bókað vegna liðs nr. 4: Leikskólar Þingeyjarsveitar - starfsmannavelta og mannekla en til umfjöllunar var mönnunarvandi í leikskólum sveitarfélagsins en þessum lið var frestað á síðasta fundi nefndarinnar:
"Nefndin telur nauðsynlegt að brugðist verði við alvarlegu ástandi í leikskólum sveitarfélagsins vegna langvarandi manneklu og vísar málinu til sveitarstjórnar. Nefndin vill leggja áherslu á það að verið er að horfa til tveggja þátta. Annars vegar að draga úr álagi og hins vegar að auka starfsánægju starfsfólks og gera þar með vinnustaðinn eftirsóknarverðari. Tillögur nefndar: - Val um 30 tíma gjaldfrjálsa vistun á viku. - Fjölga starfsdögum úr 6 í 10 daga á ári og þar með auka undirbúning starfsfólks. Leikskólastjórnendur útfæra starfsdaga á skóladagatali. - Leita leiða til að styðja starfsfólk enn frekar til náms samhliða starfi. - Íhuga þætti sem geta aukið starfsánægju, s.s. skólastjórnendum veitt aukið svigrúm til viðburða fyrir starfsfólk, afsláttarkort í afþreyingu í sveitarfélaginu (s.s. veitingastaði, baðstaði o.fl.), sértækur fatastyrkur til leikskólastarfsfólks vegna vinnuaðstæðna."
Dóra Rún og Nanna lýsa yfir mögulegu vanhæfi sínu.

Sveitarstjórn samþykkir vanhæfi þeirra samhljóða.

Nanna og Dóra Rún víkja af fundi kl. 15.41.

Til máls tóku: Anna, Hallgrímur Páll og Knútur.

Sveitarstjórn felur sveitarstjóra í samráði við sviðsstjóra fjölskyldusviðs að útfæra frekar tillögur fræðslu og velferðarnefndar með það að markmiði að minnka álag m.a. með breytingum á vistunartíma og aðstæðum á vinnustað og bera undir forráðamenn stofnana. Að því loknu komi málið aftur til umræðu og afgreiðslu sveitarstjórnar.

Samþykkt samhljóða.

Nanna og Dóra Rún koma aftur til fundar kl. 15.47.

Samþykkt samhljóða.

17.Úrsögn fulltrúa úr fræðslu- og velferðarnefnd

Málsnúmer 2611014Vakta málsnúmer

Á 39. fundi fræðslu- og velferðarnefndar var eftirfarandi bókað undir lið nr. 6 - úrsögn fulltrúa úr fræðslu- og velferðarnefnd en fyrir nefndinni lá póstur frá Jónu Ósk Antonsdóttur fulltrúa Á-lista þar sem hún tilkynnir úrsögn sína úr nefndinni.
"Nefndin þakkar Jónu Ósk fyrir samstarfið og leggur til við sveitarstjórn að 1. varamaður Á-lista, Ingibjörg Lukka Stefánsdóttir komi inn í fræðslu- og velferðarnefnd sem aðalmaður."
Til máls tóku: Eyþór Kári og Knútur.

Sveitarstjórn þakkar Jónu Ósk Antonsdóttur fyrir störf í þágu sveitarfélagsins og samþykkir að tilnefna Ingibjörgu Lukku Stefánsdóttur Á-lista sem aðalmann í fræðslu- og velferðarnefnd.

Samþykkt samhljóða.

18.Úrvinnslusjóður - greiðslur til sveitarfélaga vegna hreinsunar plastvara á víðavangi 2025 og 2026

Málsnúmer 2609064Vakta málsnúmer

Á 37. fundi umhverfisnefndar var eftirfarandi bókað og samþykkt varðandi skipulögð hreinsunarátök ásamt einstaklingsframtaka við söfnun sorps á víðavangi: "Innan Þingeyjarsveitar hafa víða verið skipulögð hreinsunarátök auk einstaklingsframtaks við að tína rusl á víðavangi. Umhverfisnefnd óskar eftir því að sveitarfélagið útbúi leiðbeiningar til þeirra félagasamtaka og einstaklinga sem framkvæma þau hreinsunarátök svo hægt sé að sækja um fjárveitingar skv. reglum Úrvinnslusjóðs. Umhverfisnefnd leggur til að þeim fjármunum verði svo varið til að styrkja hreinsun úrgangs á víðavangi. "

Málinu var frestað á fundi sveitarstjórnar 22. október sl.
Til máls tóku: Hallgrímur Páll og Knútur.

Sveitarstjórn tekur undir bókun umhverfisnefndar og vísar málinu til umhverfis- og framkvæmdasviðs. Sviðinu er falið að útbúa leiðbeiningar fyrir félagasamtök og einstaklinga vegna skipulagðra hreinsunarátaka og söfnunar úrgangs á víðavangi, m.a. með hliðsjón af möguleikum á umsókn um styrki samkvæmt reglum Úrvinnslusjóðs. Leiðbeiningarnar verði lagðar fyrir sveitarstjórn til afgreiðslu.

Einnig leggur sveitarstjórn til að því verði komið á framfæri við Úrvinnslusjóð að taka einnig tillit til landsstærðar sveitarfélaga í úthlutunarreglum sjóðsins.

Samþykkt samhljóða.

19.Hjálparsveit skáta Reykjadal - umsókn um leyfi til flugeldasölu

Málsnúmer 2610069Vakta málsnúmer

Fyrir sveitarstjórn liggur beiðni frá Hjálparsveit skáta í Reykjadal fyrir leyfi á flugeldasölu í húsnæði þeirra við Kvíhólsmýri 3b dagana 28.12.2026 til 31. 12. 2026 og þann 6. 1. 2027.
Sveitarstjórn gerir ekki athugasemdir við beiðni Hjálparsveitar skáta í Reykjadal um leyfi til flugeldasölu að Kvíhólsmýri 3b 28.-31.12. 2026 og 6. 1. 2027.

Samþykkt samhljóða.

20.Björgunarsveitin Stefán - flugeldasýning og áramótabrenna - umsagnarbeiðni vegna tækifærisleyfis

Málsnúmer 2610068Vakta málsnúmer

Fyrir sveitarstjórn liggur beiðni frá Björgunarsveitinni Stefáni um umsögn vegna umsóknar um leyfi til flugeldasýningar og áramótabrennu.
Til máls tóku: Hallgrímur Páll og Knútur.

Sveitarstjórn gerir ekki athugasemdir við umbeðið tækifærisleyfi Björgunarsveitarinnar Stefáns vegna flugeldasýningar og áramótabrennu 31.desember við Jarðbaðshóla í Mývatnssveit.

Samþykkt samhljóða.


21.Uppsalir, Bjarkarlundur 19 - gistiheimili - umsagnarbeiðni rekstrarleyfis

Málsnúmer 2610009Vakta málsnúmer

Fyrir sveitarstjórn liggur til kynningar jákvæð umsögn sviðsstjóra fjármála- og stjórnsýslusviðs vegna umsóknar Aðaldals ehf. um gistileyfi að Uppsölum - Bjarkarlundi 19 Aðaldal.
Lagt fram til kynningar.

22.Kambur 641 Húsavík - umsagnarbeiðni vegna gistileyfis

Málsnúmer 2611002Vakta málsnúmer

Fyrir sveitarstjórn liggur til kynningar jákvæð umsögn sviðsstjóra fjármála- og stjórnsýslusviðs vegna umsóknar um gistileyfi að Kambi 641 Húsavík.
Lagt fram til kynningar.

23.Forsendur fjárhagsáætlana sveitarfélaga 2027-2031

Málsnúmer 2606035Vakta málsnúmer

Fyrir sveitarstjórn liggur til kynningar uppfært minnisblað hagfræðings Sambands íslenskra sveitarfélaga er varðar forsendur fjárhagsáætlana sveitarfélaga 2027-2031.

Uppfærðar forsendur taka að mestu mið af þjóðhagsspá Seðlabanka Íslands frá því í ágúst. Á grunni þeirrar spár framlengir Fjármála- og efnahagsráðuneytið spátímabilið og spáir fyrir um þróun útsvarsstofns sveitarfélaga. Í spá ráðuneytisins er útsvarsstofninn tekinn eilítið niður frá fyrra mati aðallega vegna minni vaxtar á yfirstandandi ári. Vöxtur útsvars á næsta ári er óbreyttur og lítið breyttur það sem eftir er spátímabilsins. Þá telur Seðlabanki Íslands að flest bendi til þess að verðbólga hjaðni hratt á næsta ári en það veltur auðvitað áfram á þróun alþjóðlegra efnahagsmála.
Til máls tók: Hallgrímur.

Lagt fram til kynningar.

24.Verum viðbúin - upplýsingar til sveitarfélaga

Málsnúmer 2611009Vakta málsnúmer

Fyrir sveitarstjórn liggur til kynningar erindi með upplýsingabæklingi til sveitarfélaga frá ríkislögreglustjóra um verkefnið Verum viðbúin, sem ætlað er að efla viðbúnað almennings og styrkja seiglu samfélagsins.
Til máls tók: Dóra Rún.

Sveitarstjórn hvetur íbúa til að kynna sér efni bæklingsins vel.

Samþykkt samhljóða.

Lagt fram til kynningar.

25.Klappahraun 6 Mývatnssveit - úthlutun stofnframlaga ríkisins

Málsnúmer 2610070Vakta málsnúmer

Fyrir sveitarstjórn liggur til kynningar jákvæð afgreiðsla Húsnæðis- mannvirkja- og skipulagsstofnunar vegna umsóknar Brákar íbúðafélags um stofnframlög vegna byggingar þriggja almennra íbúða í Mývatnssveit. Þingeyjarsveit er aðili að umsókninni.
Lagt fram til kynningar.

26.Framhaldsskólinn á Laugum - Tónkvíslin - umsagnarbeiðni vegna tækifærisleyfis

Málsnúmer 2610059Vakta málsnúmer

Fyrir sveitarstjórn liggur til kynningar jákvæð umsögn sviðsstjóra fjármála- og stjórnsýslusviðs varðandi umsókn Framhaldsskólans á Laugum og grunnskólanna í kring um tækifærisleyfi vegna Tónkvíslar 2026.
Lagt fram til kynningar.

27.Svæðisráð norðursvæðis - fundargerðir 2026-2030

Málsnúmer 2608076Vakta málsnúmer

Fyrir sveitarstjórn liggja til kynningar fundargerðir 128. og 129. fundar stjórnar svæðisráðs norðursvæðis Vatnajökulsþjóðgarðs frá 15. september og 14. október s.l.
Lagt fram til kynningar.

28.Samtök sveitarfélaga á Norðurlandi eystra - fundargerðir 2026-2030

Málsnúmer 2608068Vakta málsnúmer

Fyrir sveitarstjórn liggur til kynningar fundargerð 87. fundar stjórnar SSNE frá 13. október s.l.
Til máls tók: Knútur.

Lagt fram til kynningar.
Fylgiskjöl:

29.Stjórn Norðurorku - fundargerðir 2026-2030

Málsnúmer 2608081Vakta málsnúmer

Fyrir sveitarstjórn liggja til kynningar fundargerðir 326., 327., 328. og 329. fundar stjórnar Norðurorku.
Lagt fram til kynningar.

30.Norðurorka - aukaaðalfundur 2026

Málsnúmer 2610016Vakta málsnúmer

Fyrir sveitarstjórn liggur til kynningar fundargerð auka aðalfundar stjórnar Norðurorku frá 20. október s.l.
Lagt fram til kynningar.

31.Samtök sveitarfélaga á köldum svæðum - fundargerðir

Málsnúmer 2501052Vakta málsnúmer

Fyrir sveitarstjórn liggur til kynningar fundargerð 93. fundar stjórnar Samtaka sveitarfélaga á köldum svæðum frá 5. október s.l.
Lagt fram til kynningar.

32.Heilbrigðisnefnd Norðurlands eystra - fundargerðir 2026-2030

Málsnúmer 2608079Vakta málsnúmer

Fyrir sveitarstjórn liggur til kynningar fundargerð 252. fundar stjórnar Heilbrigðiseftirlits Norðurlands eystra frá 30. október s.l. Einnig samþykkt fjárhagsáætlun HNE og framlög sveitarfélaga 2027.
Til máls tók: Knútur.

Lagt fram til kynningar.
Fylgiskjöl:

33.Samband íslenskra sveitarfélaga - fundargerðir 2026-2030

Málsnúmer 2608080Vakta málsnúmer

Fyrir sveitarstjórn liggur til kynningar fundargerð 1005. fundar stjórnar Sambands íslenskra sveitarfélaga frá 30. október s.l.
Lagt fram til kynningar.
Í lok fundar óskaði Eyþór Kári eftir að taka til máls um eftirfarandi efni utan dagskrár:

Reglulega skýrslu sveitarstjóra á sveitarstjórnarfundum.
Framtíðarform sveitarstjórnarfunda.

Til máls tóku: Eyþór Kári og Knútur.

Fundi slitið.

Getum við bætt efni þessarar síðu?