Landeigendur Reykjahlíðar - tillögur verkefnisstjórnar rammaáætlunar
Málsnúmer 2610056
Vakta málsnúmerSveitarstjórn Þingeyjarsveitar - 89. fundur - 12.11.2026
Fyrir sveitarstjórn liggur athugasemd frá Landeigendum Reykjahlíðar ehf. vegna tillögu verkefnisstjórnar rammaáætlunar um virkjanahugmyndir í verndarflokk.
Óskað er eftir því að sveitarstjórn leggist gegn fyrirhugaðri friðlýsingu og virði þar með ákvörðunarvald landeigenda Reykjahlíðar og rétt þeirra til að ráða yfir sínu eigin landi og að hugmyndir annarra um nýtingu eða ráðstöfun jarðarinnar Reykjahlíðar verði ekki gerð í andstöðu við vilja landeigenda. Málið varðar tillögu verkefnisstjórnar rammaáætlunar um virkjanahugmyndir í verndarflokk og átta verndarsvæði, mál nr. S-162/2026 í samráðsgátt stjórnvalda. Friðlýsing Vatnasviðs Jökulsár á Fjöllum og verndarsvæðis Gjástykkis var afturkölluð í kjölfar niðurstöðu dóms Hæstaréttar í máli 36/2023. Í kjölfar dómsins var umræddum virkjanakostum vísað aftur til verkefnisstjórnar rammaáætlunar sem leggur síðan fram þessa tillögu.
Óskað er eftir því að sveitarstjórn leggist gegn fyrirhugaðri friðlýsingu og virði þar með ákvörðunarvald landeigenda Reykjahlíðar og rétt þeirra til að ráða yfir sínu eigin landi og að hugmyndir annarra um nýtingu eða ráðstöfun jarðarinnar Reykjahlíðar verði ekki gerð í andstöðu við vilja landeigenda. Málið varðar tillögu verkefnisstjórnar rammaáætlunar um virkjanahugmyndir í verndarflokk og átta verndarsvæði, mál nr. S-162/2026 í samráðsgátt stjórnvalda. Friðlýsing Vatnasviðs Jökulsár á Fjöllum og verndarsvæðis Gjástykkis var afturkölluð í kjölfar niðurstöðu dóms Hæstaréttar í máli 36/2023. Í kjölfar dómsins var umræddum virkjanakostum vísað aftur til verkefnisstjórnar rammaáætlunar sem leggur síðan fram þessa tillögu.
Eyþór Kári leggur til eftirfarandi bókun:
Sveitarstjórn samþykkir að send verði umsögn sem tekur undir sjónarmið í fyrirliggjandi bréfi frá Landeigendum Reykjahlíðar ehf.
Samþykkt með atkvæðum Hallgríms Páls, Eyþórs Kára og Freydísar Önnu. Atkvæði á móti greiddu Knútur, Nanna, Anna og Dóra Rún.
Sveitarstjórn tekur undir mikilvægi þess að sjónarmið landeigenda komi skýrt fram við frekari umfjöllun um málið og leggur áherslu á vandað samráð við alla hagsmunaaðila. Málið er í samráðsgátt stjórnvalda með athugasemdafrest til 4.desember n.k.
Sveitarstjórn leggst ekki gegn tillögu verkefnisstjórnar rammaáætlunar fyrir sitt leyti.
Samþykkt með atkvæðum Knúts, Nönnu, Önnu og Dóru Rúnar. Atkvæði á móti greiddu Hallgrímur Páll, Eyþór Kári og Freydís Anna.