Yfirlit frétta & tilkynninga

Skrifstofur Þingeyjarsveitar verða lokaðar fram eftir morgni vegna starfsmannafundar. Gert er ráð fyrir að skrifstofan á Laugum opni kl .10:30 og skrifstofan í Reykjahlíð um kl. 11.

Mennta- og menningarsvið Rannís býður til hádegisfundar miðvikudaginn 2. nóvember kl. 12:00-13:15. Fundurinn fer fram á Fosshótel Húsavík og verður boðið upp á gómsæta súpu í hádegismat fyrir þátttakendur.

Ráðgjafar uppbyggingasjóðs verða á ferðinni í Þingeyjarsveit á morgun. Þeir verða í Reykjahlíð á milli 09:00 og 11:00 og íá Laugum á milli 12:30 og 14:00. Uppbyggingarsjóður hefur það hlutverk að styrkja menningar-, atvinnuþróunar- og nýsköpunarverkefni, auk annarra verkefna sem falla að Sóknaráætlun Norðurlands eystra. Opið er fyrir umsóknir í sjóðinn til 17. nóvember kl. 13:00.

10. fundur sveitarstjórnar Þingeyjarsveitar verður haldinn í Þinghúsinu Breiðumýri, miðvikudaginn 26. október 2022 og hefst kl. 13:00. Fundurinn er öllum opinn og honum verður streymt á facebook-síðu Þingeyjarsveitar.

Þingeyjarsveit auglýsir eftir byggingarfulltrúa og verkefnastjóra framkvæmda. Umsóknarfrestur er til og með 31. október 2022.

9. fundur sveitastjórnar Þingeyjarsveitar verður haldinn í Ýdölum fimmtudaginn 20. október 2022 kl. 13:00. Fundurinn er öllum opinn og verður streymt á facebook-síðu sveitarfélagsins.

Ákveðið hefur verið að 9. fundur sveitarstjórnar, sem samkvæmt fundardagatali sveitarstjórnar hefði átt að vera haldinn miðvikudaginn 12. október verði haldinn þann 19. október nk. Dagkrá fundarins verður auglýst þegar nær dregur.

Í umfjöllun á 8. fundi sveitarstjórnar þann 28. september 2022, um rekstrarreikning fyrstu 6 mánaða ársins var byggt á upplýsingum sem komið hefur í ljós að voru rangar. Sú rekstrarniðurstaða sem kynnt var í inngangi oddvita að umfjöllun um dagskrárlið 2, Fjárhagsáætlun Þingeyjarsveitar 2023-2026 er því ekki rétt og launakostnaður ofmetinn um 44,4 m.kr. Rétt er að taka fram að óendurskoðaður rekstrarreikningur eins og sá sem lagður var fram og lesinn upp á fundinum er vinnuskjal við gerð fjárhagsáætlunar og gefur aðeins grófa hugmynd um reksturinn.

Skrifstofur Þingeyjarsveitar í Reykjahlíð og á Laugum opna kl. 11:00 þriðjudaginn 4. október 2022 vegna starfsmannaviðburðar.