Þingeyjarsveit

Skólaþjónusta Þingeyjarsveitar óskar eftir þroskaþjálfa í 50% starf

Yfirlit yfir skipulag á félagsstarfi aldraðra í Þingeyjarsveit á nýju ári

Óskum eftir náms- og starfsráðgjafa í 50% starf við skólaþjónustu Þingeyjarsveitar

Framsækinn og öflugur einstaklingur óskast í starf verkefnastjóra framkvæmda og veitna

Athugið: Nú eiga allir notendur heitavatns hitaveitu Stórutjörnum, Reykjahlíðar og Reykjadals að senda inn álestur.

Kristinn Ingi Pétursson hefur verið ráðinn í 50% stöðu kerfisstjóra hjá Þingeyjarsveit. Kristinn er borinn og barnfæddur Reykdælingur og er íbúum Þingeyjarsveitar vel kunnur. Hann hefur langa reynslu í hönnun. innleiðingu og rekstri miðstýrðra tölvu- og netkerfa hjá bæði opinberum aðilum og einkaaðilum. Hann hefur frá árinu 2014 verið sjálfstætt starfandi sem kerfisstjóri og einnig verið í hlutastarfi sem slíkur við Framhaldsskólann á Laugum. Fyrir þann tíma starfaði hann hjá Advania og forverum þess frá 2002 – 2013.

Sigurður Þórarinsson hefur verið ráðinn í starf aðalbókara Þingeyjarsveitar. Sigurður sem er viðskipafræðingur frá Háskóla Íslands og með meistaragráðu frá Copenhagen Business School í Kaupmannahöfn, hefur m.a. starfað sem fjármálastjóri Skógræktarinnar á Egilsstöðum og Norræna Genbankans í Svíþjóð, auk sambærilegra starfa í einkageiranum, nú síðast hjá Cardello Fastigheter AB. Sigurður hefur einnig starfað sem fjármálaráðgjafi og sem fulltrúi í sendiráði Íslands í Kaupmannahöfn.

Rögnvaldur Harðarson hefur verið ráðinn tímabundið til árs í stöðu sviðsstjóra umhverfis- og framkvæmdasviðs. Rögnvaldur er mörgum íbúum sveitarfélagsins vel kunnur en hann hefur undanfarin ár gegnt störfum byggingafulltrúa og verkefnastjóra framkvæmda hjá Þingeyjarsveit. Rögnvaldur er byggingafræðingur B.Sc. frá Vitus Bering í Danmörku og húsasmíðameistari, auk þess sem hann hefur löggildingu í gerð eignaskiptayfirlýsinga og merkjalýsinga. Hann hefur umfangsmikla reynslu af eftirliti með verklegum framkvæmdum í gegnum starf sitt sem sérfræðingur brunabótamats hjá HMS á árunum 2013-2023 ásamt mikilli þekkingu á opinberri stjórnsýslu. Einnig hefur Rögnvaldur starfað við hönnun, byggingastjórn og framleiðslu. Rögnvaldur mun áfram sinna starfi byggingafulltrúa meðfram starfi sviðsstjóra.