Sveitarstjórn Þingeyjarsveitar

Fyrir sveitarstjórn liggur til staðfestingar fundargerð 52. fundar skipulagsnefndar frá 19. ágúst sl. Fundargerðin er í 16 liðum. Liður níu þarfnast afgreiðslu sveitarstjórnar og er sér liður á fundinum.

Fyrir sveitarstjórn liggur til staðfestingar fundargerð 32. fundar íþrótta-, tómstunda- og menningarnefndar frá 18. ágúst sl. Fundargerðin er í 11 liðum. Liðir 6,7, 8, 9, 10 og 11 þarfnast afgreiðslu sveitarstjórnar og eru sér liðir á fundinum.

Fyrir sveitarstjórn liggur til staðfestingar fundargerð 36. fundar fræðslu- og velferðarnefndar frá 20. ágúst sl. Fundargerðin er í fimm liðum. Engir liðir þarfnast afgreiðslu sveitarstjórnar.

Fyrir sveitarstjórn liggur til staðfestingar fundargerð 53. fundar skipulagsnefndar frá 24. ágúst. Fundargerðin er í sex liðum. Liður þrjú þarfnast afgreiðslu sveitarstjórnar og er sér liður á fundinum.

Fyrir sveitarstjórn liggur til staðfestingar fundargerð 29. fundar atvinnu- og nýsköpunarnefndar frá 25. ágúst. Fundargerðin er í 12 liðum. Liðir 2, 5, 6, og 7 þarfnast afgreiðslu sveitarstjórnar og eru sér liðir á fundinum.

Fyrir sveitarstjórn liggur til staðfestingar fundargerð 66. fundar stjórnar Atvinnueflingar Þingeyjarsveitar frá 27. ágúst.

Fyrir sveitarstjórn liggur til afgreiðslu viðauki nr. 7 við fjárhagsáætlun. Upphæð viðauka er 5,1 m.kr. og er í einum lið og snýr að hækkun á málaflokki 04 - 4116 Barnaborg og er hækkunin vegna launakostnaðar. Viðaukinn er fjármagnaður af handbæru fé.

Fyrir sveitarstjórn liggur erindi frá SSNE þar sem óskað er eftir tilnefningu fulltrúa í fjölmenningarráð SSNE.

Fyrir sveitarstjórn liggur til umræðu erindisbréf atvinnu- og nýsköpunarnefndar fyrir tímabilið 2026 - 2030. Atvinnu- og nýsköpunarnefnd fór yfir erindisbréfið á 28. fundi sínum þann 25. júní og bókaði að engar athugasemdir væri við bréfið.

Fyrir sveitarstjórn liggur til umræðu erindisbréf íþrótta-, tómstunda- og menningarnefndar fyrir tímabilið 2026 - 2030. Erindisbréfið var kynnt og tekið til umræðu á 32. fundi nefndarinnar sem fram fór 18. ágúst sl. og eftirfarandi bókað:

"Nefndin þakkar kynninguna og leggur til breytingar þar sem nafn nefndarinnar er samræmt í gegnum allt skjalið auk þess sem innsláttarvillur voru lagaðar og bætt við texta í áttunda lið þriðju greinar varðandi heilsueflandi samfélag."

Fyrir sveitarstjórn liggur til umræðu erindisbréf fræðslu- og velferðarnefndar fyrir tímabilið 2026 - 2030. Erindisbréfið var kynnt og tekið til umræðu á 36. fundi nefndarinnar sem fram fór 20. ágúst sl. og var eftirfarandi bókað:

"Nefndin fór yfir erindisbréfið og gerði smávægilegar breytingar sem ætti að tryggja betur aðilum utan skólasamfélagsins aðkomu að málefnum þeim tengdum."

Fyrir sveitarstjórn liggur til staðfestingar fundadagatal sveitarstjórnar og fastanefnda sveitarfélagsins vegna funda á tímabilinu 2026-2027.

Fyrir sveitarstjórn liggur að skipa í stjórn Menningarmiðstöðvar Þingeyinga en skv. samþykktum Menningarmiðstöðvar Þingeyinga, þurfa stjórnarmenn að koma úr röðum kjörinna fulltrúa.



Einnig liggur fyrir sveitarstjórn að skipa í stjórn Tjarna ehf.



Að auki liggur fyrir sveitarstjórn að skipa fjallskilastjóra fyrir AusturBárðdæladeild.

Fyrir sveitarstjórn liggur að breyta skipun í svæðisráð norðursvæðis í Vatnajökulsþjóðgarði 2025-2029.

Fyrir sveitarstjórn liggur erindi frá Innviðaráðuneytinu með upplýsingarbeiðni um stöðu helstu lögbundinna verkefna og viðfangsefna. Frestur til að skila svörum er til og með 21. september nk.

Á 29. fundi atvinnu- og nýsköpunarnefndar var eftirfarandi bókað og samþykkt undir lið sex - Áfangastaðaáætlun Norðurlands - uppfærsla verkefna:

"Atvinnu- og nýsköpunarnefnd leggur til við sveitarstjórn að bætt verði á forgangsverkefnalista Þingeyjarsveitar "Gönguleiðir við þéttbýlisstaði í Þingeyjarsveit"."

Á 29. fundi atvinnu- og nýsköpunarnefndar var eftirfarandi bókað undir lið 7 - Framkvæmdasjóður ferðamanna - umsóknir 2025-2027:

"Atvinnu- og nýsköpunarnefnd leggur til við sveitarstjórn að sótt verði áfram um styrki til framkvæmda við Aldeyjarfoss og Þeistareyki til að klára þau verkefni.



Nefndin leggur áherslu á að gerðar verði vinnureglur hjá sveitarfélaginu um ferli vegna umsókna í Framkvæmdasjóðinn."

Á 29. fundi atvinnu- og nýsköpunarnefndar var eftirfarandi bókað og samþykkt undir lið fimm - 2G og 3G útfösun - staða en nefndin bókaði áður í janúar sl. áhyggjur sínar af fjarskiptasambandi í sveitarfélaginu eftir útfösun 2G og 3G kerfanna:

"Atvinnu- og nýsköpunarnefnd ítrekar að Fjarskiptastofa tryggi símasamband í dreifðari byggðum enda um mikið öryggismál að ræða."

Á 52. fundi skipulagsnefndar var eftirfarandi bókað varðandi Engidal 2 í Bárðardal- ósk um nafnabreytingu á jörðinni Engidalur 2 í Heiðmói:

"Skipulagsnefnd gerir ekki athugasemdir við nafnabreytingu jarðarinnar í samræmi við fyrirliggjandi gögn og leggur til við sveitarstjórn að hún verði samþykkt og jafnframt verði byggingarfulltrúa falið að annast málsmeðferð vegna hennar eins og lög og reglugerðir mæla fyrir um."

Á 32. fundi íþrótta-, tómstunda- og menningarnefndar var eftirfarandi bókað varðandi Ungmennaráð - opnun íþróttahúss en lengdur opnunartími hefur verið skv. samþykkt sveitarstjórnar í apríl sl.:

"Nefndin leggur til að þessi lengda opnun haldi áfram út veturinn. Óskað er eftir að skráningar verði nákvæmari svo hægt sé að taka upplýsta ákvörðun varðandi áframhald eftir veturinn. Miðað við framlögð gögn virðist nýtingin við þessa aukaopnun vera sambærileg við meðalopnunartíma sundlaugar og ræktar."

Á 32. fundi íþrótta-, tómstunda- og menningarnefndar var eftirfarandi bókað varðandi FIFA Arena verkefni FIFA og KSÍ en Alþjóðaknattspyrnusambandið er með verkefni í gangi til uppbyggingar mini-knattspyrnuvalla. Umsóknarfrestur er til 18. september nk.

"Nefndin er mjög áhugasöm um verkefnið og leggur til að sótt verði um Fifa Arena í Þingeyjarsveit. Jafnframt leggur ÍTM til að kostnaðargreining fari fram varðandi undirlag, aðgengi og umhverfisfrágang skv. skilmálum, hvar sé mesta þörfin fyrir slíka velli og hvar sé hagkvæmast að koma þeim fyrir."

Á 32. fundi íþrótta-, tómstunda- og menningarnefndar var eftirfarandi bókað varðandi dagskrárlið 9 - Hreyfidag eldri borgara - umsókn um styrk en hreyfidagur eldri borgara verður á Laugum 12. september og er hann skipulagður af Félagi eldri borgara á Húsavík og Héraðssambandi Þingeyinga:

"Nefndin er ánægð með framtak félagsins en telur sig skorta fjárheimildir til þess að styrkja verkefnið. Nefndin telur þó að verkefnið falli undir starfsreglur varðandi heilsueflandi samfélag. Nefndin gerir tillögu til sveitarstjórnar um samstarfsverkefni."

Á 32. fundi íþrótta-, tómstunda- og menningarnefndar var eftirfarandi bókað varðandi lið 10 - Ungmennaskipti - Erasmus en Þingeyjarsveit býðst að taka þátt í tveimur Erasmus ungmennaverkefnum, annars vegar að senda út 2 þátttakendur til Palanga í Litháen í haust og hins vegar að taka á móti ungmennum frá Danmörku að ári í samstarfi við Eyjafjarðarsveit, Hörgársveit og Grýtubakkahrepp:

"Nefndin leggur til að sveitarfélagið samþykki að taka þátt í þessum verkefnum."

Á 32. fundi íþrótta-, tómstunda- og menningarnefndar var eftirfarandi bókað varðandi dagskrárlið nr. 11 - Þingeyjarsveit - samningar við ungmenna-, íþrótta- og æskulýðsfélög en ljúka þarf gerð þeirra samninga:

"Vegna vanhæfis fjögurra nefndarmanna af fimm vísar nefndin málinu til afgreiðslu hjá sveitarstjórn."

Á 32. fundi íþrótta-, tómstunda- og menningarnefndar var eftirfarandi bókað og samþykkt undir lið 8 - almenningssamgöngur - samningur um styrk verkefna en verkefnastjóri auglýsti fyrr í sumar eftir tilboðum í fyrirhugaðan mánaðarlegan akstur í félagsmiðstöðvarstarf:

"Nefndin leggur til að gengið verði að tilboði Fjallasýnar Rúnars Óskarssonar ehf."

Á 53. fundi skipulagsnefndar var eftirfarandi bókað og samþykkt undir lið þrjú - Reykjahlíð - sala á hluta jarðar - beiðni um umsögn á grundvelli 10. gr. jarðalaga nr. 81/2004 en atvinnuvegaráðuneyti hefur óskað eftir umsögn er varða kaup núverandi eigenda Reykjahlíðarjarðar á 50% hlut í jörðinni Reykjahlíð 3 ásamt óskiptri sameign Reykjahlíðarjarðarinnar þ.e. 8,3334% hlutdeild í Landeigendum Reykjahlíðar ehf., kt. 550402-3860, sem samsvarar sömu hlutdeild í óskiptu landi Reykjahlíðar.

"Skipulagsnefnd gerir ekki athugasemdir við fyrirhugaða ráðstöfun fasteignarinnar. Eins og fram kemur í greinargerð kaupenda eru engin áform um breytta landnýtingu. Það er mat skipulagsnefndar að fyrirhuguð ráðstöfun fasteignar og áformuð nýting hennar samrýmist skipulagsáætlunum Þingeyjasveitar og landsskipulagsstefnu.

Enn fremur er mat skipulagsnefndar að nýting fasteignar sé í samræmi við stærð, staðsetningu og ræktunarskilyrði hennar, sem og gæði og fasteignaréttindi sem fylgja henni. Skipulagsnefnd telur að ráðstöfunin hafi engin áhrif á landbúnað og búsetu á viðkomandi svæði."

Garðar Finnsson nefndarmaður í skipulagsnefnd vék af fundi undir þessum lið.

Fyrir sveitarstjórn liggur til kynningar jákvæð umsögn sviðsstjóra fjármála- og stjórnsýslusviðs varðandi umsókn Kosts ehf. um gistileyfi að Þverá í Laxárdal.

Fyrir sveitarstjórn liggur til kynningar fundarboð á landsfund um jafnréttismál sveitarfélaga sem haldinn verður fimmtudaginn 17. september á Akureyri.

Fyrir sveitarstjórn liggur til kynningar tölvupóstur frá Landskjörstjórn þar sem vakin er athygli á því að samkvæmt 2. mgr.139. gr. kosningalaga nr. 112/2021, sbr. 3. gr. reglugerðar nr. 442/2024 um skiptingu kostnaðar milli ríkis og sveitarfélaga í kosningum, greiðist kostnaður sveitarfélaga við framkvæmd þjóðaratkvæðagreiðslunnar þann 29. ágúst nk. úr ríkissjóði.



Samkvæmt 2. gr. 7. gr. reglugerðar um skiptingu kostnaðar milli ríkis og sveitarfélaga í kosningum, sbr. breytingarreglugerð nr. 885/2026 skal ríkissjóður greiða hverju sveitarfélagi vegna þjóðaratkvæðagreiðslunnar 1.027 kr. fyrir hvern kjósanda á kjörskrá í viðkomandi sveitarfélagi og 764.000 kr. fyrir hvern kjörstað.

Fyrir sveitarstjórn liggja til kynningar fundargerðir 84. og 85. fundar stjórnar SSNE.

Fyrir sveitarstjórn liggur til kynningar fundargerð 7. fundar stjórnar Farsældarráðs Norðurlands eystra frá 12.ágúst s.l.