Áfangastaðaáætlun Norðurlands Uppfærsla verkefna

Markaðsstofa Norðurlands óskar eftir uppfærslu verkefna á áfangastaðaáætlun.

Fyrir atvinnu- og nýsköpunarnefnd liggur til kynningar og umræðu áfangastaðaáætlun Norðurlands með gögnum frá stöðufundi 21. janúar 2026.

Í aðgerðaráætlun um framtíð ferðaþjónustu í Þingeyjarsveit er fyrsti liður í uppbyggingu innviða „Áætlanagerð fyrir uppbyggingu áfangastaða“. Lagt er til að nefndin geri tillögu til sveitarstjórnar um markvissa fjölgun og uppbyggingu áfangastaða í sveitarfélaginu.

Þau verkefni sem nú eru á áfangastaðaáætlun eru:

1.
Aldeyjarfoss og Hrafnabjargafoss

2.
Göngu og hjólastígur Mývatnssveit

3.
Þeistareykir - hverasvæðið

4.
Höfði í Mýv - viðhald og endurnýjun stíga

5.
Deiliskipulag Kálfaströnd

Á 26. fundi atvinnu- og nýsköpunarnefndar var eftirfarandi bókað varðandi vinnu við áfangastaðaáætlun Norðurlands ásamt aðgerðaráætlun:

"Atvinnu- og nýsköpunarnefnd lýsir ánægju sinni með þá vinnu sem þegar hefur farið hefur fram og veltir fyrir sér hvort ekki séu fleiri staðir sem ættu að fá sinn sess inn í áætluninni með það að markmiði að dreifa ferðamönnum enn frekar um okkar víðfeðma sveitarfélag enda er það ríkt af áhugaverðum stöðum. Nefndin leggur til við sveitarstjórn að farið verði í íbúasamráð með það að markmiði að fjölga áfangastöðum í sveitarfélaginu. Samþykkt samhljóða."

Fyrir sveitarstjórn liggur til kynningar uppfærð staða aðgerðaáætlunar sem gerð var í kjölfar skýrslu um framtíð ferðaþjónustu í Þingeyjarsveit.

Fyrir atvinnu- og nýsköpunarnefnd liggja niðurstöður úr íbúasamráði sem fór fram í mars.

Á 28. fundi nefndarinnar þann 24. júní var farið yfir niðurstöður úr íbúasamráði í mars, lagt fram til kynningar.



Fyrir atvinnu- og nýsköpunarnefnd liggur að taka ákvörðun um forgangsverkefni áfangastaðaáætlunar Þingeyjarsveitar.

Á 29. fundi atvinnu- og nýsköpunarnefndar var eftirfarandi bókað og samþykkt undir lið sex - Áfangastaðaáætlun Norðurlands - uppfærsla verkefna:

"Atvinnu- og nýsköpunarnefnd leggur til við sveitarstjórn að bætt verði á forgangsverkefnalista Þingeyjarsveitar "Gönguleiðir við þéttbýlisstaði í Þingeyjarsveit"."

Í íbúasamráði í mars sl. komu eftirfarandi tillögur fram:

Bæta aðgengi og veg að Aldey og Aldeyjarfossi austan megin við Skjálfandafljót.

Bæta tengingu úr Mývatnssveit um Laxárdal til Aðaldals.

Virkja gamla vegi til göngu-, hjóla- og hlaupaferða, s.s. línuvegi og gamla vegslóða.

Byggja upp gönguleið þar sem nú er til staðar moldarslóði í Mývatnssveit sunnan Hverfjalls.



Einnig hefur borist beiðni frá Íslandshótelum um að verkefni sem tengist fegrun svæðisins umhverfis Flatskalla í landi Grímsstaða við Mývatn verði sett inn á forgangsverkefni áfangastaðaáætlunar í Þingeyjarsveit. Fyrir liggur samþykki landeigenda.