Atvinnu- og nýsköpunarnefnd Þingeyjarsveit

Atvinnu- og nýsköpunarnefnd hefur síðasta árið unnið að gerð atvinnustefnu sem byggir á heildarstefnu fyrir sveitarfélagið. Málið var tekið fyrir á síðasta fundi og samþykkt að stefna að vinnufundi með haustinu.



Á fundinn mætti kl. 10, Arnheiður Rán Almarsdóttir og fór yfir stöðu á vinnunni við atvinnustefnuna en hún hefur látið af störfum sem verkefnastjóri SSNE.

Við kosningu fjallskilastjóra í júlí átti eftir að ganga frá fjallskilastjóra fyrir AusturBárðdæladeild.



Fyrir liggur að Hafrún Hlinadóttir í Svartárkoti er tilbúin til að gegna því hlutverki. Hafrún vinnur hjá RML sem gæti nýst vel vegna yfirferðar um fjallskilamál.

Fyrir Atvinnu- og nýsköpunarnefnd liggur erindi frá Atvinnuvegaráðuneytinu með ábendingar til sveitarfélaga vegna búfjárbeitar og ágangs búfjár.

Fjallskilastjórar hafa tekið ákvörðun um réttadaga í Þingeyjarsveit 2026 sem hér segir:



Árrétt í Bárðardal, 6. september kl. 9

Baldursheimsrétt í Mývatnssveit, 6. september kl. 10

Fótarrétt í Bárðardal, 31. ágúst kl. 9

Hlíðarrétt í Mývatnssveit, 6. september kl. 10

Hraunsrétt í Aðaldal, 6. september kl. 10

Lokastaðarétt í Fnjóskadal, 13. september kl. 9

Mýrarrétt í Bárðardal, 29. ágúst kl. 8

Víðikersrétt í Bárðardal, 30. ágúst, síðdegis þegar gangnamenn koma til byggða

Á fundum atvinnu- og nýsköpunarnefndar og sveitarstjórnar í janúar var bókað um áhyggjur af fjarskiptasambandi í sveitarfélaginu eftir útfösun 2G og 3G kerfanna. Nú er ljóst að samband hefur versnað á nokkrum stöðum í Þingeyjarsveit. Má þar nefna við Stafn í Reykjadal, á Þegjandadal og víða um hálendið.

Á 28. fundi nefndarinnar þann 24. júní var farið yfir niðurstöður úr íbúasamráði í mars, lagt fram til kynningar.



Fyrir atvinnu- og nýsköpunarnefnd liggur að taka ákvörðun um forgangsverkefni áfangastaðaáætlunar Þingeyjarsveitar.

Með haustinu verður opnað fyrir umsóknir í Framkvæmdasjóð ferðamannastaða. Fyrir nefndinni liggur að ræða hvaða verkefni koma til greina sem umsóknarverkefni af hálfu Þingeyjarsveitar í ár.

Hlutverk SSNE er að þjónusta sveitarstjórnir og atvinnulíf á starfssvæði landshlutasamtakanna, stuðla að öflugu atvinnusvæði til framtíðar með stuðningi við nýsköpun og atvinnuþróun, innleiða og fylgja eftir sóknaráætlun og byggðaáætlun, t.d. með úthlutun fjármuna og styrkja til einstakra verkefna, svo sem fyrir er mælt í lögum nr. 69/2015 um byggðaáætlun og sóknaráætlun.



Á fundinn mættu kl. 11, Albertína Friðbjörg Elíasdóttir, framkvæmdastjóri SSNE og Díana Jóhannsdóttir, verkefnastjóri SSNE og kynntu starfsemina.

Fyrirtækið Stóruvellir ehf. sem hefur verið starfrækt í Þingeyjarsveit sl. 33 ár hefur verið auglýst til sölu. Fyrirtækið framleiðir hamsatólg, tólg til steikingar og útikerti. Fyrirtækið er með sterka markaðshlutdeild og er þekkt vörumerki. Um er að ræða 2-3 heilsársstörf, með mikla möguleika og sveigjanlegan vinnutíma.

Fyrir Atvinnu- og nýsköpunarnefnd liggur erindi frá Samtökum sveitarfélaga á köldum svæðum með kynningarbæklingi til kjörinna fulltrúa.

Fyrir Atvinnu- og nýsköpunarnefnd liggur erindi frá Samtökum orkusveitarfélaga með kynningarbæklingi til kjörinna fulltrúa.

Tekið fyrir erindi frá Þekkingarneti Þingeyinga þar sem vakin er athygli á HönnunarÞingi, DesignThing, og því uppbyggingarstarfi sem hefur farið fram í gegnum Hraðið og Þekkingarnetið og eflingu nýsköpunar í Þingeyjarsýslum.



Erindinu fylgir boðskort á Hönnunarþing 2026 sem fer fram á Stéttinni á Húsavík dagana 25.-26. september og þema hátíðarinnar í ár er ORKA. Viðburðurinn er opinn öllum. Orkuþemað spannar allt frá endurnýjanlegum orkugjöfum, tæknilausnum og auðlindum yfir í þá mannlegu orku sem knýr samfélög, fyrirtæki, sköpun og samstarf áfram. Orkan verður skoðuð út frá fjölbreyttum sjónarhornum hönnuða, frumkvöðla, listafólks, vísindafólks og atvinnulífs, með áherslu á það hvernig skapandi hugsun getur hjálpað okkur að takast á við áskoranir samtímans og móta framtíðina.