Skipulagsnefnd

Orkuveita Húsavíkur sækir um framkvæmdaleyfi til endurnýjunar á hluta hitaveitustofns í Aðaldal, frá Laxá að Múla. Nýja hitaveitulögnin verður lögð samhliða eldri hitaveitulögn. Þar sem lögnin fer yfir Laxá

verður hún dregin í gegnum núverandi rörbrú neðan Laxárvirkjunar. Leyfi Náttúrufræðistofnunar liggur fyrir vegna framkvæmda innan verndarsvæðis Mývatns og Laxár.

Sótt er um byggingarleyfi fyrir viðbyggingu að stærð 189,2 m2 við norðurhlið fjóssins á Gautlöndum 1C. Ekkert deiliskipulag er til fyrir svæðið og er það á landbúnaðarlandi skv. aðalskipulagi.

Sótt er um byggingarleyfi fyrir hús að stærð [m2] í landi Vagla í Fnjóskadal. Í aðalskipulagi er svæðið skilgreint sem opið svæði til sérstakra nota en ekkert deiliskipulag er til.

Sótt er um graftrarleyfi fyrir vélaskemmu að stærð 490-625 m2 á Nípá í Útkinn. Ekkert deiliskipulag er til fyrir svæðið og er það á landbúnaðarlandi skv. aðalskipulagi.

Trésmiðjan Sólbakki ehf. sækir um lóðir við Lautarveg 12 og 14 á Laugum. Skipulagsnefnd tók málið fyrir 19. júní 2024 og frestaði málinu þar sem orðalag í auglýsingu um úthlutun lóða var ábótavant. Reglur um úthlutun lóða í Þingeyjarsveit voru samþykktar á 52. fundi sveitarstjórnar þann 28. nóvember 2024.

Umsóknin er því tekin aftur til umfjöllunar.

Ólafur Sólimann sækir um lóðir við Lautarveg 14 á Laugum. Reglur um úthlutun lóða í Þingeyjarsveit voru samþykktar á 52. fundi sveitarstjórnar þann 28. nóvember 2024.

Tekin fyrir umsókn frá Hákoni Jenssyni merkjalýsanda f.h. landeiganda Brúnar um stofnun lóðar undir núverandi einbýlishús og bílageymslu úr jörðinni Brún. Svæðið er á landbúnaðarsvæði í aðalskipulagi og ekki er til deiliskipulag.

Sótt er um að breyta skráningu Þinghússins Maríugerðis í Kinn úr sumarhúsi í íbúðarhús og breyta lóðinni úr sumarhúsalóð í íbúðarhúsalóð. Skráning hússins fyrir árið 2004 var íbúð. Skipulagsnefnd tók jákvætt í erindið á fundi 19. mars sl. en óskaði eftir að gerð verði grein fyrir heimreið og aðkomu þjónustuaðila sem send verður til Vegagerðarinnar til umsagnar.

Sótt er um að breyta skráningu Laugabóls 2 í Reykjadal úr sumarhúsi í íbúðarhús og breyta lóðinni úr sumarhúsalóð í íbúðarhúsalóð.

Sótt er um að breyta skráningu Láfsgerðis í Reykjadal úr sumarhúsi í íbúðarhús og breyta lóðinni úr sumarhúsalóð í íbúðarhúsalóð.

Úrskurðarnefnd umhverfis- og auðlindamála hefur borist kæra vegna ákvörðunar um breytingu á deiliskipulagi Voga 1 í Mývatnssveit, breytingu frístundalóða í íbúðalóðir. Gögn vegna málsins hafa verið afhent.

Deiliskipulagsbreyting Skóga - frístundabyggð, þar sem stækkun byggingarreits Skógarhlíðar 4 stækkar til austurs var grenndarkynnt í samræmi við 43. gr. skipulagslaga nr. 123/2010, frá 16. apríl með athugasemdarfresti til 14. maí 2025. Engar athugasemdir bárust.

Tekin fyrir deiliskipulagsbreyting á Hverum austan Námafjalls. Í tillögunni er lóð fyrir þjónustuhús færð um 70 m til norðausturs. Breytingin er gerð til að draga úr áhrifum þess á ásýnd hverasvæðisins.

Lögð er fram tillaga að deiliskipulagi Laxárstöðvar sem nær til virkjanasvæðis í Laxá í Aðaldal.

Skipulagslýsing var kynnt frá 28. nóvember til. 19. desember 2023.

Tekin fyrir beiðni frá Svalbarðsstrandahreppi um umsögn um vinnslutillögu nýs aðalskipulags sveitarfélagsins, Aðalskipulag Svalbarðsstrandahrepps 2025-2037.

Tekin fyrir beiðni frá Eyjafjarðarsveit um umsögn um skipulagslýsingu fyrir endurskoðun aðalskipulags sveitarfélagsins, aðalskipulag Eyjafjarðarsveitar 2025-2037.

Sveitarfélagið Hornafjörður óskar eftir umsögn Þingeyjarsveitar á vinnslutillögu að endurskoðuðu aðalskipulagi.

Farið yfir þær gjaldskrár sem undir nefndina heyra til undirbúnings fjárhagsáætlunar næsta árs.

Umsókn um byggingarleyfi til að byggja við Kvíhólsmýri 1a til norðurs um 5 m var grenndarkynnt frá 19. maí með athugasemdarfresti til 16. júní 2025. Umsögn barst frá Minjastofnun Íslands en engar athugasemdir bárust.