Skipulagsnefnd

Skipulagsnefnd fagnar staðfestingu aðalskipulagsins.

Skipulagsnefnd felur umhverfis- og framkvæmdasviði að uppfæra og samræma gjaldskrár í samræmi við umræður á fundinum.

Skipulagsnefnd samþykkir tillögu að staðsetningu stoppistöðvar við félagsheimilið Ýdali og leggur til að staur með merkingum verði settur upp í samráði við húsvörð austast á bílaplaninu fremur en við aðalinngang. Skipulagsnefnd felur sviðsstjóra umhverfis- og framkvæmdasviðs að ræða við Vegagerðina um aðkomu þeirra að lýsingu á svæðinu. Skipulagsnefnd hvetur Vegagerðina til að skoða aðrar stoppistöðvar í sveitarfélaginu með það að markmiði að auka öryggi og bæta þjónustu.
Málinu vísað til sveitarstjórnar.

Lagt fram til kynningar

Skipulagsnefnd gerir ekki athugasemd við afmörkun jarðarinnar og felur byggingarfulltrúa að annast málsmeðferð vegna hennar eins og lög og reglugerðir mæla fyrir um þegar tilskilin gögn hafa borist.

Skipulagsnefnd gerir ekki athugasemd við stofnun lóðarinnar í Garði og felur byggingarfulltrúa að annast málsmeðferð vegna hennar eins og lög og reglugerðir mæla fyrir um þegar tilskilin gögn hafa borist. Skipulagsnefnd óskar eftir, í framtíðinni, að merkjalýsingum fylgi afstöðumynd þannig að hægt sé að átta sig á aðstæðum og staðsetningu á auðveldan hátt. Nefndin bendir á að ekki er ljóst hvort lóðin liggi innan veghelgunarsvæðis og þá hvort umsagnar Vegagerðarinnar sé þörf fyrir byggingu á lóðinni.

Skipulagsnefnd gerir ekki athugasemd við merkjalýsingu, enda samræmist hún skipulagsáætlunum. Nefndin telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004. Byggingarfulltrúa falið að annast málsmeðferð vegna hennar eins og lög og reglugerðir mæla fyrir um þegar tilskilin gögn hafa borist.

Skipulagsnefnd bendir á að umrædd leið um Varastaðaskóg er ekki merkt sem reiðleið í nýstaðfestu aðalskipulagi Þingeyjarsveitar 2024-2044.
Í aðalskipulagi Þingeyjarsveitar eru skilgreindar reiðleiðir um sveitarfélagið, það er hins vegar ekki tæmandi útlistun á opnum leiðum eða forsenda nýtingar. Í aðalskipulagi eru sýndar stofnreiðleiðir þar sem gert er ráð fyrir framkvæmdum og endurbótum. Reiðleiðir kunna að vera opnar fyrir öðrum fararmátum s.s. gangandi og umferð reiðhjóla. Skipulagsnefnd lítur svo á að skilgreining reiðleiðar í aðalskipulagi geri fyrst og fremst ráð fyrir að þar sé unnt að leggja reiðleið fyrir ríðandi menn og gefur engum rétt til að reka hrossastóð eftir þeim leiðum án samráðs við landeigendur og án þess að bera ábyrgð á skemmdum.
Skipulagsnefnd lítur svo á að umrædd leið falli undir skilgreiningu á héraðsleið í flokkun reiðleiða í Reiðvegahandbók Vegagerðarinnar og Landsambands hestamanna.
Skipulagsnefnd vekur einnig athygli á því að skv. náttúruverndarlögum nr. 60/2013 er óheimilt að reka hross yfir gróið land þannig að náttúruspjöll hljótist af eða hætta skapist á náttúruspjöllum. Skv. reglugerð um takmarkanir á umferð í náttúru Íslands nr. 528/2005 skal, þegar farið er eftir gömlum þjóðleiðum, þar sem þær eru markaðar í landið skal eigi teyma fleiri hross en svo að þau rúmist innan slóðar, ellegar reka hross þannig að þau lesti sig.
Skipulagsnefnd telur að frjáls för einstaklinga um gamlar þjóðleiðir sé partur af menningararfi og sé mikilvægt að sé haldið við. Nefndin áréttar að forsenda fyrir því að þjóðleiðum sé haldið opnum áfram byggist á góðri og hóflegri umgengni og sátt um nýtingu. Nefndin beinir því til hestamannafélaga á svæðinu að taka upp samtal um reiðleiðir og umgengni þeirra og samráð og af virðingu við landeigendur.
Skipulagsnefnd tekur ekki undir að ekki hafi verið staðið nægilega vel að kynningu aðalskipulags. Það var í öllu farið eftir þeim lögum og reglum sem um það gilda og reyndar gott betur. Í aðdraganda þess voru auglýst þrjú kynningarferli, þau voru auglýst á öllum þeim miðlum sem okkur datt í hug til að ná til sem flestra íbúa og landeigenda. Auk þess voru haldnir og auglýstir íbúafundir sem voru vel sóttir.
Það er mikilvægt að fylgjast með því sem gerist í skipulagsmálum á svæðinu og það er á ábyrgð landeigenda og íbúa að gera það til að gæta sinna hagsmuna. Skipulagsnefnd bendir á vefsíðuna Skipulagsgáttin þar sem hægt er að gerast áskrifandi af málum eftir því sem hentar, bæði eftir afmörkuðum svæðum, póstnúmerum, sveitarfélögum eða öðru sem skiptir máli.

Skipulagsnefnd felur skipulagsfulltrúa að láta vinna skipulagsbreytingu í samræmi við beiðni Vegagerðarinnar og í samræmi við umhverfismat Norðausturvegar (85) um Skjálfandafljót í Kinn.

Skipulagsnefnd samþykkir stækkun á kirkjugarðinum, með fyrirvara um samþykki Minjastofnunar, enda er stækkunin í samræmi við nýsamþykkt aðalskipulag Þingeyjarsveitar 2024-2044. Ekkert deiliskipulag er í gildi á svæðinu. Skipulagsnefnd óskar eftir að teikning af grafarplani verði lögð fyrir nefndina til staðfestingar þegar það liggur fyrir. Skipulagsnefnd hvetur kirkjugarðaráð til að ganga frá samningum um eignarhald og merkjalýsingu svo sveitarfélagið geti undirbúið svæðið til greftrunar.

Skipulagsnefnd telur ekki þörf á viðbrögðum við fram komnum athugasemdum og felur skipulagsfulltrúa að svara Vegagerðinni vegna vegtenginga. Skipulagsnefnd vekur athygli á að óheimilt er að hefja framkvæmdir innan svæðisins fyrr en að skipulagsferli og leyfisveitingum er lokið.
Málinu vísað til sveitarstjórnar og lagt til að tillagan verði auglýst skv. 1. mgr. 41. gr. skipulagslaga nr. 123/2010.

Skipulagsnefnd felur skipulagsfulltrúa að kynna skipulagslýsingu vegna deiliskipulagsgerðar fyrir Skógar - Sólkistan í samræmi við 3. mgr. 40. gr. skipulagslaga nr. 123/2010.

Skipulagsnefnd felur skipulagsfulltrúa að kynna skipulagslýsingu vegna deiliskipulagsgerðar fyrir Stóru Laugar í samræmi við 3. mgr. 40. gr. skipulagslaga nr. 123/2010.

Gestir frá Landsvirkjun kynntu fyrirhugaða uppbyggingu iðnaðar á Þeistareykjasvæðinu og mögulegar staðsetningar. Skipulagsnefnd leggur áherslu á að við gerð deiliskipulags verði settir skilmálar um vandaðan frágang, áherslu á góða ásýnd svæðisins, lágmörkun á raski og möguleg umhverfisáhrif. Nefndin hvetur Landsvirkjun til að kynna áformin hagsmunaaðilum snemma í ferlinu.

Um er að ræða viðhald mannvirkja og framkvæmdir sem eru það óverulegar og ekki líklegar til að hafa veruleg áhrif á umhverfið og ásýnd þess og krefjast því hvorki byggingarleyfis né framkvæmdaleyfis.

Skipulagsnefnd vísar í nýsamþykkt aðalskipulag Þingeyjarsveitar 2024-2044 og stefnu um gerð deiliskipulags í kafla 3.6. Skipulagsnefnd telur að stækkun fjóssins falli ekki undir þau atriði sem kalla á deiliskipulagsgerð. Nefndin felur skipulagsfulltrúa að svara athugasemdinni og byggingarfulltrúa að gefa út byggingarleyfi þegar fullnægjandi gögn hafa borist.

Lagt fram til kynningar.