Fara í efni

Gjaldskrár 2027

Málsnúmer 2608032

Vakta málsnúmer

Íþrótta-, tómstunda- og menningarnefnd Þingeyjarsveit - 32. fundur - 18.08.2026

Gjaldskrár íþróttamiðstöðva og félagsheimila Þingeyjarsveitar lagðar fram til fyrstu endurskoðunar
Nefndin telur að samræma þurfi gjaldskrár og upplýsingar íþróttamiðstöðvanna í Reykjahlíð og á Laugum og leggjum til að verkefnastjóri leggi drög að uppfærðum texta fyrir næsta fund.
Nefndin óskar eftir upplýsingum um hvert tekjur ræktarinnar á Laugum renni og hver ástæðan er fyrir muninum á verðskránni.
Nefndin óskar einnig eftir upplýsingum um aðstöðuna fyrir sund og líkamsrækt á Stórutjörnum m.t.t. að sú aðstaða gæti verið betur nýtt.
Nefndin vill skoða möguleika þess að sameiginlegt ræktarkort gildi á alla þessa staði.
Nefndin leggur til að afsláttur af húsaleigu þorrablóta verði 100% gegn því að aldurstakmark sé miðað við 18. aldursárið og sala vínveitinga ekki leyfð og sambærilegur styrkur verði veittur vegna þorrablóts í Kiðagili.

Skipulagsnefnd - 54. fundur - 16.09.2026

Unnið er að endurskoðun gjaldskráa Umhverfis- og framkvæmdasviðs.

Máli frestað. Boðað verður til aukafundar til að fjalla um gjaldskrár þann 30. sept næstkomandi kl:09:00.

Fræðslu- og velferðarnefnd Þingeyjarsveit - 38. fundur - 12.10.2026

Fyrir nefndinni liggja til samþykktar uppfærðar gjaldskrár sem heyra undir nefndina. Á landsþingi sveitarfélaga var samþykkt að hækka gjaldskrár ekki umfram 2,5% fyrir árið 2027.
Nefndin samþykkir uppfærðar gjaldskrár fyrir 2027.

Íþrótta-, tómstunda- og menningarnefnd Þingeyjarsveit - 33. fundur - 13.10.2026

Fyrir nefndinni liggur að samþykkja gjaldskrár sveitarfélagsins sem snúa að íþróttamannvirkjum og félagsheimilum
Nefndin leggur til við sveitarstjórn að gjaldskrár fyrir félagsheimili og íþróttamiðstöðvar verði samþykktar að teknu tilliti til athugasemda nefndarinnar. Nefndin leggur jafnframt til að sveitarfélagið gefi út hreyfikort fyrir öryrkja og eldri borgara Þingeyjarsveitar sem veiti þeim aðgang að líkamsrækt og sundi.
ÍTM minnir sveitarstjórn jafnframt á tillögu nefndarinnar frá 32. fundi varðandi afslátt á húsaleigu vegna þorrablóta innan Þingeyjarsveitar.

Skipulagsnefnd - 55. fundur - 14.10.2026

Lagt fram uppfært minnisblað vegna breytinga á gjaldskrám fyrir 2027 í samræmi við bókun sveitarstjórnar um forsendur fjárhagsáætlunar 2027 frá 1.10.2026.
Skipulagsnefnd felur umhverfis- og framkvæmdasviði að uppfæra og samræma gjaldskrár í samræmi við umræður á fundinum.
Getum við bætt efni þessarar síðu?