Yfirlit frétta & tilkynninga

Ákveðið hefur verið að 9. fundur sveitarstjórnar, sem samkvæmt fundardagatali sveitarstjórnar hefði átt að vera haldinn miðvikudaginn 12. október verði haldinn þann 19. október nk. Dagkrá fundarins verður auglýst þegar nær dregur.

Í umfjöllun á 8. fundi sveitarstjórnar þann 28. september 2022, um rekstrarreikning fyrstu 6 mánaða ársins var byggt á upplýsingum sem komið hefur í ljós að voru rangar. Sú rekstrarniðurstaða sem kynnt var í inngangi oddvita að umfjöllun um dagskrárlið 2, Fjárhagsáætlun Þingeyjarsveitar 2023-2026 er því ekki rétt og launakostnaður ofmetinn um 44,4 m.kr. Rétt er að taka fram að óendurskoðaður rekstrarreikningur eins og sá sem lagður var fram og lesinn upp á fundinum er vinnuskjal við gerð fjárhagsáætlunar og gefur aðeins grófa hugmynd um reksturinn.

Skrifstofur Þingeyjarsveitar í Reykjahlíð og á Laugum opna kl. 11:00 þriðjudaginn 4. október 2022 vegna starfsmannaviðburðar.

Á fundi sveitarstjórnar þann 14. september var samþykkt að breyta fundartíma sveitarstjórnar þann 28. september nk. vegna þátttöku fulltrúa sveitarfélagsins í ársþingi Sambands íslenskra sveitarfélaga sem hefst þennan sama dag. Fundur sveitarstjórnar verður því haldinn kl. 09:00 en ekki kl. 13:00 eins og venjan er.

8. fundur sveitarstjórnar Þingeyjarsveitar verður haldinn í Skjólbrekku miðvikudaginn 28. september kl. 09:00 en ekki kl. 13:00 eins og venjan er. Fundurinn er öllum opinn og honum verður streymt á facebook-síðu sveitarfélagsins: https://www.facebook.com/thingeyjarsveit.

Tveggja daga málþing um náttúruhugvísindi sem markar upphaf starfsemi nýs rannsóknaseturs, HULDU – náttúruhugvísindaseturs, sem verður samstarfsvettvangur Svartárkots menningar – náttúru og nýs rannsóknaseturs Háskóla Íslands í Þingeyjarsveit. Dagskráin er opin öllum og eru íbúar Þingeyjarsveitar sérstaklega hvattir til að mæta.

Á 7. fundi sveitarstjórnar Þingeyjarsveitar þann 14. september sl. ákvað sveitarstjórn að efna til samkeppni um hugmynd að nýju byggðamerki fyrir sveitarfélagið. Frestur til að skila tillögum er til 10. nóvember 2022 og veitt verða verðlaun að fjárhæð kr. 200.000 fyrir þá tillögu sem verður fyrir valinu.

7. Fundur sveitarstjórnar verður haldinn á Ýdölum, miðvikudaginn 14. septembember kl. 13.00. Fundinum verður streymt á facebook-síðu sveitarfélagsins.

Breyting á Aðalskipulagi Þingeyjarsveitar 2010 – 2022 og deiliskipulagi Skóga í Fnjóskadal

Jón Hrói Finnsson hefur verið ráðinn sveitarstjóri Þingeyjarsveitar. Alls sóttu 10 umsækjendur um starfið en þrír drógu umsóknir sínar til baka áður en ráðnigarferlinu lauk.