Skipulagsnefnd

Lögð fram tillaga að breyttri gjaldskrá fyrir skipulags- og byggingarmál. Sett hefur verið upp tillaga að einfaldari og skilvirkari gjaldskrá fyrir málaflokkinn.

Svar barst frá Náttúruhamfaratryggingu Íslands þar sem segir:

Bréfið sem sent var út til sveitarfélaga var fyrst og fremst hugsað til að vekja athygli sveitarfélaga á mikilvægi þess að taka góðar skipulagsákvarðanir. Það er í raun ekki mögulegt fyrir tryggingafélag að gefa út fyrirfram yfirlýsingar um það hvort og þá hvernig er farið með tilvonandi tjónamál, því það eru svo margir þættir sem geta haft áhrif á niðurstöðu þeirra. Þess vegna getum við aldrei annað en vísað til laga og reglugerðar varðandi endanlega túlkun, þegar til tjóns kemur.

Við getum engu að síður sagt að ef skipulagsákvarðanir byggja á vel ígrundaðri vinnu, þar sem allir helstu sérfræðingar sem eru til ráðgjafar á því sviði hafa komið að, eru ekki miklar líkur á því að 16. gr. laga nr. 55/1992 yrði beitt, sem hljómar svona:

Heimilt er að lækka bætur eða synja alveg bótakröfu:

1. Þegar hús eða annað mannvirki, sem skemmist, er reist á stað sem almennt var vitað fyrir fram að var hættulegur með tilliti til náttúruhamfara, t.d. ef mannvirki á sama stað hefur oftar en einu sinni orðið fyrir sams konar tjóni. Sama á við um lausafé sem geymt er í húsi eða öðru mannvirki við þær aðstæður sem hér greinir.

2. Þegar gerð eða viðhald húss eða annars vátryggðs hlutar er óforsvaranlegt eða andstætt fyrirmælum í settum rétti og ljóst er að tjón hefur hlotist af eða orðið víðtækara af þessum sökum.

NTÍ kemur ekki gerð hættumatskorta eða skipulagsmálum og því getum við ekki vísað með beinum hætti til sérstakra svæða í þessu sambandi. Við höfum svarað öðrum sveitarfélögum á þann veg að þar sem fullt samráð hefur verið haft við þær stofnanir sem hafa formlega það hlutverk að meta tilteknar áhættur, s.s. Veðurstofu vegna ofanflóða og Vegagerðina vegna sjávarflóða, teljum við að það yrðu gögn sem litið yrði til, ef til tjóns kemur. Hafi samráð verið haft og tillit tekið til þeirra ábendinga og athugasemda sem þar hafa komið fram er afar ólíklegt að 16. gr. laganna yrði beitt í því skyni að takmarka eða hafna tjónabótum.

Skipulagsstofnun vekur athygli á opnun nýrrar Skipulagsvefsjár þar sem má nú nálgast á sama stað allt gildandi svæðis-, aðal- og deiliskipulag, uppdrætti og greinargerðir ásamt stafrænum aðal- og deiliskipulagsgögnum.

Nýju vefsjána má nálgast á léninu skipulagsvefsjá.is og tekur hún við af þeirri gömlu sem verður lokað í byrjun desember.

Meðal þess sem ný Skipulagsvefsjá býður upp á er að nú er hægt að skoða það skipulag sem er í gildi á tilteknu svæði eða fá yfirsýn yfir landnotkunarflokka á hverju svæði með því að velja að birta tiltekna flokka og sleppa öðrum. Allar frekari upplýsingar og leiðbeiningar um nýja Skipulagsvefsjá má nálgast á vef Skipulagsstofnunar.

Vakin er athygli á því að ef vísað er á gömlu Skipulagsvefsjánna á heimasíðum þá þarf að uppfæra tengil á vefsjánna.

Sveitarfélaginu barst erindi frá Vegagerðinni vegna framkvæmda við þjóðvegi.

Undanfarin ár hefur hleðslustöðvum við þjóðvegi fjölgað til muna og er það vel þar sem mikilvægt er að veita vegfarendum góða þjónustu. Í því sambandi vill Vegagerðin minna á að um hleðslustöðvar gilda sömu reglur og um aðrar framkvæmdir við vegi. Veghelgunarsvæði er 30 m að breidd til hvorrar handar frá miðlínu stofnvega en 15 m frá miðlínu annara þjóðvega. Innan veghelgunarsvæða má ekki framkvæma nema að fengnu samþykki Vegagerðarinnar. Það á einnig við um nýjar tengingar við þjóðvegi eða breytta landnotkun sem nýtir fyrirliggjandi tengingar. Þannig má t.d. ekki ganga að því sem vísu að leyfi fáist til að nýta eldri túntengingu til að tengja nýja hleðslustöð við þjóðveg. Upplýsingar um hvaða vegir eru í umsjá Vegagerðarinnar má nálgast hér: https://www.vegagerdin.is/verkefnin/framkvaemdir/kortasja

Mikilvægt er að umferðaröryggi sé eins gott og kostur er á og að allar framkvæmdir miði að því að auka umferðaröryggi á vegum.

Jafnframt er því hér með komið á framfæri að Innviðaráðuneytið hefur nýlega falið Vegagerðinni að annast skipulag og uppbyggingu á skilvirku neti nýorkuinnviða fyrir samgöngur, þar á meðal fyrir þyngri ökutæki, á landsvísu. Haft verður samráð við viðkomandi sveitarfélög vegna frekari skipulagsvinnu þegar þessari vinnu vindur fram.

Skipulagsstofnun gerir athugasemd við útgáfu framkvæmdaleyfa fyrir skógrækt á jörðunum Laugaseli og Víðum.

Skipulagsstofnun bendir á að í 2. mgr. 2. gr. laga nr. 97/2004 um verndun Mývatns og Laxár í Suður-Þingeyjarsýslu segir að lögin taki enn fremur til „vatnsverndar á vatnasviði Mývatns og Laxár, sbr. kort í fylgiskjali með lögunum.“ Samkvæmt 1. mgr. 4. gr. laganna skal forðast að valda spjöllum á vatnasviði Mývatns og Laxár sem raskað gætu vernd vatnsins og árinnar samkvæmt ákvæðum laganna, sérstaklega gæðum og rennsli grunnvatns. Skógræktarframkvæmdirnar eru innan svæðis sem fellur undir hið tilvitnaða orðalag.

Í b-lið í iii-lið í 2. tölul. 2. viðauka laga nr. 111/2021 um umhverfismat framkvæmda og áætlana er minnst á svæði sem njóta verndar samkvæmt sérlögum, svo sem Þingvellir, Mývatns- og Laxársvæði og Breiðafjörður. Með þetta í huga telur stofnunin ljóst að svæðið, sem skógræktarframkvæmdirnar eru á, séu verndarsvæði í skilningi laga nr. 111/2021.

Í 1. mgr. 18. gr. laga nr. 111/2021 segir að framkvæmdir sem tilgreindar eru í flokki B í 1. viðauka við lögin skuli háðar umhverfismati þegar þær eru taldar líklegar til að hafa í för með sér umtalsverð umhverfisáhrif vegna umfangs, eðlis eða staðsetningar skv. 2. viðauka. Síðan segir svo: „Sama á við um framkvæmdir sem eru að umfangi undir viðmiðunarmörkum í flokki B í 1. viðauka ef þær eru fyrirhugaðar á verndarsvæði, sbr. iii lið 2. tölul. 2. viðauka.“

Í tölulið 1.04 í viðauka 1 er vikið að nýræktun skóga sem tekur til 200 ha eða stærra svæðis. Umræddar skógræktarframkvæmdir eru undir þessum stærðarmörkun en þar sem þær eru á verndarsvæði , skv. skilgreiningu Skipulagsstofnunar, falla þær undir hið tilvitnaða orðalag í 1. mgr. 18. gr.

Í ljósi framangreinds telur stofnunin að framkvæmdaraðilum beri að tilkynna Skipulagsstofnun um skógræktarframkvæmdirnar til ákvörðunar um matsskyldu, sbr. 2. mgr. 19. gr. laga nr. 111/2021. Stofnunin bendir jafnframt á að óheimilt er að gefa út leyfi til framkvæmdar sem fellur undir lögin fyrr en ákvörðun Skipulagsstofnunar skv. 19. gr. um að framkvæmdin skuli ekki háð umhverfismati

liggur fyrir, sbr. 1. mgr. 25. gr. laga nr. 111/2021. Þótt framkvæmdaraðili beri frumábyrgð á því að

tilkynna inn framkvæmdir á borð við þessa skógræktarframkvæmd þá hvílir einnig skylda á

Þingeyjarsveit sem leyfisveitanda að ganga úr skugga um, áður en tekin er ákvörðun um hvort veita

skuli framkvæmdaleyfi, hvort framkvæmdir séu tilkynningarskyldar, sbr. rannsóknarreglu

stjórnsýsluréttar.

Tekin fyrir umsókn frá merkjalýsanda Ásu Margréti Einarsdóttur f.h. Ríkissjóðs Íslands um stofnun lóðar undir Geymslu og skúr í Flatey L153388. Fyrir liggur tillaga að staðsetningu. Ekkert deiliskipulag er í gildi á svæðinu.

Tekin fyrir umsókn frá Merkjalýsnda Hákon Jensson f.h. Skógarlands ehf um stofnun lóðar undir frístundahús að Skógum. Fyrir liggur tillaga að staðsetningu. Ekkert deiliskipulag er í gildi á svæðinu.

Álit lögfræðings sveitarfélagsins er að þörf sé á undirskrift eigenda Voga 1 á gögnin sem aðliggjandi jörð. Í ljósi þess að gögnum er ábótavant er ekki hægt að ljúka málinu og merkjalýsingu því frávísað.

Lagðar fram óskir um breytingar á staðföngum að Breiðamýri frá landeigendum.

Landeignarnúmer Nafn í fasteignaskrá Nafnabreyting

153715 Breiðamýri 1 Breiðamýri land

210663 Breiðamýri 1 lóð Breiðamýri Gamla hús

206934 Breiðamýri 2 lóð Breiðamýri Símahús

153716 Breiðamýri 2 Breiðamýri 3 land

Fyrir skipulagsnefnd liggur umsókn um lóð á Laugum í Reykjadal frá Orku náttúrunnar.

Halldór Guðmundsson frá Orku Náttúrunnar kemur inn á fundinn.

Breyting á byggingarreit í Skógahlíð 1 var grenndarkynnt frá 24. 9. 2025 til 23. 10. 2025. Engar athugasemdir bárust.

Skipulagslýsing var kynnt frá 2.10. til 30.10.2025 og bárust umsagnir frá HNE, Skipulagsstofnun, Minjastofnun Íslands og Vegagerðinni.

Vinnslutillaga deiliskipulagsins var í kynningu frá 7.10. til 4.11.2025. Haldinn var kynningarfundur í Kiðagili í Bárðardal þann 14. október þar sem mættu 35 manns og fóru fram góðar umræður. Sjö umsagnir bárust í Skipulagsgátt. Lögð er fram tillaga að deiliskipulagi þar sem brugðist hefur verið við tillögum og athugasemdum.

Tillaga að aðalskipulagi Þingeyjarsveitar 2024-2044 var auglýst frá 22.september til 17. nóvember 2025. 74 athugasemdir bárust frá bæði opinberum aðilum og einstaklingum.

Tekin er til umræðu staða aðalskipulags að lokinni auglýsingu tillögunnar.

Vegagerðin hefur sent Þingeyjarsveit tilkynningu um niðurfellingu fjögurra vega af vegaskrá. Hólmaveg nr 6632-01, Vestmannsveg nr. 8785-01, Jarlsstaðaveg nr. 8722-01 og Engidalsveg nr. 8716-01.