Vegagerðin - vegir og hleðslustöðvar
Málsnúmer 2510027
Vakta málsnúmerSkipulagsnefnd - 43. fundur - 19.11.2025
Sveitarfélaginu barst erindi frá Vegagerðinni vegna framkvæmda við þjóðvegi.
Undanfarin ár hefur hleðslustöðvum við þjóðvegi fjölgað til muna og er það vel þar sem mikilvægt er að veita vegfarendum góða þjónustu. Í því sambandi vill Vegagerðin minna á að um hleðslustöðvar gilda sömu reglur og um aðrar framkvæmdir við vegi. Veghelgunarsvæði er 30 m að breidd til hvorrar handar frá miðlínu stofnvega en 15 m frá miðlínu annara þjóðvega. Innan veghelgunarsvæða má ekki framkvæma nema að fengnu samþykki Vegagerðarinnar. Það á einnig við um nýjar tengingar við þjóðvegi eða breytta landnotkun sem nýtir fyrirliggjandi tengingar. Þannig má t.d. ekki ganga að því sem vísu að leyfi fáist til að nýta eldri túntengingu til að tengja nýja hleðslustöð við þjóðveg. Upplýsingar um hvaða vegir eru í umsjá Vegagerðarinnar má nálgast hér: https://www.vegagerdin.is/verkefnin/framkvaemdir/kortasja
Mikilvægt er að umferðaröryggi sé eins gott og kostur er á og að allar framkvæmdir miði að því að auka umferðaröryggi á vegum.
Jafnframt er því hér með komið á framfæri að Innviðaráðuneytið hefur nýlega falið Vegagerðinni að annast skipulag og uppbyggingu á skilvirku neti nýorkuinnviða fyrir samgöngur, þar á meðal fyrir þyngri ökutæki, á landsvísu. Haft verður samráð við viðkomandi sveitarfélög vegna frekari skipulagsvinnu þegar þessari vinnu vindur fram.
Undanfarin ár hefur hleðslustöðvum við þjóðvegi fjölgað til muna og er það vel þar sem mikilvægt er að veita vegfarendum góða þjónustu. Í því sambandi vill Vegagerðin minna á að um hleðslustöðvar gilda sömu reglur og um aðrar framkvæmdir við vegi. Veghelgunarsvæði er 30 m að breidd til hvorrar handar frá miðlínu stofnvega en 15 m frá miðlínu annara þjóðvega. Innan veghelgunarsvæða má ekki framkvæma nema að fengnu samþykki Vegagerðarinnar. Það á einnig við um nýjar tengingar við þjóðvegi eða breytta landnotkun sem nýtir fyrirliggjandi tengingar. Þannig má t.d. ekki ganga að því sem vísu að leyfi fáist til að nýta eldri túntengingu til að tengja nýja hleðslustöð við þjóðveg. Upplýsingar um hvaða vegir eru í umsjá Vegagerðarinnar má nálgast hér: https://www.vegagerdin.is/verkefnin/framkvaemdir/kortasja
Mikilvægt er að umferðaröryggi sé eins gott og kostur er á og að allar framkvæmdir miði að því að auka umferðaröryggi á vegum.
Jafnframt er því hér með komið á framfæri að Innviðaráðuneytið hefur nýlega falið Vegagerðinni að annast skipulag og uppbyggingu á skilvirku neti nýorkuinnviða fyrir samgöngur, þar á meðal fyrir þyngri ökutæki, á landsvísu. Haft verður samráð við viðkomandi sveitarfélög vegna frekari skipulagsvinnu þegar þessari vinnu vindur fram.
Skipulagsnefnd þakkar fyrir erindið og hlakkar til að fá að taka þátt í vinnu með Vegagerðinni við skipulag og uppbyggingu á skilvirku neti nýorkuinnviða fyrir samgöngur á landsvísu, þar á meðal fyrir þyngri ökutæki.