Fréttir

Ný heilsugæslustöð í Sunnuhlíð á Akureyri var formlega tekin í notkun við hátíðlega athöfn þann 4. mars. Heilsugæslan er ein sú glæsilegasta á landinu og vel við hæfi að Goðafoss gnæfi yfir móttökusalinn.

Óskað er eftir tilnefningum til landbúnaðarverðlauna sem matvælaráðherra veitir árlega í tengslum við Búnaðarþing.

Átta mjólkurframleiðendur í Þingeyjarsveit náðu þeim frábæra árangri að framleiða og fá greitt fyrir úrvalsmjólk alla mánuði ársins 2023.

Umhverfisnefnd óskar eftir hressum fjölskyldum til að taka þátt í mikilvægu tilraunaverkefni

Frábær febrúar að renna sitt skeið! Nýjar fréttir, ný hrós og fleira! Febrúar fréttabréf Þingeyjarsveitar gjörið svo vel!

Fulltrúar frá byggðarráði og sveitarfélaginu héldu nýlega í fræðsluferð inn á Akureyri. Þar héldu Eimur, SSNE og Íslensk Nýorka málstofuna Orkuskipti á Norðurlandi - hvað næst? Fjallað var um stöðu mála í orkuskiptum á Norðurlandi, olíunotkun svæðisins var kynnt ásamt sérstakri umfjöllun um orkuskipti í þungaflutningum og við hafnir.

Ýmis málefni voru rædd í Breiðumýri, þar á meðal lokanir pósthúsa og dreifing héraðsfréttamiðla, almenningssamgöngur og erfiðleikar í landbúnaði.

Nú nýlega var haldin vinnustofa á vegum SSNE í Skjólbrekku þar sem fulltrúar sveitarfélagsins og SSNE komu saman til að ræða málin og reyna að greina fjárfestingartækifæri í Þingeyjarsveit. Fundurinn var afar góður. Miklar umræður sköpuðust og greinilegt að það eru talin tækifæri á ýmsum sviðum í Þingeyjarsveit.

Fulltrúar frá Samtökum sveitarfélaga á Norðurlandi eystra (SSNE) funduðu með sveitarstjórn á Breiðumýri í vikunni. Þar sögðu þau frá starfsemi og verkefnum SSNE. Fundurinn var ákaflega góður og var farið um víðan völl, enda gafst sveitarstjórnarfulltrúum þar tækifæri til að ræða þær áskoranir sem sveitarfélagið stendur frammi fyrir.

Á Hofsstöðum í Mývatnssveit verður komið á fót vettvangsakademíu fyrir kennslu og rannsóknir á sviði fornleifafræði, minjaverndar og menningarferðaþjónustu. Þar verður boðið upp á fjölbreytt námskeið á meistara- og doktorsstigi og aðstöðu til þverfaglegra vettvangsrannsókna, tilrauna og þróunar til að byggja upp þekkingu á íslenskri menningarsögu og hagnýtingu hennar.

Auglýst eftir umsóknum.

Staða skólastjóra við Þingeyjarskóla er laus til umsóknar. Um er að ræða afleysingarstöðu til eins árs, vegna námsleyfis skólastjóra, frá og með 1. ágúst 2024 til 31. júlí 2025.

Nýtt stjórnsýsluhús mun halda utan um starfsemi sveitarfélagsins ásamt því að hafa skrifborð og rými sem fyrirtæki og stofnanir geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir.