Sveitarstjórn Þingeyjarsveitar

Jóna Björg fór yfir fundargerðina.

Haraldur fór yfir fundargerðina.

Til máls tók undir 1. lið: Eyþór Kári, Arnór og Eyþór Kári

Jóna Björg kynnti fundargerðina.

Sveitarstjórn fellst ekki á breytingu á erindisbréfi ungmennaráðs að svo stöddu.
Varðand opnunartíma sundlaugar á Laugum beinir sveitarstjórn því til verkefnastjóra æskulýðs-, íþrótta og tómstundamála að rýna tillögurnar og kostnaðarmeta og leggja fyrir íþrótta-, tómstunda og menningarnefnd.

Samþykkt samhljóða.

Til máls tóku: Eyþór Kári, Gerður, Árni Pétur og Eyþór Kári

Sveitarstjórn Þingeyjarsveitar samþykkir endurskoðað aðalskipulag Þingeyjarsveitar 2024-2044 skv. 32. gr. skipulagslaga 123/2010 til staðfestingar með þeim breytingum eftir auglýsingu sem samþykktar voru á fundi skipulagsnefndar. Ekki voru gerðar grundvallarbreytingar á skipulagstillögunni. Sveitarstjórn samþykkir einnig tillögur skipulagsnefndar að svörum við umsögnum sem bárust á auglýsingartíma.

Samþykkt samhljóða

Eyþók Kári leggur fram eftirfarandi bókun:
Við Undirritaðir Sveitarstjórnarfulltrúar, erum ósammála þeirri ákvörðun að Einbúavirkjun sé ekki inni á aðalskipulagi Þingeyjarsveitar 2024-2044. Það er óheillaskref að hafna slíkum framkvæmdum í sveitarfélaginu sem hefðu getað haft veruleg jákvæð áhrif á nærsamfélagið og sveitarfélagið allt.
Minnihluti Sveitarstjórnar telur að Einbúavirkjun hafi ekki ennþá fengið fullnægjandi skipulagsmeðferð, en í bréfi frá Skipulagsstofnun dagsett 13.5.2025 um tillögu að aðalskipulagi segir um Einbúavirkjun:
      "Skipulagsstofnun beinir því til Sveitarstjórnar að færa skýr rök fyrir því að falla frá áformum um virkjun og þar með að koma í veg fyrir að íbúar og aðrir hagsmunaaðilar fái tækifæri til að hafa aðkomu að ákvörðuninni í gegnum lýðræðislegt samráðsferli við endurskoðun aðalskipulagsins. Þetta er mikilvægt, einkum með hliðsjón af niðurstöðu umhverfismats framkvæmdarinnar, mótvægisaðgerðum sem farið var fram á við framkvæmdaraðila og fyrri ákvörðun um að hefja skipulagsgerð vegna virkjunarinnar."
Þau rök sem skipulagsstofnun kallar eftir hafa að okkar mati ekki litið dagsins ljós ennþá. Ennfremur stendur í Loftlagsstefnu Þingeyjarsveitar: "Stefnt er að því að nýta tækifæri til sjálfbærrar orkuöflunar með öllum þeim leiðum sem mögulegar eru."
í öðru lagi teljum við að íbúðarbyggðarreitur ÍB-653 Dagmálahóll hefði ekki átt að vera á aðalskipulagi.
Undirritaðir: Eyþór Kári Ingólfsson, Halldór Þorlákur Sigurðsson, Haraldur Bóasson

Til máls tóku: Anna

Í samræmi við ákvæði 2. mgr. 32. gr. laga um náttúruvernd nr. 60/2013 samþykkir sveitarstjórn þá tillögu að vegaskrá sem fram kemur á skýringaruppdrætti og kynntur var samhliða aðalskipulagstillögunni. Samþykkt vegaskrárinnar er með öllum þeim margþættu fyrirvörum sem settir voru fram í kynningargögnum og án upplýsinga um vegi innan Vatnajökulsþjóðgarðs. Ljóst er að vegaskráin getur ekki hlotið samþykki Náttúruverndarstofnunar eins og áskilið er í lagagreininni, sbr. umsögn stofnunarinnar um aðalskipulagstillöguna. Tillaga sveitarstjórnar er því sett fram og samþykkt til málamynda.
Sveitarstjórn gerir ráð fyrir að þessir hnökrar varðandi vegaskrána hafi engin áhrif á staðfestingu aðalskipulagsins nema Skipulagsstofnun geti sýnt fram á að form- eða efnisgallar séu á afgreiðslu sveitarstjórnar á aðalskipulaginu eða gerð þess og vísar þá tillögunni til ráðherra ásamt rökstuðningi í greinargerð, eins og kveðið er á um í 4. mgr. 32. gr. skipulagslaga. Mikilvægt er að hafa í huga að vegaskráin er ekki hluti af aðalskipulaginu þótt samþykkt hennar sé tengd afgreiðslu aðalskipulags.

Samþykkt samhljóða

Sveitarstjórn þakkar erindið og felur sveitarstjóra að funda með byggðaráði Norðurþings.
Samþykkt samhljóða

Til máls tóku: Árni Pétur og Jóna Björg
Sveitarstjórn þakkar erindið. Málefni félagsheimila sveitarfélagsins hafa verið í skoðun m.a. út frá mikilli viðhaldsþörf og rekstrarkostnaði.
Samþykkt samhljóða

Til máls tóku: Eyþór Kári, Gerður, Úlla og Jóna Björg

Sveitarstjórn samþykkir frávikstilboð frá Trésmiðjunni Sólbakka ehf að fjárhæð kr. 72.705.216 og felur sviðsstjóra framkvæmda- og umhverfissviðs að ganga frá samningi við bjóðanda.
Samykkt samhljóða

Í ljósi ástands hússins skv. ástandsskoðun Eflu er búseta í húsinu ekki talin heilsusamleg. Sveitarstjórn felur sveitarstjóra að slíta leigusamningum og leita annarra lausna fyrir leigjendur.
Samþykkt samhljóða

Sveitarstjórn samþykkir framlagða starfsauglýsingu og felur sviðsstjóra Fjölskyldusviðs að birta framlagða auglýsingu.
Samþykkt samhljóða

Sveitarstjórn tilnefnir Jónu Björgu Hlöðversdóttur aðalmann og Knút Emil Jónasson til vara.
Samþykkt samhljóða

Til máls tóku: Arnór, Jóna Björg

Sveitarstjórn felur sveitarstjóra að auglýsa starf slökkviliðsstjóra laust til umsóknar.
Samþykkt samhljóða

Sveitarstjórn felur Arnóri Benónýssyni að fara með umboð sveitarfélagsins á fundinn og samþykkir fyrir sitt leyti sölu hlutar í Greiðri leið ehf.
Samþykkt samhljóða

Sveitarstjórn gerir ekki athugasemd við umbeðið leyfi til buggy-bíla sýningar á Stakhólstjörn þann 27. febrúar enda liggur fyrir leyfi landeigenda.
Samþykkt samhljóða

Sveitarstjórn gerir ekki athugasemd við umbeðið tímabundið áfengisleyfi.
Samþykkt samhljóða