Sveitarstjórn Þingeyjarsveitar

Knútur kynnti fundargerðina.

Ragnhildur kynnti fundargerðina.

Til máls tók: Jóna Björg.

Til máls tók: Knútur.

Sveitarstjórn staðfestir fundargerð framkvæmda- og veitunefndar og felur sviðsstjóra umhverfis- og framkvæmdasviðs að vinna áfram þær tillögur sem koma fram í fundargerð.

Samþykkt samhljóða.

Til máls tók: Knútur

Gerður Sigtryggsdóttir sveitarstjóri gerði grein fyrir helstu störfum sínum síðustu vikur.

Til máls tók: Gerður.


Rekstrarniðurstaða sveitarfélagsins í A og B hluta var jákvæð um sem nam 254 m.kr og rekstrarniðurstaða A hluta var jákvæð sem nam 198,8 m.kr. Samkvæmt fjárhagsáætlun 2025 með viðaukum var gert ráð fyrir 104,8 m.kr. rekstrarniðurstöðu í A og B hluta. Niðurstaðan er því 149,2 m.kr hagstæðari en áætlað var.

Samanlagðar rekstrartekjur í A og B hluta á árinu námu 3.041,8 m.kr., en þar af námu rekstrartekjur A hluta 2.825,6 m.kr. Samkvæmt fjárhagsáætlun fyrir 2025 með viðaukum var gert ráð fyrir rekstrartekjum sem næmu 3.075,5 m.kr í A og B hluta. Rekstrartekjur eru því 33,7 m.kr lægri en áætlun gerði ráð fyrir eða sem nemur 1,1%.

Rekstrargjöld A og B hluta, þ.e. laun og launatengd gjöld og annar rekstrarkostnaður, námu samtals 2.602,4 m.kr á árinu. Þar af eru laun og launatengd gjöld 1.578,6 m.kr og annar rekstrarkostnaður er 1.023,8 m.kr.
Fjárhagsáætlun með viðaukum gerði ráð fyrir rekstrargjöldum sem næmu 2.747,3 m.kr. Þar af laun og launatengd gjöld 1.544,1 m.kr og annar rekstrarostnaður áætlaður 1.203,2 m.kr.
Laun og launatengd gjöld ársins eru því 34,5 m.kr yfir því sem áætlun gerði ráð fyrir og annar rekstrarkostnaður 179,4 m.kr lægri en áætlun gerði ráð fyrir. Fjöldi ársverka voru 115 og fjölgaði þeim um fimm á milli ára.

Afborganir langtímalána námu 148,3 m.kr. á árinu en áfallnar verðbætur 40,7 m.kr. Engin ný lán voru tekin á árinu og er því heildarlækkun langtímalána 107,6 m.kr. að teknu tilliti til áfallinna verðbóta.
Samkvæmt sjóðsstreymisyfirliti samstæðu á árinu 2025 nam veltufé frá rekstri 371,9 m.kr á móti 361,6 m.kr árið 2024. Fjárfestingar í varanlegum rekstrarfjármunum námu 206,3 m.kr á árinu.
Eigið fé í árslok nam 1.646,5 m.kr fyrir A og B hluta samanborið við 1.321,4 m.kr árið áður.
Eiginfjárhlutfall A og B hluta, nemur 48,6% í árslok. Sama hlutfall í lok árs 2024 var 42,1%. Veltufjárhlutfall hækkar á milli ára og er nú 0,94% en var 0,78%. í lok árs 2024.
Skuldaviðmið A og B hluta, skv. reglugerð um fjármál sveitarfélaga er 41% í árslok en var 50,6% í árslok 2024.
Skuldahlutfall sveitarfélagsins, A og B hluta er 57,1% í árslok 2025 en var 66,7% í árslok 2024.

Í ljósi niðurstöðu ársreiknings ársins 2025 er full ástæða til bjartsýni til framtíðar. Sveitarstjórn færir stjórnendum og starfsmönnum bestu þakkir fyrir þeirra framlag til ábyrgs reksturs og góðrar þjónustu. Sveitarstjórn þakkar einnig endurskoðendum fyrir gott samstarf við gerð ársreiknings.

Samþykkt samhljóða.

Sveitarstjórn samþykkir framlagða lögreglusamþykkt og felur sviðsstjóra fjármála og stjórnsýslusviðs að senda hana til staðfestingar í ráðuneyti. Að lokinni staðfestingu ráðuneytis og auglýsingu í B-deild stjórnartíðinda skal birta hana á heimasíðu sveitarfélagsins.

Samþykkt samhljóða.

Fært í trúnaðarmálabók

Jóna Björg vakti athygli á mögulegu vanhæfi.
Samþykkt samhljóða.
Jóna Björg yfirgaf fund kl. 14.58.

Sveitarstjórn felur umhverfisfulltrúa að semja tillögu að verkáætlun fyrir uppgræðsluna í samráði við hagaðila, þar sem m.a. verði gerð grein fyrir helstu verkþáttum, forgangsröðun, kostnaðaráætlun og framkvæmdatíma, og leggja tillöguna fyrir sveitarstjórn til afgreiðslu.

Samþykkt samhljóða.

Jóna Björg kom aftur til fundar kl. 15.00.

Til máls tók: Jóna Björg.

Sveitarstjórn samþykkir fyrirliggjandi drög að öryggisstefnu gagna og tölvukerfa sveitarfélagsins og felur sviðsstjóra stjórnsýslu- og fjármálasviðs að birta þær á heimasíðu og skipuleggja kynningu fyrir starfsmenn.

Samþykkt samhljóða.

Sveitarstjórn samþykkir framlögð skóladagatöl grunnskóla Þingeyjarsveitar.

Samþykkt samhljóða.

Sveitarstjórn samþykkir framlagðan viðauka nr. 2 við fjárhagsáætlun 2026.

Samþykkt samhljóða.

Til máls tók: Eyþór Kári.

Sveitarstjórn Þingeyjarsveitar fagnar því að lögð hafa verið fram drög að heildstæðum samningum við æskulýðs- og íþróttafélög í sveitarfélaginu. Í drögunum er lögð áhersla á að bæta aðgengi félaga að fasteignum sveitarfélagsins, jafnframt því sem stuðningur við starfsemi félaganna er aukinn með það að markmiði að efla og styrkja það góða og mikilvæga starf sem fram fer á þeirra vegum.
Sveitarstjórn lýsir ánægju sinni með fyrirliggjandi drög og vísar þeim til umfjöllunar í íþrótta-, tómstunda- og menningarnefnd.

Samþykkt samhljóða.

Sveitarstjórn samþykkir fyrirliggjandi drög að samningi við Félagsþjónustu Norðurþings, með þeim fyrirvara að samningsaðilar geti endurskoðað samninginn, komi til breytinga á forsendum hans á samningstímanum.

Samþykkt samhljóða.

Þar sem fundarboð er stílað á Héraðsnefnd Þingeyinga vegna eignarhluta í Þingey tilnefnir sveitarstjórn Árna Pétur Hilmarsson til setu á fundinum og felur sviðsstjóra fjármála- og stjórnsýslusviðs að leita samþykkis annarra sveitarfélaga innan Héraðsnefndar.

Samþykkt samhljóða.

Sveitarstjórn samþykkir breytingu á opnunartíma skrifstofu Þingeyjarsveitar vegna vinnutímastyttingar starfsfólks. Skrifstofan verður opin eins og áður mánudaga - fimmtudaga frá 9 -15 en á föstudögum verður opið frá 9 -12.

Samþykkt samhljóða.