Byggðarráð

Í skýrslunni er gerð úttekt á fráveitu og ofanvatnskerfi ásamt hitavatnsveitu og kaldavatnsveitu í þéttbýlum sveitarfélagsins. Verkefnið snerist um að greina ástand kerfanna og gera viðhalds- og framkvæmdaáætlun til allt að 10 ára. Byggðarráð vísar skýrslunni til umfjöllunar í sveitarstjórn.

Byggðarráð þakkar 8. og 9. bekk fyrir erindið. Fyrir fjárhagsáætlun lá erindi um endurnýjun leiktækja við Þingeyjarskóla, því miður var ekki hægt að verða við beiðninni á þessu ári. Verður málið tekið fyrir aftur við fjárhagsáætlunargerð 2026, jafnframt er erindinu beint til starfshóps um skólastefnu og óskar byggðarráð eftir að starfshópurinn leggi mat á þörf á viðhaldi og endurnýjun á skólalóðum sveitarfélagsins.
Byggðarráð felur sviðsstjóra umhverfis- og framkvæmdasviðs og sviðsstjóra fjölskyldusviðs að leita leiða innan fjárheimilda um nauðsynlegar úrbætur sem gætu fallið undir fjárhagsáætlun ársins.

Byggðarráð samþykkir að ganga að hærra tilboði í eignina Birkihraun 6. Sveitarstjóra er falið að svara tilboðinu í samræmi við afgreiðslu byggðarráðs með fyrirvara um staðfestingu sveitarstjórnar.

Byggðarráð samþykkir endurnýjun á samningi og felur sveitarstjóra að undirrita fyrir hönd sveitarfélagsins enda er gert ráð fyrir framlagi til áfangastaðastofu í fjárhagsáætlun ársins.

Byggðarráð felur sveitarstjóra að fara með umboð sveitarfélagsins á fundinum.

Byggðarráð þakkar Ástu Fönn fyrir greinargóða yfirferð þar sem m.a. farið var yfir mönnun skóla og leikskóla næsta vetur.

Byggðarráð þakkar sveitarstjóra yfirferðina og gerir ráð fyrir að sviðsstjóri umhverfis- og framkvæmdasviðs komi inn á næsta fund byggðarráðs.

Byggðarráð gerir ekki athugasemdir við fyrirliggjandi drög og felur sveitarstjóra að undirrita þau fyrir hönd sveitarfélagsins.

Byggðarráð felur Knúti Emil Jónassyni að sitja fundinn fyrir hönd sveitarfélagsins.