Stórutjarnaskóli í Þingeyjarsveit auglýsir eftir kennara

Viltu starfa í metnaðarfullum fámennum, samreknum leik- grunn- og tónlistarskóla í sveit?

Stórutjarnaskóli í Þingeyjarsveit auglýsir eftir kennara sem:

• ber virðingu fyrir börnum og hefur áhuga á að starfa með þeim
• hefur góða samskiptahæfni og metnað til að takast á við fjölbreytt verkefni
• treystir sér til að vera með umsjón á yngsta stigi grunnskóla og starfa í leikskóla
• er sveigjanlegur
• er sjálfstæður í vinnubrögðum og sýni frumkvæði
• er samstarfsfús og lausnamiðaður

Stórutjarnaskóli stendur í Ljósavatnsskarði og er samrekinn leik- grunn- og tónlistaskóli með um 45 nemendur frá eins árs til 16 ára aldurs. Öll starfsemi skólans er í sama húsnæði. Skólinn er Grænfánaskóli og Heilsueflandiskóli og leggur áherslu á að búa nemendum og starfsfólki fjölbreitt leik- náms- og starfsumhverfi sem eflir alhliða heilsu og þroska. Mikið samstarf er milli námshópa innan skólans og er skólinn í góðu samstarfi við nágrannaskóla sína og samfélagið í sveitinni. Þá tekur Stórutjarnaskóli þátt í þróunarstarfi með skólum erlendis.

Staðan er laus frá og með 1. ágúst 2021.

Umsóknarfrestur er til 1. júlí 2021.

Möguleiki er á húsnæði á staðnum.

Áhugasamir eru hvattir til að hafa samband í síma 4643220/8483547 eða í gegnum netfangið birnada@storutjarnaskoli.is

Umsóknir skulu sendar á netfangið birnada@storutjarnaskoli.is