Þingeyjarsveit auglýsir eftir þjálfurum í Janusarverkefnið í Reykjahlíð og/eða á Laugum.
Þingeyjarsveit óskar eftir að ráða öflugan og áhugasaman einstakling til að sinna þjálfun í Janusarverkefninu, heilsueflingarverkefni fyrir íbúa 60 ára og eldri.
Markmið Janusarverkefnisins er að stuðla að bættri heilsu, aukinni virkni og bættum lífsgæðum eldri íbúa með markvissri hreyfingu, fræðslu og stuðningi. Verkefnið byggir á einstaklingsmiðaðri nálgun og er unnið í samstarfi við Janus heilsueflingu.
Starfsstöðvar eru Íþróttamiðstöðin á Laugum og/eða Íþróttamiðstöðin í Reykjahlíð.
Helstu verkefni
- Leiðbeina þátttakendum um líkamsbeitingu og notkun tækja og lóða.
- Fylgja eftir æfingaáætlunum samkvæmt verklagi Janusar - heilsueflingar.
- Hvetja og styðja þátttakendur í heilsueflandi lífsstíl.
- Taka þátt í samstarfi við verkefnastjóra og aðra aðila sem koma að verkefninu.
Hæfniskröfur
- Menntun eða reynsla sem nýtist í starfi, svo sem á sviði íþrótta-, heilsu- eða sjúkraþjálfunar.
- Reynsla af leiðsögn hópa er kostur.
- Góð samskiptafærni og jákvætt viðmót.
- Sjálfstæði í starfi og skipulagshæfni.
- Áhugi á heilsueflingu og velferð íbúa.
Starfshlutfall og ráðning
Um er að ræða hlutastarf með 5 – 12 klst. viðveru á viku. Nánara vinnufyrirkomulag og starfshlutfall verður ákveðið í samráði við ráðinn starfsmann.
Umsóknarfrestur
Umsóknarfrestur er til 17. september 2026
Nánari upplýsingar veitir Gunnhildur Hinriksdóttir, verkefnastjóri Janusarverkefnisins í síma 512-1800 eða á netfanginu gunnhildur@thingeyjarsveit.is
Við hvetjum öll áhugasöm til að sækja um og taka þátt í að efla heilsu og lífsgæði eldri íbúa Þingeyjarsveitar.