Sviðsstjóri fjölskyldusviðs

Þingeyjarsveit leitar að öflugum leiðtoga í stöðu sviðsstjóra fjölskyldusviðs. Sviðsstjóri hefur yfirumsjón með fræðslumálum, íþrótta- og tómstundamálum og félagsþjónustu sem og verður tengiliður við samstarfssveitarfélög í málflokkum sviðsins.

Um er að ræða 100% starf í stjórnsýslu sveitarfélagsins.

Viðkomandi þarf að geta hafið störf sem allra fyrst. Sviðsstjóri ber ábyrgð gagnvart sveitarstjóra og sveitarstjórn í öllum störfum sínum og ákvörðunum.

Helstu verkefni og ábyrgð

• Yfirstjórn þeirra málaflokka sem falla undir sviðið
• Yfirumsjón með gerð fjárhags- og starfsáætlana fyrir sviðið og stofnanir þess
• Vinnur að stefnumótun fyrir sviðið og stofnanir þess í samstarfi við hagaðila
• Ábyrgð á veitingu sérfræðiþjónustu innan sviðsins og tryggja tengingu hennar þvert á málaflokka
• Leiðir ytra og innra samstarf og samþættingu starfsemi sviðsins þvert á málaflokka
• Starfar með fræðslu- og velferðarnefnd og íþrótta- og tómstunda- og menningarnefnd
• Eftirlit með framkvæmd samninga, laga og reglugerða sem í gildi eru og heyra undir sviðið
• Tryggir heildstæða samhæfða þjónustu við fjölskyldur í samstarfi við samstarfsaðila
• Frumkvæði að samskiptum og aðgerðum til að styrkja samfélagið

Menntunar- og hæfnikröfur

• Háskólamenntun á sviði fræðslumála
• Viðbótarmenntun á sviði stjórnunar eða öðru sem nýtist í starfi
• Reynsla af stjórnun og mannauðsmálum
• Reynsla af faglegri forystu og þróunarstarfi í skólum
• Reynsla af áætlanagerð og opinberri stjórnsýslu
• Hæfni í mannlegum samskiptum
• Skipulagshæfileikar og sjálfstæði í vinnubrögðum
• Þekking á helstu upplýsingakerfum
• Þekking á undirbúningi og stjórnun funda
• Hæfni í framsetningu á efni í ræðu og riti

Umsóknarfrestur er til og með 1. maí 2026

Sótt er um starfið á www.mognum.is

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veitir Sigríður Ólafsdóttir; sigga@mognum.is