Starfsmaður óskast í Áhaldahúsið í Mývatnssveit
Áhaldahús Þingeyjarsveitar með starfsstöð í Mývatnssveit óskar eftir að ráða öflugan einstakling í viðhaldsteymi áhaldahúss. Leitað er að einstaklingi sem býr yfir drifkrafti, samskiptafærni, með gott verkvit og er sjálfstæður í vinnubrögðum. Viðkomandi verður hluti af viðhaldsteymi sem sinnir hita,- vatns,- og fráveitu ásamt almennri þjónustu í sveitarfélaginu.
Helstu verkefni og ábyrgð
- Daglegur rekstur-, hita-, , vatns-, og fráveitukerfa
- Þjónusta við aðrar stofnanir sveitarfélagsins
- Önnur tilfallandi verkefni
Menntunar- og hæfniskröfur
- Iðnmenntun sem nýtist í starfi eða reynsla af sambærilegum verkefnum
- Geta til að vinna í teymi og sjálfstætt
- Fagleg vinnubrögð
- Góð samskiptafærni
- Góð íslensku og ensku kunnátta
- Góð tölvukunnátta
- Ökuréttindi eru skilyrði
- Vinnuvélaréttindi og aukin ökuréttindi kostur
Umsóknafrestur er til 10. mars 2023. Umsóknir sendist á tölvupósti til Lárusar forstöðumanns áhaldahúss á larus@thingeyjarsveit.is og skal henni fylgja starfsferilsskrá og kynningarbréf þar sem gerð er grein fyrir ástæðu umsóknar og hæfni sem nýtist í starfi. Áhugasamir einstaklingar, óháð kyni er hvattir til að sækja um. Nánari upplýsingar um starfið veitir Lárus í síma 862-4163.
Launakjör eru samkvæmt kjarasamningi Launanefndar Sambands íslenskra sveitarfélaga og viðkomandi stéttarfélags.
