Leikskólakennari við Leikskólann Yl í Mývatnssveit
Leikskólakennari
Leikskólakennari/leikskólastarfsmaður óskast til starfa við leikskólann Yl í Mývatnssveit. Um er að ræða 80-100% starf.
Ylur er eins deilda leikskóli í Mývatnssveit en grunnskólinn Reykjahlíðarskóli og leikskólinn Ylur eru samrekin. 24 nemendur eru í leikskólanum eru á aldrinum 1-6 ára, en börn eru tekin inn í leikskólann frá 10 mánaða aldri. Ylur er grænfána- og heilsueflandi leikskóli sem leggur áherslu á heilsueflingu, vináttu, leik og útikennslu. Mikið og gott samstarf er á milli leik- og grunnskólans og íþróttamiðstöðvarinnar.
Um er að ræða spennandi starf fyrir metnaðarfullan leikskólakennara. Leitað er að einstaklingi með góða hæfni og lipurð í samskiptum, með góða þekkingu og reynslu af leikskólastarfi.
Helstu verkefni og ábyrgð
- Að vinna að uppeldi og menntun leikskólabarna samkvæmt stefnu og skipulagi skólans undir stjórn deildarstjóra.
- Vinna í nánu samstarfi við foreldra/forráðafólk nemenda
- Taka þátt í samstarfi við ýmsar stofnanir og sérfræðinga sem tengjast leikskólanum í samráði við deildarstjóra
- Sinna verkefnum er varðar uppeldi og menntun nemenda sem yfirmaður felur honum
Menntunar- og hæfniskröfur
- Leikskólakennaramenntun, uppeldismenntun eða önnur menntun sem nýtist í starfi.
- Færni í samskiptum.
- Frumkvæði í starfi.
- Sjálfstæð og skipulögð vinnubrögð.
- Góð íslenskukunnátta
- Reynsla af starfi leikskólakennara er mikill kostur
Við leitum af starfsfólki sem
- Treystir sér í faglega og metnaðarfulla vinnu
- Hefur brennandi áhuga á að starfa með börnum
- Er lausnamiðað og vill taka þátt i samstarfi og teymisvinnu
- Hefur reynslu/menntun af uppeldis- og kennslustörfum með ungum börnum
Fríðindi í starfi
Stytting vinnuviku
Heilsustyrkur
Samgöngustyrkur
Flutningsstyrkur
