Ástand hitaveitu frá Reykjahlíð í Álftagerði
Málsnúmer 2603037
Vakta málsnúmerSveitarstjórn Þingeyjarsveitar - 75. fundur - 12.03.2026
Fyrir sveitarstjórn liggur erindi frá Ólöfu Hallgrímsdóttur er varðar ástand hitaveitulagna frá Reykjahlíð í Álftagerði.
Sveitarstjórn Þingeyjarsveitar - 76. fundur - 25.03.2026
Á síðasta fundi sveitarstjórnar var sveitarstjóra ásamt framkvæmda- og veitunefnd falið að funda með Ólöfu Hallgrímsdóttur vegna ástands hitaveitu frá Reykjahlíð í Álftagerði.
Fundur getur ekki orðið fyrr en eftir 9. apríl vegna fjarveru bréfritara. Bréfritari fær sent bréf með tillögum sveitarstjórnar um mögulega lausn ágreinings um stöðu hitaveitu í Vogum, til skoðunar fram að fyrirhuguðum fundi.
Samþykkt með 8 atkvæðum. Halldór greiðir atkvæði á móti.
Samþykkt með 8 atkvæðum. Halldór greiðir atkvæði á móti.
Sveitarstjórn Þingeyjarsveitar - 80. fundur - 28.05.2026
Í framhaldi af fundi sveitarstjóra og framkvæmda- og veitunefndar með landeigendum í Vogum þann 29.4.2026 óskaði nefndin eftir því að sviðsstjóri umhverfis- og framkvæmdasvið léti gera greiningu á rekstrarhæfi Hitaveitu Reykjahlíðar. Hluti af þeirri greiningu er að efla mælingar og vöktun.
Til máls tók: Haraldur.
Sveitarstjórn þakkar framkvæmdasviði fyrir framlögð gögn og felur sviðsstjóra umhverfis og framkvæmdasviðs að vinna gögnin áfram í samræmi við afgreiðslu Framkvæmda og veitunefndar frá 30.04 sl. Sviðsstjóra er einnig falið að kostnaðarmeta nýlagnir annars vegar frá Reykjahlíð að Vogum og hins vegar frá Hótel Laxá að Álftagerði.
Samningsdrög frá 2020 eru ekki hagfelld fyrir Veitustofnun út frá þeim útreikningum sem liggja fyrir og ítrekar sveitarstjórn tillögur að lausn sbr. erindi til landeigenda sent þann 30.3.2026.
Sveitarstjórn telur að aðkallandi endurnýjunarframkvæmdir á stofnlögn frá Reykjahlið að Vogum hvíli á því að samningar náist um kaup og dreifingu á heitu vatni svo rekstrarforsendur Veitustofnunar séu fyrirsjáanlegar. Sveitarstjóra falið að kynna landeigendum niðurstöðu sveitarstjórnar.
Samþykkt með atkvæðum Knúts, Gerðar, Önnu, Úllu, Ragnhildar, Árna Péturs og Jónu Bjargar. Haraldur og Eyþór greiða atkvæði á móti.
Sveitarstjórn þakkar framkvæmdasviði fyrir framlögð gögn og felur sviðsstjóra umhverfis og framkvæmdasviðs að vinna gögnin áfram í samræmi við afgreiðslu Framkvæmda og veitunefndar frá 30.04 sl. Sviðsstjóra er einnig falið að kostnaðarmeta nýlagnir annars vegar frá Reykjahlíð að Vogum og hins vegar frá Hótel Laxá að Álftagerði.
Samningsdrög frá 2020 eru ekki hagfelld fyrir Veitustofnun út frá þeim útreikningum sem liggja fyrir og ítrekar sveitarstjórn tillögur að lausn sbr. erindi til landeigenda sent þann 30.3.2026.
Sveitarstjórn telur að aðkallandi endurnýjunarframkvæmdir á stofnlögn frá Reykjahlið að Vogum hvíli á því að samningar náist um kaup og dreifingu á heitu vatni svo rekstrarforsendur Veitustofnunar séu fyrirsjáanlegar. Sveitarstjóra falið að kynna landeigendum niðurstöðu sveitarstjórnar.
Samþykkt með atkvæðum Knúts, Gerðar, Önnu, Úllu, Ragnhildar, Árna Péturs og Jónu Bjargar. Haraldur og Eyþór greiða atkvæði á móti.
Langvarandi samningsleysi á milli sveitarfélagsins og landeigenda í Vogum frá 1992 um afhendingu vatns og endurgjald fyrir heitt vatn hefur m.a. leitt til þess að viðhaldsþörf hefur hlaðist upp. Um það verður ekki deilt að núverandi ástand hitaveitulagna á leiðinni Reykjahlíð - Vogar er ekki viðunandi og nauðsyn er að fara í framkvæmdir eins fljótt og hægt er. Þó skal haft í huga að rekstur hitaveitu er ekki eitt af lögbundnum verkefnum sveitarfélaga og við vinnu við fjárhagsáætlun fyrir árið 2026 þurfti því miður að skera niður áætlaða fjárveitingu til hitaveitunnar þar sem önnur lögbundin verkefni gengu fyrir.
Rekstur hitaveitu þarf að standa undir sér. Því ættu það að vera sameiginlegir hagsmunir allra notenda og eiganda hitaveitunnar að reka hitaveitu sem getur staðið undir nauðsynlegri endurnýjun. Þarna þarf að skilja á milli eigenda hitaorku annars vegar og svo notenda vatns frá dreifikerfi hinsvegar, líkt og hefur verið gert í samningi á milli sveitarfélagsins og eigenda heitavatnsréttinda Reykjahlíðar.
Sveitarstjórn þakkar erindið og felur sveitarstjóra og framkvæmda- og veitunefnd að funda með bréfritara sem fyrst og kynna niðurstöðu þess fundar á næsta sveitarstjórnarfundi 25. mars.
Samþykkt samhljóða.