Stórutjarnaskóli í Þingeyjarsveit auglýsir eftir matráði
Helstu viðfangsefni og ábyrgð
- hefur yfirumsjón með eldhúsi og sér um matseld og almenn eldhússtörf
- skipuleggur matseðla í samræmi við ráðleggingar landlæknis um mataræði barna í leik- og grunnskólum
- annast innkaup matvæla og frágang og geymslu á þeim
- annast tilfallandi önnur störf s.s. í tenglsum við fundi og uppbrotsdaga
Hæfnikröfur
- viðkomandi þarf að bera virðingu fyrir börnum
- þarf að hafa góða samskiptahæfni
- matreiðslumenntun er kostur
- þekking/reynsla af rekstri mötuneytis ásamt mannaforráðum er kostur
- þekking/reynsla af næringarfræði, sérfæði, gæðum og fjölbreytileika matar er kostur
- vera sjálfstæður í vinnubrögðum og sýna frumkvæði
- vera stundvís og lausnamiðaður
Stórutjarnaskóli stendur í Ljósavatnsskarði og er samrekinn leik- grunn- og tónlistarskóli með um 45 nemendur frá eins árs til 16 ára aldurs. Öll starfsemi skólans er í sama húsnæði. Skólinn er Grænfánaskóli og Heilsueflandiskóli og leggur áherslu á að búa nemendum og starfsfólki fjölbreytt leik- náms- og starfsumhverfi sem eflir alhliða heilsu og þroska. Mikið samstarf er milli námshópa innan skólans og er skólinn í góðu samstarfi við nágrannaskóla sína og tekur einnig þátt í þróunarstarfi með skólum erlendis. Þá stefnir skólinn á að taka þátt í verkefni sem lýtur að því að auka nýtingu fæðu úr heimahéraði.
Starfshlutfall er 100% og eru laun samkvæmt kjarasamningum
Staðan er laus frá og með 15. ágúst 2022.
Umsóknarfrestur er til 30. júlí 2022.
Áhugasamir eru hvattir til að hafa samband í síma 4643220/8483547 eða í gegnum
netfangið birnada@storutjarnaskoli.is
Umsóknir skulu sendar á netfangið birnada@storutjarnaskoli.is
Umsókninni þarf að fylgja ferilskrá
