Auglýsing um niðurstöðu sveitarstjórnar vegna breytinga á deiliskipulagi Þeistareykjavirkjunar

Sveitarstjórn Þingeyjarsveitar samþykkti þann 22. maí 2025 deiliskipulagsbreytingu Þeistareykjavirkjunar. 

Svæðið sem tekur breytingum er við skiljustöð þar sem mannvirkjabelti M-2 er stækkað og tveimur lóðum ásamt byggingareitum er bætt við. Markmiðið er að reisa á annarri lóðinn toppþrýstingsvirkjun sem nýtir glatvarma á svæðinu og á hinni aðstöðu fyrir afleidda starfsemi jarðvarmavirkjunarinnar.

Eftir auglýsingu var gerð minniháttar breyting á stærð lóðar og byggingareitar fyrir toppþrýstingsvirkjun. Málið er í skipulagsgátt nr. 423/2025.

Skipulags- og byggingarfulltrúi Þingeyjarsveitar