Jarðböðin - breytt afmörkun byggingarreits - breyting á deiliskipulagi

Jarðböðin óska eftir heimild til breytingar á afmörkun á byggingarreit B1 í deiliskipulagi fyrir jarðböðin. Breytingin felur því í sér stækkun og hliðrun á byggingarreit B1 við baðlónið án aukins byggingarmagns, auk þess sem heimild er bætt við fyrir litlar byggingar tengdar böðunum á byggingarreit B2, svo sem gufubað, upplifunarrými, salerni og tækni- og þjónusturými. Að öðru leyti gilda eldri skipulagsskilmálar.

Á 50. fundi skipulagsnefndar var eftirfarandi bókað og samþykkt varðandi Jarðböðin - breytt afmörkun byggingareits - breyting á deiliskipulagi:

"Skipulagsnefnd samþykkir óverulega breytingu á deiliskipulagi skv. framlögðum gögnum með þeim breytingum sem ræddar voru á fundinum. Skipulagsnefnd telur ekki þörf á grenndarkynningu skv. 44. gr skipulagslaga nr. 123/2010 þar sem breytingin varði ekki hagsmuni annarra en umsækjanda. Nefndin leggur til við sveitarstjórn að samþykkja breytinguna skv. 2. mgr. 43. gr. skipulagslaga."