Bergið headspace - samstarfsamningur

Málsnúmer 2605032

Sveitarstjórn Þingeyjarsveitar - 80. fundur - 28.05.2026

Fyrir sveitarstjórn liggur til umfjöllunar og afgreiðslu samstarfssamningur á milli sveitarfélaganna á Norðurlandi eystra og Bergsins headspace en Bergið headspace veitir stuðnings- og ráðgjafaþjónustu fyrir ungt fólk á aldrinum 12-25 ára. Þjónustan er aðgengileg, án skilyrða og án endurgjalds. Samningurinn er til þriggja ára.

Upphæð Þingeyjarsveitar vegna tímabilsins 1.7.2026-30.06.2027 (ár 1) er 237.243, 260.055 á ári 2 og 282.867 á ári 3. Upphæð ársins rúmast innan fjárheimilda ársins.

Sveitarstjórn samþykkir framlagðan samstarfssamning ásamt árlegu framlagi til Bergsins Headspace. Sveitarstjórn beinir því til sviðsstjóra Fjölskyldusviðs að útfæra kynningu á starfseminni á miðlum og í stofnunum sveitarfélagsins sem og að kanna hvort viðkomandi aðilar geti nýtt sér aðstöðu á vegum sveitarfélagsins til viðtalstíma.

Samþykkt samhljóða.