SSNE - skipan stjórnar og þingfulltrúa

Fyrir sveitarstjórn liggur erindi frá SSNE er varðar skipan stjórnar og þingfulltrúa í upphafi nýs kjörtímabils.

Fyrir sveitarstjórn liggur erindi frá SSNE dagsett 17. maí sl. er varðar skipan stjórnar og þingfulltrúa SSNE.

Samkvæmt 4.1. gr. samþykkta Samtaka sveitarfélaga og atvinnuþróunar á Norðurlandi eystra (SSNE) ber sveitarstjórn að skipa fulltrúa í stjórn samtakanna í upphafi nýs kjörtímabils. Samkvæmt ákvæðinu skipar hvert aðildarsveitarfélag einn fulltrúa í stjórn SSNE og annan til vara, nema Akureyrarbær sem skipar tvo fulltrúa og tvo til vara. Stjórn skal skipuð til fjögurra ára. Jafnframt er minnt á skipan þingfulltrúa á þing SSNE samkvæmt 3.2. gr. samþykktanna. Þingfulltrúar eru skipaðir til fjögurra ára í upphafi kjörtímabils sveitarstjórna. Kjörgengir sem þingfulltrúar eru kjörnir sveitarstjórnarmenn, varamenn þeirra og framkvæmdastjórar aðildarsveitarfélaga. Við skipan þeirra skal einnig gæta að jöfnum hlut kynja. Miðað við íbúafjölda Þingeyjarsveitar ber sveitarfélaginu að skipa 3 þingfulltrúa og 3 til vara.