Útrýming malarvega

Lagt var fram til kynningar minnisblað um útrýmingu malarvega á Norðausturlandi, unnið af Eflu fyrir SSNE - Samtaka sveitarfélaga og atvinnuþróunar á Norðurlandi eystra. Í minnisblaðinu er fjallað um stöðu og umfang malarvega í landshlutanum, forsendur uppbyggingar, mögulegar útfærslur og áætlaðan kostnað við að leggja bundið slitlag á viðkomandi vegi.

Í kafla um Þingeyjarsveit kemur fram að í sveitarfélaginu eru um 10 tengivegir með samtals lengd um 140 km auk umfangsmikils nets héraðsvega, og að þörf sé á verulegum endurbótum með tilliti til umferðar og öryggis.