Vogar 1 - veglagning að íbúðarsvæði - umsókn um framkvæmdaleyfi

Málsnúmer 2508025

Skipulagsnefnd - 39. fundur - 20.08.2025

Ólöf Hallgrímsdóttir fyrir hönd Vogabús ehf sækir um framkvæmdaleyfi til vegagerðar að íbúðarsvæði. Lagning vegar frá Mývatnssveitarvegi 848 að nýju íbúðasvæði í landi Voga 1. Vegurinn mun einnig þjóna Kambi og tveimur sumarhúsum í landi Bjarkar sem þegar hafa verið byggð. Vegurinn verður gerður skv. gildandi deiliskipulagi.

Fyrir liggur kæra á ákvörðun sveitarstjórnar Þingeyjarsveitar frá 27.mars 2025 um að samþykkja breytingu á deiliskipulagi Voga 1 sem þessi umsókn um framkvæmdaleyfi byggir á.
Skipulagsnefnd samþykkir útgáfu framkvæmdaleyfis þegar tilskilin gögn hafa borist og að fengnum úrskurði Úrskurðarnefndar Umhverfis og auðlindamála um gildi deiliskipulagsins.