Sorpútboð Þingeyjarsveitar

Sviðsstjóri fór yfir fyrirhugað útboð í sorphirðu.

Nefndin þakkar kynninguna. Það er mat nefndarinnar að verkefnið sé á góðum stað. Nú styttist í útboð og ákvörðunartöku um staðsetningu grenndarstöðva, tíðni sorphirðu, rekstur gámavalla, stærð íláta og hvernig kynningu og fræðslu skal háttað. Nefndin stefnir að því að ljúka ákvörðunartöku um þessi atriði ásamt öðrum á næsta fundi nefndarinnar.

Nefndin þakkar kynninguna og leggur áherslu á að útboðið fari fram sem fyrst.

Umhverfisfulltrúi fór yfir stöðuna á sorpútboði sveitarfélagsins. Ekki næst að senda gögnin í yfirlestur og útboð fyrir næstu sveitarstjórnarkosningar. Stefnt skal á að koma drögum að tilboðsskrá og verklýsingu fyrir næsta umhverfisnefndarfund, svo sem mest af gögnum sé tilbúið fyrir næstu sveitarstjórn.

Nefndin þakkar Daða, starfsmanni nefndarinnar, og Brynju Dögg fyrir góða vinnu og samantekt. Mikilvægt er að ný sveitarstjórn og ný umhverfisnefnd taki málið föstum tökum og nýti sér þá vinnu og gögn sem búið er að vinna. Stefnt er á að úboðið sé klárt í haust og nýr aðili geti hafið sorphirðu áramótin 2026-2027.