4. fundur

Fundargerð

Umhverfisnefnd 2022-2026

01.12.2022

4. fundur

Umhverfisnefnd 2022-2026

haldinn í Kjarna fimmtudaginn 01. desember kl. 14:00

Fundarmenn

Anna Bragadóttir, Sigurður Böðvarsson, Rúnar Ísleifsson, Árni Pétur Hilmarsson og Garðar Finnsson.

Starfsmenn

Magnús Már Þorvaldsson

Fundargerð

 

Fundur umhverfisnefndar haldinn í Kjarna,

fimmtudaginn 1. desember 2022, kl. 14:00.

 

 

Fundinn sátu:

Dagskrá:

 

1.

Lausnir varðandi bann við urðun lífræns úrgangs - 2211003

 

Kynning Pure North. Pure North Recycling er eina fyrirtækið á Íslandi sem endurvinnur plast að fullu auk þess sem fyrirtækið býr yfir reynslu og þekkingu í umhverfismálum - einkum og sér í lagi viðfangsefni tengt úrgangsmálum og hringrásarhagkerfinu. Kynningu f.h. fyrirtækisins annast Börkur Smári Kristinsson umhverfisverkfræðingur.

 

Umhverfisnefnd þakkar Berki Smára Kristinssyni fyrir kynninguna. Nefndin leggur til við sveitarstjórn að samningsbundinn þjónustuaðili úrgangs í sveitarfélaginu, Terra, verði falið að laga flokkunarkerfið að breyttum lögum um meðhöndlun úrgangs. Áfram verður unnið að staðbundnum lausnum er varðar lífrænan úrgang til að hann nýtist í hringrásarhagkerfi innan sveitarfélagsins. Samhljóða samþykkt.

 

   

2.

Hringrásarhagkerfið - Drög að samþykkt um úrgangsstjórnun og gjaldskrá - 2211017

 

Lögð fram drög að svæðisáætlun fyrir Norðurland ásamt tillögum að sorphirðusamþykkt og gjaldskrá. Drögin og tillögurnar eru afurða samstarfs sveitarfélaga á Norðurlandi eystra.

 

Umhverfisnefnd hefur engar athugasemdir á þessu stigi. Samhljóða samþykkt.

 

   

3.

Umhverfisstefna Þingeyjarsveitar - 2206053

 

Lögð er fram umhverfisstefna Þingeyjarsveitar sem hefur verið uppfærð af umhverfisnefnd. Aðgerðaráætlun stefnunnar er til endurskoðunar.

 

Aðgerðaráætlun fyrrum Skútustaðahrepps lögð fram til kynningar. Aðgerðaráætlun umhverfisstefnu verður endurskoðuð í framhaldi af staðfestingu umhverfisstefnu í sveitarstjórn. Samhljóða samþykkt.

 

   

4.

Umhverfisverðlaun Þingeyjarsveitar - 2210002

 

Umhverfisverðlaunum Þingeyjarsveitar er ætlað að efla vitund um náttúru- og umhverfisvernd. Til umræðu útfærsla á vali handhafa verðlauna.

 

Umhverfisnefnd leggur til við sveitarstjórn að reglur um umhverfisviðurkenningu Þingeyjarsveitar verði samþykktar. Nefndin samþykkir framlagða auglýsingu til umhverfisverðlauna og felur starfsmanni að birta hana á heimasíðu sveitarfélagsins og öðrum miðlum. Samhljóða samþykkt.

 

   

Fundi slitið kl. 15:45.