255. fundur

Fundargerð

Sveitarstjórn

02.05.2019

255. fundur

haldinn í Kjarna fimmtudaginn 02. maí kl. 13:00

Fundarmenn

Arnór Benónýsson, Margrét Bjarnadóttir, Árni Pétur Hilmarsson, Jóna Björg Hlöðversdóttir, Hlynur Snæbjörnsson, Hanna Jóna Stefánsdóttir og Ásvaldur Ævar Þormóðsson.

Starfsmenn

Dagbjör Jónsdóttir, sveitarstjóri

Fundargerð ritaði: Dagbjört Jónsdóttir, sveitarstjóri

Dagskrá:

1. Ársreikningur Þingeyjarsveitar 2018: Seinni umræða - 1904006

Ársreikningur Þingeyjarsveitar 2018 ásamt endurskoðunarskýrslu lagður fram til síðari umræðu.

Ársreikningur Þingeyjarsveitar 2018 samþykktur samhljóða og undirritaður. Ábyrgðar- og skuldbindingayfirlit staðfest og undirritað. Ársreikningurinn verður aðgengilegur á heimasíðu sveitarfélagsins að fundi loknum.                        

2. Bergljót Þorsteinsdóttir: Umsögn vegna umsóknar um rekstrarleyfi - 1904023

Lögð fram umsagnarbeiðni frá sýslumanninum á Norðurlandi eystra, dags. 09.04.2019 þar sem Bergljót Þorsteinsdóttir sækir um rekstrarleyfi, flokkur II gististaður án veitinga, í Skógum í Þingeyjarsveit.

Sveitarstjórn gerir ekki athugasemdir við veitt rekstrarleyfi með fyrirvara um að jákvæðar umsagnir berist frá skipulags- og byggingarfulltrúa og heilbrigðis og eldvarnareftirlitinu, sbr. b-lið 7. gr. laga nr. 67/2016, um breytingu á lögum nr. 85/2007.                 

3. Skipulags- og umhverfisnefnd: Fundargerðir - 1804018

Lögð fram 113. fundargerð Skipulags- og umhverfisnefndar frá 17.04.2019. Ásvaldur gerði grein fyrir fundargerðinni sem er í sjö liðum.

2. liður fundargerðar; Rarik, umsókn um framkvæmdaleyfi vegna strenglagningar.

Sveitarstjórn samþykkir umsókn Rarik um framkvæmdaleyfi vegna strenglagningar að Hólsvirkjun í Fnjóskadal og lagningu 12 kV dreifistrengja sem taka við af núverandi loftlínu sem verður fjarlægð að framkvæmd lokinni þar sem samþykki allra landeigenda, Vegagerðar, Fiskistofu og Minjastofnunnar liggur fyrir. Sveitarstjórn felur skipulagsfulltrúa að gefa út framkvæmdaleyfið í samræmi við fyrirliggjandi drög að framkvæmdaleyfi, reglugerð um framkvæmdaleyfi nr. 772/2012 og einnig 13.-16. gr. skipulagslaga nr. 123/2010.

3. liður fundargerðar; Hólsvirkjun, breyting á deiliskipulagi.

Sveitarstjórn samþykkir óverulega breytingu á deiliskipulagi Hólsvirkjunar skv. 2. mgr. 43. gr. skipulagslaga nr. 123/2010 og felur skipulagsfulltrúa að grenndarkynna fyrirhugaða breytingu fyrir nágrönnum og öðrum hagsmunaaðilum eins og 44. gr. fyrrnefndra laga mælir fyrir um.

5. liður fundargerðar; Yztafell 3a, stofnun lóðar.

Sveitarstjórn samþykkir stofnun lóðarinnar og felur byggingarfulltrúa að annast málsmeðferð vegna hennar eins og lög og reglugerðir mæla fyrir um.

6. liður fundargerðar; Björg land, nafnabreyting.

Sveitarstjórn samþykkir nafnabreytingu lóðarinnar og felur byggingarfulltrúa að annast málsmeðferð vegna hennar eins og lög og reglugerðir mæla fyrir um.

7. liður fundargerðar; Sandur, yfirlýsing um landamerki.

Sveitarstjórn samþykkir yfirlýsinguna og felur byggingarfulltrúa að annast málsmeðferð vegna hennar eins og lög og reglugerðir mæla fyrir um.  

Sveitarstjórn staðfestir fundargerðina að öðru leyti.                    

4. Greið leið ehf.: Aðalfundarboð - 1804043

Lagt fram aðalfundarboð Greiðrar leiðar ehf. sem haldinn var 30.04.2019 á Glerárgötu 36, Akureyri. Sveitarstjórn samþykkti í tölvupósti milli funda að Margrét Bjarnadóttir færi með umboð Þingeyjarsveitar á fundinum.

Sveitarstjórn staðfestir afgreiðsluna.                      

5. Endurskoðun Aðalskipulags Þingeyjarsveitar 2010-2022 - 1903011

Samantekt minnispunkta um endurskoðun á aðalskipulagi sem Bjarni Reykjalín tók saman.

Lagt fram til kynningar.                     

6. Samband íslenskra sveitarfélaga: Fundargerðir - 1804006

Fundargerð 870. fundar stjórnar Sambands íslenskra sveitarfélaga.

Lagt fram til kynningar.                     

7. Samband íslenskra sveitarfélaga: Lög um opinber innkaup - 1904040

Bréf frá Sambandi íslenskra sveitarfélaga, dags. 17.04.2019 um lög um opinber innkaup nr. 120/2016 sem taka að fullu gildi 31. maí 2019.

Lagt fram til kynningar.                       

8. Samgöngu- og sveitarstjórnarráðuneytið: Fjármál sveitarfélaga - 1904053

Bréf frá samgöngu- og sveitarstjórnarráðuneytinu, dags. 23.04.2019 um fjármál sveitarfélaga.

Lagt fram til kynningar.       

Fleira ekki gert. Fundi slitið kl. 13:52